LA REINE MÈRE À I.’ÉYÊQIE DE LIMOGES

5 octoski i 56o.

Au sujet des bruits de la grossesse de ta reine catholique, sa fille. — Conseils à suivre par Elisabeth.

Monsieur de Lymoges, j’ay receu vostre lettre par laquelle me mandez l’espérance que l’on a que la royne ma Hile soit grosse. J’ay grant peur qu’il n’en soit rien, et en mande bien au long mon opinion à madame de Clermont, laquelle vous verrez; et vous prie de dire au roy, monsieur mon beau-lilz, que pour l’envie qu’il a de la veoir grosse, qu’il ne laisse pour cela de commander aux médecins qu’ils ne la tiennent pas tant dans le lict, car si elle ne l’est point, j’aurois peur que cela la gardast et empeschast nature de faire ce qu’elle doibt : aussy si elle l’estoyt, de fortune, elle n’en sera que plus sayne et son enfant s'en portera mieulx quant elle fera ung peu d’exer-

cice, pourveu qu’il ne soit viollent et quelle n'en aille en coche ny à cheval : pour aller en sa littière, elle ne se saurait affoler; si je le pensois aultrement, vous pouvez bien croire que je ne luy vouldrois pas conseiller, car la chose du monde que je désire le plus est de luy veoir ung enfant; mais j’aurais plustost peur, voyant ce que le médecin m’en mande , que ce feust quelque répiection d’humeurs qui luy baille ce mal de cœur, ou qu'elle vienne aux pasles couleurs, veu la grande (illisible ) qu’elle a. Je vous prie , par le premier qui vien-

dra, me voulloir mander comme elle se trouvera, et luy dire à ellemesme qu’elle ne sc laisse pas tant aller k son mal qu’elle ne se contraigne de faire ung peu d’exercice, et qu’elle m’a veue grosse, estant si malade que je ne pou vois marcher, et beaucoup plus vieille qu’elle n’est; et avec tout cela je m’efforçois encore de me faire soustenir à deux personnes pour ne me laisser acoquiner dans le lict : et que je la cognois bien de façon que du moindre mal qu’elle a, elle ne vouldroit bouger de couscher, et que cela l’affolerait à la lin. Je ne vous feray plus longue lettre, car vous verrez par ce que vous eseript le- roy mon fils toutes nos nouvelles. Je vous assurerai seulement que je ne laisseray perdre une seule occasion de faire souvenir le roy mon fils de ce qu’il m’a promis pour vous : qui sera l’endroict où je prierai Nostre-Seigneur vous avoir en sa saincte garde. De Sainct-Germaiu, ce i" d’octobre.