JUILLET I

Elle le remercie de ce qu'il la tient si hien au courant de tout ce qui concerne U reine sa fille, et des bons avis qu'il lui donne, qui devront profiter, va son bon nature). — Du contentement qu'elle a de sa conduite, notamment avec la comtesse d’Ureigna. — Touchant l'entrevue projetée, retardée par les nombreuses affaires survenues. — Elle désire qu'elle soit remise au printemps, et prie l'évêque de Limoges de disposer les choses pour cela, faisant entendre qu'elle devient pesante et ne peut plus se remuer comme autrefois, etc. — Au sujet de sa fille la jeune Marguerite, recherchée par le prince de Portugal

Monsieur de Lymogcs, je ne puis dire le plaisir que me faictes d’ainsy particulièrement m’advertir de toutes choses qui passent allentour de la roync ma fdle, et me discourir de toutes ses actions tant par le menu, comme jusques icy vous m’avez faict : car vous pouvez penser combien ce m’est de bien et de contantemcnt d’entendre qu’elle soit tant ayméc du roy son mary et estymée de tout le monde, comme vous le me mandez, et de sçavoir quelle se y comporte de telle façon, que tant luy que ses principaulx ministres en ayent tant de contantement et de satisfaction. En quoy je n’ignore point le service que vous luy faictcs et combien elle vous en est tenue; car encores que, Dieu merci, elle ayt le naturel bon et l’entendement tel que, quant elle le vouldra applicquer à quelque chose, j’espéreray tousjours qu’elle le fera bien; si est-ce que pour la jeunesse quelle a, elle ne peult pas avoir tant de cognoissancc des choses du monde que l’aige et l’expérience luy pourront apporter. Et je sçay combien cependant vos saiges recors et advis luy peuvent servir et profficter, lesquels je suis merveilleusement aise de veoir qu’elle mecte peyne d’ensuyvre, comme j’ay bien cogncu en beaucoup de choses, et mesmement en ce qui c’est dernièrement passé touchant la contesse d’Ureigna, et je treuve qu’elle a le mieulx faict qu’il est possible ; et en fault user de ceste façon à qui deffault l’honneur et la révérance qu’ils doivent porter à leurs maistres ou maîtresses. Et ce qui plus nie contante est de veoir que le roy son mary ayt trouvé bon ce

SOUS FRANÇOIS II. 45

quelle en a l'aict, car cela est bien grande démonstration de l'amytié qu’il lui porte , laquelle , j’espère , avec l’aide de Dieu , augmentera de jour à aultre , se conduisant la royne ma fille comme elle a trèsbien faictjusques icy, et vous luy faisant ung si fidèle service comme vous faictes, dont vous pouvez asseurer, monsieur de Lymoges, que je me souviendray perpétuellement, et qu’il ne sc présentera jamais riens pour vostre bien et avancement qu’il ne me soit en telle recommandation que le pouvez désirer, comme vous le cognoistrez par effect quand vous m’employererf en quelque chose.

Au demeurant, vous savez les propos qui ont esté mis en avant de la veue du roy mon bon fils et de moy, laquelle Dieu, pour la commodité des ungs et des aultros, a' remise jusques aujourd’huy, nous estant survenus depuis quelques moys tant d’affaires que, quelque volunté que j’en eusse eue, il ne m’eust esté possible de la pouvoir exécuter. Et maintenant nous sommes venuz en ce lieu de Fontainebleau pour prendre une bonne résolucion en tous nos affaires et y establir quelque bon ordre et règlement, ce qui n’est pas, comme vous pouvez très-bien penser, ung œuvre d’ung jour ny d’ung mois. Et pour ce que nous nous délibérons y en demeurer trois ou quatre, je désirerois bien que ceste veue fust remise, s’il y avoit au monde moyen, au commencement de la primevère; mais il fauldroit que vous conduisissiez cela, monsieur de Lymoges, avec telle dextérité qu’ils ne cogneussent que j’en feus diminuée, ny que j’eusse volunté de la retarder ny différer aucunement; car je désire infiniment quelle se fasse en quelque façon que ce soit. Mais si leur commodité et la nostre se pouvoieut rencontrer, se me seroit ung grand repos et contentement. Ce que vous pourrez brasser comme de vous-mesme de longue main, vous excusant sur ce que je deviens ung peu pesante et que je ne puis pas aller comme j’ay faict, et sur la saison qui sera si rudde et incommode qu’il y aura peu de moyen de faire un si long et pénible voiaige. De façon que vous bâtissiez cela si dextrement, que d’eulxmesmes ils vous en recherchent s’il est possible : leur faisant toujours bien entendre qu’il n’y a rien que je désire plus que de vcoir