IÔ
Quand, suyvant le traicté et contract faict naguères entre les depputés de nos souverains d’une part, et les seigneuries et noblesse de ce royaulnie d’aultre, tous torts et oppressions dévoient cesser, et que ung chacun, selon son estât, estoit tenu de vivre sous la deue obéyssance de nos souverains, suyvant les lois de ce royaulnie, une complaincte a etc portée au conseil de la part d’aucuns subjccts de ce royaulnie à l’encontre de Robert, seigneur de Temple, et aultres ses complices qui auroient faict plusieurs meurtres, déprédations, bruslé maison et bleds, renversé des maisons de pierre; et toutes ces choses ne sont advenues que par le moyen d'une action et inimitié particulière qui est entre lui et sa partie, à laquelle le conseil octroya lettres pour l’adjourner et sesdits complices à comparoir devant la justice générale, ou ses députez, pour se soubmettre à la loy, pour raison desdils crimes.
Le sieur Temple et ses complices donnèrent caution de comparoir au jour assigné; le jour estant venu pour comparoistrc, estant plusieurs légitimement appelez, ne comparurent point: au moyen de quoy, pour leur contumace , ont esté dénoncés rebelles, et, suyvant les lois et la pratique de ce royaulnie, ont esté mis à la corne. Ils n’i sont seulement demeurés jusqu’à présent, par grande contemplion, les rebelles de nosdits souverains, ains ont levé des compagnies de gens de pied et se sont fortifiés dans le chasteau de Temple, et de nouveau ont fortifié une maison dans une isle qui est au lac de Lochquhinyeoth , faisant de jour en jour incursion sur les subjects de nos souverains, et ne se contentent seulement de leur oster leurs biens, ains font tant de meurtres que personne ne s’ose tenir à l’entour: meaine ils sont tant inhumains qu’ils n’espargnenl l’impotente vieillesse de quatre-vingts ans, ains les tuent dans leurs lielz
Les seigneurs, ayant entendu que ledit sieur de Temple se scroit retiré au chasteau de Danibar, laissant dans son chasteau de Temple son fils et une forte garnison de soldats qui exerçoient tous les jours les oppressions susdites, trouvèrent bon d’envoyer un gentilhomme, ensemble un hérault, à monseigneur Sarlaboz, capitaine de Danibar, pour luy intimer et monstrer leurs proceddures , et pour luy donner à entendre que ledit sieur de Temple estoit rebelle en tant qu’il contemnoit l’aulborité de nosdits souverains et qu’il troubloit tous les jours leurs subjects; et qu’au traicté passé naguères entre les députés de nosdits souverains et la noblesse de ce royaulme il a esté accordé en spécial que ceulx qui auroient le chasteau de Dambar en garde n’eussent à recepvoir dans ladite place aucun Escossois, de quelque qualité ou condition qu’il soit, pour les maintenir contre le conseil de ce royaume, ou garder que les gens de justice ne puissent mectre la main ny se mcsler aucunement des querelles particulières des seigneurs et aultres du pays, ains, en cas de complaincte, seront euix-mesmes tenuz d’en respondre devant les juges ordinaires du pays et punissables selon les lois et coustumes d’icelluy, comme plus au long est contenu audit traicté; et pour ce ont requis et chargé, au nom et authorité de nosdits souverains, ledit Sarlaboz à délivrer ledit Robert, sieur de Temple, au justice général de ce royaulme et à ses depputés à Lisleburgh , dans un certain temps après qu’il en a esté chargé, pour estre puni pour ses offenses et pour estre ervé en justice suyvant les loix du royaulme, soubz les peines contenues en ladite charge : laquelle estant légitimement exécutée, ledit Sarlaboz n’a nullement voulu accomplir ledit traicté ni obéyr à ladite charge, au moyen de quoy l’authorité de nosdits souverains n’est seulement mesprisée en ce royaulme , ains cela sert à donner exemple aux aultres qui ont envye d’inquiéter leurs subjects et de faire toutes les méchancctcz dont ils se pourroient adviser, et de ne se présenter en justice, avans l’espérance d’estre recelez audit chasteau de Dambar, et par ce moyen se saulver et s’exempter de la puniglion qui se debvroit exécuter par la justice ordinaire de ce rovaulme.
SOUS FRANÇOIS II
A ceste cause déclarerez aux majestez du roy et de la royne qu’il est nécessaire, tant pour duement exécuter la justice que pour obvier aux mauvais exemples à l’advenir, qu’il leur plaise y donner tel ordre, de sorte que ledit Sarlaboz ne soit seulement tenu de représenter ledit sieur de Temple à la justice pour estre puni comme il appartiendra, ains qu’il n’ayt nullement à l’advenir, ny aultre ayant la charge dudit chasteau , à receller, loger ou ayder aucun qui soit fugitif et qui ne se vucille présenter aux lois de ce royaulme, ne aultres oppresseurs communs ou meurtriers : et s’il advient qu’aucunes telles personnes fréquentent dans leurs limites, qu’ils soient pretz de les représenter aux juges ordinaires toutes et quantes foys qu’ils en seront requis.
An doi : Plainctcs faictes du sieur du Temple.
