X MONSEIGNEUR LE CARDINAL DE LORRAINE

Je vous supplye, monseigneur, me faire tant de bien que de me faire obtenir une lettre du roy très-chrcsticn et une aultre de la royne sa mère, pour la royne catholique, contenant que ladite royne catholique veuille escripre à la royne de Portugal, ma maistresse, une lettre en faveur de Lopobaz de Sigueyra, gentilhomme portuguaiz, prisonnier dans la fosse du chasteau de la cité de Lysbonne , lequel est condamné à estre en exil par sept ans au pays de Brézil , contenant ladite lettre que ladite royne de Portugal ma maistresse veuille commuter et changer le bannissement et exil du Brézil, en quelqu’un des lieux d’Aphrique, pour y satisfaire à ladite condamnation en quoy il a esté condamné par justice, et que ladite royne catholique donne charge à son ambassadeur résident en court de Portugal d’en avoir et obtenir ladite dcspesche, sans que nullement elle face mention à la royne ma maistresse d'en avoir esté priée de par deçà. Et en cecy, monseigneur, vous m’obligerez grandement, car ledit gentilhomme est encore parent de mes parens, et la cause pourquoy il a esté condamné n’a esté pour aultre chose que pour la désobéissance d'avoir déguesnée une espéc contre ung juge sans y avoir personne morts ne blessés.