À LA HEINE MK HE
Prochain départ du roi catholique pour ita revenir en Espagne — Bon accord entre le* deux rois.
— Contentement de Philippe II de son mariage avec Élisabeth. — Bons offices du marquis de Bergues. — L’évdque de Limoges remercie la reine mère de la hiemeillatice quelle porte A ceux de sa maison.
Madame, par la lettre que j’escris au roy, vous jugerez, s’il vous plaist, le contentement que le roy catholique a receu depuis qu'il a entendu, après la visitation que nostre Seigneur vous a, et à toute la chrestienté, envoyée, que sa majesté s’est, avec vostre bon conseil et celui de messcigneurs le cardinal et duc de Guise, résolu de suivre et observer de poinct en poinct les choses traiclées, d’ao * croistre et perpétuer l’amitié jà formée et establie entre le feu roy et luy : en quoy il promect de sa part donner au roy et à vous , madame, par les effects, de si bons et certains enseigneinens de sa sincère volunté, que vous n’aurez jamais regret d’avoir esté cause d’ung si grand bien. Sur cestc confiance, il prépare son voyage d’Espaigne, in’ayant asseuré qu’il partira de cestc ville ce vm® du mois d’aoust prochain : espérant, si les vents le favorisent tant soit peu, estre le quinzième jour ensuivant en Espaigne, où il a pieu
SOUS FRANÇOIS II
au roy me commander de le suivre, et vouloir que, envoyant mes gens et hardes par mer, je luy venisse faire la révérence et k vous, madame, pour m’estre moien vous rendre compte de ma charge, dont je n'aurai pas grande peine, nostre Seigneur continuant l’establisscment et correspondance telle que je la veoy entre leurs deux majestés, comme je m’asseure qu’il sera, affin que, vivans sans dissimulation, franchement et ainsi que vrais chrestiens doihvcnt, après l’expérience de tant de maulx, la chrestienté en reçoive le fruict qu’elle attend il y a longtemps.
Sa majesté au surplus, madame, a ung singulier contentement de la rovne catholirque sa femme, et luy porte, comme j’estime que vous aurez entendu par mes précédentes despesches, l’amour telle que vous et elle scauriez désirer, dont je vous eusse, et à elle, plus souvent rendu compte; mais les seigneurs qui sont de ceslc court allés coup sur coup vers le feu roy vous en ont avec telle foy faict ample tesmoignage que c’eust esté chose superflue.
Monsieur le marquis de Bergues a fait, à son retour, fort bons et honnestes offices, ainsique sa majesté me déclara hier matin, estant singulièrement satisfaict, entr'autres particularités qu’il a sceucs, de ce que le roy ayme la royne sa femme et qu’il la tient au rancq de la meilleure seur, comme l’ayant sceu mieulx et par le menu tesmoigner ceux qui sont retournés de France.
Au surplus, madame, il a pieu au roy et à vous faire tant de bien et de faveur à mes frères1 et à moy que de nous estimer dignes de vous faire très-humble service , ainsi qu’il a pieu à sa majesté m’escrire, dont je la remereye et vous très-humblement , et de ce qu’il vous plaist prendre la peine d’estro tutrice des serviteurs anciens du feu roy; vous asseurant bien que pour récompense de tant d'honneur j’cmploieray au service de sa majesté et de ce qu’elle aymera, tout soin, fidcllité et diligence, espérant que le roy et vous,
1 Les frères de l'évêque de Limoges l'Aubespine, seigneur de la Poirière, el étaient Claude de l’Aubespine, deuxième François de l’Aubespine, seigneur du du nom. seigneur d’Hauterive; Gilles de Bois-le- Vicomte et de la Corbülière.
en aurez le mesme contentement que le feu roy a eu, duquel j’ay tant receu de bien et d’honneur, que ceste seulle mémoire oblige ma vye et tout ce que Dieu m’a donné en ce monde. Tescris un mot à la royne catholique affin que elle sache de la bonne santé et disposition de sa majesté.
Madame, je prye nostre Seigneur vous donner, en toute prospérité, santé très-heureuse et très-longue vye. De Gand, ce xix' de juillet i55q.
Vostre très-humble et très-obéissant serviteur,
S. DF. L’ADBESPIN’E,
Evosque de Lviuogev
Au dos : A la rov ne, mère du roy.
Al! DUC DE GUISE.
Satisfaction qu'éprouve le roi catholique des bonnes dispositions du roi très-chrétien à son égard, et de l'entrée du duc de Guise et du cardinal au principal maniement des affaires. — L'évêque de Limoges proteste de son dévouement à la maison de Lorraine.
Monseigneur, j’escrips si amplement au roy et à monseigneur le cardinal , que par là , je m’asseurc , vous jugerez assez combien ce prince est ayse et content de veoir que sa majesté soyt en délibération si bonne et entière de le respecter et faire cas de son amytié, laquelle il veult et désire estre réciproquement telle, en l’endroit du roy, que le fruict que la chrestienté en attend se puisse, au bien et repos de leurs estats, veoir et recevoir d’ung chacun. Hier, que j’eus audience de sa majesté , après luy avoir présenté vos humbles recommandations et fait entendre que, suivant l’intention du roy, mon dit seigneur, le cardinal et vous, monseigneur, estiez entrés au maniement principal des affaires avec bonne et saincte intention d’accroistre et estraindre à l’advenir l’amitié et correspondance de leurs deux majestés, il en reccut fort grand plaisir et satisfaction. Telle-
SOUS FRANÇOIS II
ment que sur cette confiance il fonda son partement et autres de ses desseings, qui me faict, monseigneur, vous supplier, comme aussi fais-je monseigneur le cardinal, vouloir tenir mesme langaige au duc d’Alve, au sieur Rui-Gaulmès et aultres de leurs ministres qui sont en France : afin que estant ceste confiance acheminée, elle s’establisse perpétuelle et sans aucune défiance.
Puisqu'il plaist au roy nie commander d’aller en Espagne, et luy faire la révérence en passant, j’espère avoir cest heur que de vous saluer aussi , et de bouche remercier très-humblement de tant de bien et faveur dont moy et les miens sommes tellement obligez 4 toute vostre maison, que comme de chose vostre vous disposerez, s’il vous plaist, des personnes et des biens, avec asseurance de n’en estrc jamais ingrat, ains de le recognoistrc où Dieu me fera la grâce de vous faire service : vous suppliant me continuer vostre bonne grâce, à laquelle je me recommande très-humblement, vous disant à Dieu , auquel je prie vous conserver,
Monseigneur, en très-bonne santé , très-heureuse et longue vye. De Gand , ce xix" juillet 1 55g.
Vostre très-humble et obéissant serviteur,
S. DE L’AUBESPINE
Evfôque do Lymoges.
A a dos : A monseigneur, monseigneur le duc de Guise.
