TT

Touchant le licenciement d'une partie de la gendarmerie du gouvernement de Bourgogne.

Mon oncle, vous sçavez que à la dernière monstre qui a esté faicte en armes de ma gendarmerye, pour les quartiers de janvier et d’avril dernier passé, j’ay ordonné et faict faire commandement à toute madicte gendarmerye de tenir garnison pour le reste du mois de juillet et jttsques à la fin du présent. Et combien que mon service requist que toute ma gendarmerie ne. désemparast encores ladicte

SOUS FRANÇOIS II. 455

garnison jusques à la prochaine monstre qui se fera en octobre prochainement venant, toutefois , désirant luy donner le plus de soulaigement qu’il m’est possible, je me contenteray qu’il demeure la moitié de chacune compaignie à la garnison avec deux des chefs. Et vous prie à ceste cause que, incontinent ceste lettre receue, vous envoyez publier et commander de par moy par toutes les garnisons de grande gendarmerie establie en vostre gouvernement, que après le service de ce présent moys expiré et passé, il n’y ayt que la moitié de chacune compaignye qui se retire en leurs maisons, et que l’aultre moitié tienne garnison avec deux des chefs , et leuFs armes et grans chevaulx prêts et en équippaige de marcher la part que je leur feray sçavoir; et ce jusques à ladicte monstre prochaine, qui se fera audit moys d’octobre prochain, et sur peine aux défaillans de n’eslre seullemcnt cassés de leurs places, mais aussy punis des aullres peines portées par mes ordonnances; et allin que je puisse sçavoir comme mon intention sera en cela ensuivie, et que je me trouve point trompé de la force que je fais compte de trouver tonsjours preste pour mon service, si j’en ay affaire, ne fai liez , après les susdites publications et commandemens faicts, d’envoyer, de foys à aultres, vcoir et visiter en chacune garnison si la moitié desdictes compaignies y sera demeurée, et s’il s’en trouve des défaillans, faictes prendre leurs noms par cscript, pour m’en advertir incontinent, allin que je y face donner telle provision que je verrai estre de raison. Mais ne faictes faulte à ce que dessus, d'aultant que c’est chose dont je me fye et repose sur vous et sur tant que vous m’aymez, et le bien de mon service. Priant Dieu, mon oncle, qu’il vous ayt en sa saincte garde. Escript 4 Challuau, le ix' jour d’aoust 1 56o.

FRANÇOYS

Et plus bai :

BOURDIN

Au dot : A mon oncle le duc d’Aumalle, gouverneur et mon lieutenant général en Bourgongne, ou à son lieutenant audit gouvernement.