LE KOI AUX ÉVÊQUES DF. FRANCE

Pour te concile national.

De par le roy.

Nostre amé et féal, cncores que les troubles qui sont maintenant en l’église procédans de la variété des doctrines, dissolution de l’ancienne discipline, intermission des conciles, nous ayent donne cause de désirer et procurer par tous offices à nous possibles , la célébration d’ung concile général et œcuménique, comme vray remède et moyen pour guérir les maulx qui sont en l’église, et la restituer en son ancienne splendeur et inlégrité de doctrine et de meurs, et que nostre saint-père le pappe, l’empereur et autres roys et princes de la ebrestienté, par les responces qu’ils nous rendent à l’instante requeste et poursuyete que nous leur en faisons, facent toutes honnestes démonstrations d’y voulloir entendre, et partant que soyons en bonne espérance que si saincte entreprinse , si salutaire et si necessaire, pourra estre conduitte à la fin qu’on désire; toutesfois, pour

SOUS FRANÇOIS II

ce que à l’adventure, par les traverses, cautclles et inventions des ennemys de Dieu et de l’unyon de son église, il y pourroit naislre des difficultés par lesquelles la convocation dudit concile général seroit réduictc en quelque longueur, et qu’en tout événement il est bien requis de pourveoir à la réformation, conservation et seureté des églises de nostre royaulme, et suyvant l’exemple des roys de bonne mémoyre, noz ancestres, convocquer les prélats et autres membres desdites églises, pour conférer ensemble, consulter et résoudre ce qu'ils adviseront digne d’éstre proposé audit concilie général, et néantmoins en actendant la célébration d’icelluy, réformer et retrancher les abbuz, lesquelz peu à peu auroientesté introduicts en la maison de Dieu, contre la règle des sainctes escriptures, canons apostolieques et détermination des saintz concilies, et avoir par là moyen de tousjours confermer les bons à la pureté de religion catholique, ramener ceulx qui en sont desvoyés au droit chemin, et garder les simples de fluctuer et varier selon la diversité des doctrines que l'infélicité du temps a admené, et de jour en autre accumullé. Sur quoy, après avoir mis ce faict en délibération à l’assemblée que feismes naguères à Fontainebleau, qui estoit des princes de nostre sang, gens de nostre conseil privé et autres grands personnaiges de nostre royaulme ; et après avoir oy les sainctes remonstrances que sur ce ils nous ont faictes, et par l’advis d’iceulx avons délibéré, conclud et arresté que une assemblée généralle des prélats et membres des églises de nostre obéissance sera faicte le xxc du mois de janvier prochain, pour conférer, consulter et adviser ce qu’ils congnoistront estre digne d’estre proposé audit concilie général, si tant est qu’il se tienne bientost, et néantmoings cependant résouldre ensemble tout ce qu’il se pourra toucher pour nostre regard la réformation d’icelles églises; en laquelle assemblée nous entendons que tous ceulx qui auront à remonstrer quelque chose concernant l'honneur de Dieu et bien de son église y puissent venir et proposer ce qu’ils adviseront, et après s’en puissent retourner en toute liberté et seureté; à ceste cause, suyvant ce qu'auriez peu desjà

congnoistre de nostre intention, tant par les lettres qu'escrivismes d’Amboisc dès le dernier jour de mars, que autres données à Fontainebleau du dernier d’aoust, sur la convocation des estais généraulx de nostre royauhne , que par restes qui vous sont principalement adressées, vous prions, exhortons, et néantmoings enjoignons de vous préparer et tenir prestz pour vous achemyner vers nostre ville de Paris, au commencement du moys de janvier prochain; de sorte que vous y puissiez arriver sur le XXe dudit moys, pour, eu ladite ville ou autre lieu prochain d’icelle qui vous sera entre cy et là désigné, vous assembler et après conférer ensemble et vacquer à si saincte œuvre et si nécessaire, comme celle qui regarde le vray service de Dieu et la seureté des consciences du povre peuple qui sont distraictcs par variété des sectes et doctrines. Ce pendant néantmoings vous aurez à tenir l’œil ouvert qu’il n’y ayt chose soubz vostre charge qui par vostre négligence puisse empirer, en usant de vostre auctorité ecclésiastique, et avccques telle modération envers ceulx qui seroient soupçonnez ou déférez de sentir mal de la foy, que les desvoyés du droict chemin soient plustost réduicts par les doulccs et amiables exortations que vous leur ferez, que par la sévérité et rigueur des jugemens que pourriez exercer contre eulx. A l'exemple du bon pasteur de l'Evangille, lequel laisse les nonantc-neuf brebis qu’il a en charge, pour chercher la ccntiesme esgarée, laquelle tant s’en fault que après il tue ou aultrement oultrage, qu’il la porte sur son col et la réduict doulccmcnt au troupeau1. Et au demourant, selon l'ancienne institution et exemple des saintz pères, ferez indiction de jeûnes avecques prières publiques et supplications, tant pour appaiser l’ire de Dieu envers son église, que pour luy supplier (le voulloir par son Saint-Esprit si bien inspirer ceulx qui seront assemblés, qu’ils puissent composer et réduire les troubles à la vraye pacification et unyon, et que l’église qu’il a consacrée au sang de son benoist fils Jésus-Christ nostre rédempteur, et qui est mère de tous

' Voilà des maximes d'une douceur impitoyables mesures prises, quelques évangélique qui coutraslent bien avec les mois après, contre les réformés du midi.

fidclles, soit repurgée et nectoyée de toutes ordures et pollutions que les mauvais enfans d’icelle luy auroient apportées, et après, d’ung cceur et esprit , lui puissions tous rendre grâce du repos de la paix qu'il aura rendue à sadite église et conscience des enfans d’icelle.

MÉMOIRE

ES FAVEUR DK LOPOBAZ DE SIGl'EYRA, CONDAMNÉ À ETRE DÉPORTÉ AI) BRESIL.