ET PORTEE P.\J| DON ANTONIO DE TOLEDE
OCTOBRE l56o.
Touchant le fait du concile désiré.
Ayant le sieur don Antonio de Toledo, grant escuyer de sa majesté catholique , faict entendre au roy, de la part du roy son maistre, l’envye qu’il avoit de vcoir la chrestienté délivrée des troubles, divisions et calamiiez que la diversité de la religion y apporte, par le moyen d’un bon concilie général, lequel ayant autresfois esté commencé à Trente et bien avancé , et estant maintenant reprins et pour-
suivv par nostre sainct-père, luy sembloit estre suffisant pour remeddier à tous les maulx dont l’Eglise estoit affligée, et bien amplement déduict les raisons pour lesquelles il sembloit qu’il ne se falloit point distraire de ce chemin, d’autant qu’estant le seul et l'unique remède pour le danger où nous voyops toutes choses, ce debvoit estre ccluy qui seroit premièrement et principalement recherché, et au contraire remonstré les inconvéniens qui pourroient advenir par le moyen d’un concilie nationnal , tel que le bruit estoit que le roy avoit délibéré de faire en son royaulme, qui apporteroit peu d’utilité au faict de la religion, et seroit pour estre cause de plus de trouble, d’autant que malaisément se pourroit-il faire sans se distraire de l’Eglise romaine. Chose que sa majesté catholique, pour le zèle qu’elle a à la religion chrestienne et l’amour et affection quelle porte au roy son frère et au bien , repoz et tranquillité de son royaulme, ne voulloit faillir de luy représenter, et le prie sur cela de y bien penser et ne faire chose qui peust contrevenir au nom qu’il porte, lui offrant, pour l’entretennement de la foy et la religion chrestienne en son royaulme et la pacification de son estât et chastiement et correction de ceulx de scs sujets qui se vouldroient eslever et faire des maulvais, toutes ses forces et puissance, et 1à où il seroit besoing, de y venir luy-mesmes, et par là luy tesmoigner la perfection de son amytié.
Sa majesté, après avoir loué infiniment le zèle et affection qu'il monstre porter à l’honneur de Dieu et à la conservation de la fov catholicquc, comme la chose qu’elle a tousjours jugée debvoir estre Je principal but et intention de tout prince chresticn , et dont il pouvoit plus mériter envers Dieu et acquérir la vraye gloire et honneur envers les hommes , a très-affectueusement remereyé sa majesté catholicque, tant du soin quelle a de luy et de l’estât de son royaulme, des bons et sages rccordz quelle luy donne, que des offres quelle luy a faict faire, telles qu’on se les peut promettre d’un bon et parfait amy qui au besoing faict preuve et démonstration de son amytié.
SOUS FRANÇOIS II
Et, quant à ce qui touche le concilie général, ayant, sa majesté, tousjours tasché que ses actions feussent conformes au tiltre de trèschrestien et premier fils de l’Eglise qu’elle porte, a mis peine depuis que Dieu l'a appelé à cestc couronne, de ne se départir jamais de là, et de procurer toutes choses qu’elle a pensé pouvoir servir à l’honneur de Dieu et à l’entretènemenl de la foy catholique ; et de faict ayant congneule mal dont toute la clircsticnté est généralement persécutée, avoir, depuis quelques années [quelque peine , soing, travail et sollicitude que le feu roy, de louable et heureuse mémoire, son père, eut prins pour l’assoupir et estaindre], prins particulièrement telle force et vigueur en son royaulme, qu’il lui estoit malaisé de l’en desraciner; elle a curieusement recherché tous les moyens pour conserver la religion en sa perfection , et chasser et exterminer la faulce et maulvaise doctrine. En quoy, quelque rigoreusc pugnition qu’elle ait sceu faire faire des auctcurs et sectateurs d’icelle, elle n’a peu tant proffiter qui ne s’en soit ensuivy ce que tout le monde a veu depuis quelques mois. Cependant , voyant le mal croistre de jour à autre, et n’y avoir, au jugement de tout le monde , qu’un s«ul remède, tant pour le mal général de toute la chrestienté que pour le doumaige et intérest particulier de son royaulme , qui est la célébration d’ung bon et sainct concilie général , avec la seureté et liberté telles qu’elles y sont requises , par l’advis et sage conseil de la royne sa mère et d’aultres vertueux et notables princes et seigneurs de son conseil, elle a faict tout ce qui luy a esté possible envers nostre sainct-père le pape , l’empereur et le roy catholique son bon frère, pour l’avancement dudit concile. Pour à quoy parvenir, sa majesté catholique est bien mémorative de ce que l’évesque de Limoges, ambassadeur du roy, lui en a tant et tant de fois dict et remonstré de sa part, et nostre sainct-père sçait l’instance que , par l’évesque d’Àngoulême, il luy en a faict faire plusieurs fois, et, de frcsche mémoire, par l’abbé de Manne, expressément dépesché devers sa sainteté pour ceste seulie occasion, comme il a voulu encores, pour plus avancer la matière , faire faire semblable office à l’endroict de l’empereur comme
celuy qui y peult le plus , et qui principalement le doibt poursuivre et désirer; lui ayant, pour cest effect, envoyé l'évesque de Rennes; et à tous faict entendre qu’il proceddoit eu cest affaire d’un tel xèle et affection, qu’il n’avoit aucune particulière passion ny respect quelconque, que au bien universel de tous les chrestiens; asseurant et les ungs et les autres que tous lieux luy scmbleroient bons qui seroient approuvez par l’empereur et le’roy catholique , et les priant tous, d’ung commun accord, d’embrasser ce saint œuvre, et d’ung mesme consentement y prester toute faveur, ne faisant doubte que là où ils concurroient en mesme zèle, affection et volonté, ils ne feussent secondés de la pluspart de la ebrestienté.
Qui sont les offices que le roy ajusques icy faict faire envers tous les princes chrestiens, pour la célébration et avancement du concile général qu’il a bien voullu répéter, encores qu’ils soient assez congneuz du roy catholique, pour lui faire entendre et touscher au doigt et à l’œil de quel pied il a cheminé, et combien, depuis le commencement de son règne jusques à cestc heure, il a travaillé. Bien luy veult-il dit sur ce que ledit sieur don Antonio luy a dict de la reprinse de celluy de Trente, ce que par cy-devant il en a librement mandé à nostre saint-père , à l’empereur et à luy ; qui est que il luy a tousjours semblé que l’on devoit principalement tascher à rendre l’union en l’Eglise , et en oster la division que nous y voyons , d'autant que de là nous aurions ce que nous désirons, qui est le repoz et tranquillité, et serions délivrez de ce qui plus nous travaille, qui est la désobéissance et soublèvement des peuples, que l’on veoit procedder de ceste seule occasion. Ce qui ne se pouroit jamais faire si ceulx qui ont donné commencement aux erreurs qui sont aujourd’huy, et qui premièrement se sont séparez de l’Eglise, n’y estoient appeliez.
D’autant que nous unissans entre nous et les laissans divisés de nous en leur erreur, ce seroit peu- avancer; car par là seroit laisser une porte ouverte à tous les esprits désireux de nouveaultez, pour reprendre les mesmes erres de ceux qui sont aujourd’huy, et nous
SOUS FRANÇOIS II
remectrc en plus de peine et travail que jamais : et pour cest effect scmbloit au roy estre très-requis et nécessaire de assembler le concile en ung lieu tel que les Allemans et autres proteslans ne puissent honnestement reffuser d’y venir; que de le faire àTrente, il estoit certain, en premier lieu, si l’on reprennoit les erres du dernier, qu’ils n’y assisteroient point, d'autant qu’ils ne l’avoient jamais approuvé, et qu’ils prétendoient n’y avoir esté ouyz : et que l’y indiquer de nouveau, aussi peu y viendroicnt-ils, comme l’empereur l’avoit trèsbien mandé à nostre saincl-père; et s’entendoit oullre cela d’eulx qui le disoient librement; qui faisoit juger au roy qu’il n’estoit raisonnable s’arrester tant en ccste oppinion de le voulloir en ce lieu-là, que ceste obstination fut cause de les désespérer, et retarder ung bien si grand et nécessaire, comme celui qui s’attend d'un concile général : et là où ung lieu seroit résolu et arresté entre le pape , l’empereur, le roy catholique et le roy, tel que honnestement ils ne pourroient avoir juste occasion de le reffuser, s’ils n’y venoient, ils feroient par là cognoistre au monde le peu de volonté qu’ilz ont de ce qu’il* preschent tant vouloir et désirer; et ceste congnoissance, qui seroit manifeste à tout le monde, empescheroit que beaucoup de gens qu’ils séduisoient journellement, voyant leur mauvaise intention, ne scroient gastez et corrompus d’eulx. Peull-eslre aussi que eulx voyans le zèle dont ung chacun y procéderoit et quelque bon commencement, par la grâce de Dieu, pourroient recongnoistre leur faulte, et tous ou une partie d’eulx y venir; qui sont considérations qui semblent au roy de si grand poix , qu’ayant esté remonstrées à sa sainteté , elle lui fit parler de Versel ( Verceil ) , qui est dedans le pays de monsieur de Savoye, et aucuns de ses ministres parlèrent du Bazauzon , qui est dedans le pays du roy catholique , dont lui semble moins mauvais que Trente; et l’autre est si voisin de l’Alleinaigne , qu’il me semble qu’ils ne sçauroient, là où le pape, l’empereur et sa majesté catholique l’auroient agréable, avoir juste occasion de le reffuser. Et, pour ce, le roy prie sa majesté catholique mectre toutes ces choses en considération, et les ayant bien et meurement pesées, y prendre
une résolution telle que l’effect se puisse veoir en peu de jours de ce que tout le monde universellement désire que la chrestienté actend d’eulx, et qu’ils sont tenus et obligez pour le devoir de leur conscience et la dignité du lieu où il a pieu à Dieu les appeler, luy répétant encores ung coup et asseurant d'avoir tout lieu agréable, qui par l’empereur et luy sera approuvé , et s’obligeant d’y envoyer ses évesques , feut-ce au fond de Polongne ; et d'autant qu’il semble , parce que le sieur don Antonio de Toledo a référé à sa majesté, que la principale occasion de sa venue soit fondée sur l'opinion que sa majesté catholique a eue que le roy voulloit faire un concile nationnal , et la crainte en quoy il est que de là il s’en face ung grant préjudice à toute la chrestienté , encores que par ci-devant elle ayt peu entendre par l’évesque de Limoges , de fresche mémoire , par la dernière despcche qui luy en a esté faicte, tout ce qui en a esté faict, délibéré et aresté , sa majesté, pour luy en donner plus de lumière et faire de plus en plus congnoistre la sincérité de ses actions , luy veult bien encores répéter, par ledit sieur don Antonio, qu’après que le venin de ces nouvelles oppinions fut pénestré si avant dans l'esprit de ses subjects , que une infinité eurent conspiré pour vivre à leur liberté , de tenter toutes extrémités , que la témérité d'aucuns eust esté si grande de venir jusques aux portes du roy, en armes, avec une trèsmauvaise intention, et qu’en plusieurs endroicts de ce royauhne se manifestast une telle obstination de ces séditieux , quelle ne pronosticquoit riens qu’une grande désolation : le roy ayant appelé beaucoup de gens de bien de ses serviteurs et subjects pour contenir ce peuple qui par exécutions ne pouvoit estre détourné de leur obstination et pertinacité, fut conseillé de faire publier qu'il voulloit assembler son église en quelque lieu de ce royaulme pour pourvoir à la refformation de beaucoup de choses qui y sont grandement corrompues et esloignées de leur première institution ; et pour cest eflfect fut envoyé devers nostre saint-père pour commectre quelque bon et grand personnage pour y assister avec les pouvoirs et facultés requises et nécessaires : et depuis, multipliant le mal d’heure à autre,
SOUS FRANÇOIS II
et ne voyant journellement que tumultes et divisions pour la diversité de la religion en ce royaulme, sa majesté fit assemblée de tous les princes, seigneurs, gouverneurs du pays, par lettres de son ordre, et autres notables et grandes personnes de son conseil , tant de l’estât de l’église que de la justice. Ausquels ayant demandé conseil et advis en une telle nécessité, tous unanimement et d’une voix luy conseillèrent de assembler son église , et n’y en eut ung seul de contraire oppinion , comme chose dont il pouvoit advenir beaucoup de fruict en ce royaulme. D'autant qu’ayant par là satisfaict à ceux qui crient qu’on les oye, et les ayant ouyx, l’on pourroit, par doctrine et bons enseignemens , les réduire au bon chemyn, et à leur exemple beaucoup d’autres qui sont desvoyés de l’église, et, au pis aller, quand on auroit refformé ce qu’il y a de corrompu aux meurs , ostc les abux qui sont en l’église , et réduict toutes choses en la pureté et sainteté qu’elles lurent premièrement establies et ordonnées, ce seroit une chose fort agréable & Dieu, qui ne sçaüroit estre que grandement loué de tous les gens de bien, et qui finablement lèveroit à ces malheureux les armes dont ils combattent et oppugnent la vérité et leur osteroit une grande matière de parler, qui est à la vérité l’intention du roy et de ceux qui lui ont conseillé de prendre cest expédiant: n'ayant jamais, ny luy ny personne d’eulx, entendu ny eu volunté qu’en ceste assemblée il se parlast ny touchast aucunement à la doctrine, qui est si bonne et si juste, que, pour mourrir, ny luy ny pas ung d’eulx ne le voudroient changer. Laquelle assemblée toutesfois n’a esté résolue qu’en cas que l’on veist l’espérance perdue du concile général : auquel , quand l'on verroit ce terme que l’on désire, les prélats estant assemblés en ung lieu, en seroient beaucoup plus près pour y aller, et mieulx instruits pour y faire quelque chose de bon à l’honneur de Dieu et au bien et repox de toute la chrestienté : et encores qu’il ne fault point que sa majesté catholique soit en peine que de là se puisse ensuivre chose quelconque qui apporte aucune playe à la religion catholique, si est-ce qu’estant ung remedde domestique et familier que le roy est contrainct chercher dans soy
luy défaillant le général, pour éviter un bien grand mal que nons voyons sur nos testes. Si sa majesté catholique le juge pernicieui, elle doibtî pour l’honneur de Dieu, le bien de la chrestienté etl'amour particulier qu’elle porte au roy son bon frère, et à son repos, procurer envers notre saint-père de ne permectre que cela advienne; ains déposant toutes particulières passions et accourant au secours de ce royaulme, qui est l’une des plus belles fleurs de sa couronne, et luy donnant la guérison à ses maulx, s’accomode à nng bon et saint concile général , libre et seur, tel que les accident qui adviennent ordinairement nous monstrent que générallemeut toute la chrestienté en a besoing , et particulièrement pour ce royaulme est d’une telle nécessité que sans ce remède il est en danger d’une ruine manifeste.
Qui est en somme ce que le roy désire que le roy catholique son bon frère entende, tant de son oppinion sur le fait du concile général , que de son intention sur l'assemblée qu’il veult faire faire de son église, s'asseurant qu’ayant le tout entendu, bien pesé et considéré, il jugera qu’il n’a en cela autre respect que à l’honneur de Dieu, an repoi de toute la chrestienté et à la seureté de son royaulme.
SOUS FRANÇOIS II
