LE ROI À M. DE LA FORBST, SON AMBASSADEUR EN FLANDRE

OCTOBRX »56o.

Touchant la ratification du traité arec le* Ecossais. — Esprit tracassier de l’évêque d’Arras. — Affection de ceux des Pays-Bas pour le* .Anglais. — Affaire du pays de Guelbes. — Il lui annonce son rappel prochain , sa présence n’étant plu* nécessaire prés de madame de Parme et des Flamands, qui s’estiment de trop grande importance.

Monsieur de la Forest, j’ay entendu, par vostre lettre du v' de ce mois, que , estant retourné l’évesque d’Arras, vous luy avez faict savoir ce qui estoyt passé entre ma cousine la duchesse de Parme et vous, des propos que je vous escrivis luy tenir pour la difficulté que j’avoys faicte à la ratiffication du traicté faict dernièrement en Escosse. Et sçachant de longtemps de quelles humeurs est plain ledict évesque, je praudray toujours ce qui sortira de luy comme sa passion mérite, me contentant que j’aye bien voulu que luy et tout le monde sceust que ceste mienne difficulté n’est fondée- que sur juste et apparente occasion, qui ne sera jamais jugée aultre quand elle sera bien entendue et prinse sincèrement. Je sçay bien l’affection que ceulx de delà ont tousjours portée aux affaires des Angloys, mais j’estime leur maistre tant mon amy qu’il ne favorisera pas une legière opinion desdicts Angloys contre ma cause , qui est en cest endroict si équitable.

Au demeurant , j’ay aussy entendu par vostredicte lettre la peyne en quoy ils sont par delà de recouvrer ayde pour les affaires des Gelbes, et la difficulté qu'ils font en la pouvoir avoir. Si esse que les subjets n’ont pas accoustumé de laisser leur prince au besoing et croy que à la fin il en aura ce qu'il demande. Je ne dis pas que ce soit

624i NÉGOCIATIONS

sans malcontentement. De cela et des aultres choses que vous en apprendrez, je scray très-ayse d’estre adverty pendant que vous serez là; mais, considérant, monsieur de la Forest, que peu de choses s'y traictent et manient dont je retire grande lumière ne satisfaction, et ayant jusques icy cogneu que tout se résoult du costé d’Espagne, de sorte que vostre demeure là est peu nécessaire, et par adventure fait estimer à ceulx auprès desquels vous estes que leurs suffrages sont de grande importance , j’ay advisé que , pour ces raisons-là et aultres, vous fault rappeler et retirer par deçà, dont j’escrips à ladicte dame de Parme la lettre que vous verrez par une coppye ci-enclose ; suyvant laquelle , après luy avoir fait entendre que je me veulx servir ailleurs de vous, et ayant donné ordre à vos affaires vous pourré» prandre vostre congé pour me venir retrouver le mieulx instruict que vous pourrés de l’estât en quoy vous laisserez touttes choses pr delà. Estant asseuré d’estre le bien-venu pour le bon debvoir que vous avez rendu en ladicte charge et à mon contentement. Priant Dieu, monsieur de la Forest, vous avoir en sa garde.

Escript à le jour d’octobre i56o.

Signé FRANÇOIS.

MM. LE CARDINAL DE LORRAINE ET DUC DE GL1SE À M. DE LA FOREST. octomle i56o.

( Envoyée à l'cvftjue de Limoges. )

Mécontentements légitimes contre l'évéqne d'Arras. — Rappel <le M. de la Forest. — Mesures à prendre pour la sûreté des dépêches.

Monsieur de la Forest , avecques la despesche que vous avez faicte au roy du -v* de ce moys, nous avons receu vostre lettre dudict jour et entendu que l’évesque d’Arras (pour temps qui court) ne se monstre de riens plus maniable ne subject à la raison qu’il soulloit,

SOUS FRANÇOIS II

car au lieu de pourveoir à une plaincte quand on la luy faict, il en forge une douzaine d’aultres, et par ainsi c’est tousjours à recommencer, de sorte que c’est quasi temps perdu de riens négocier avec luy, et semble que pour ces difficultés il se veuille faire de feste plus qu'il n’y est appelé. D’autant que nous cognoissons assez que riens d'importance ne se résoult que du cousté d'Espaigne; au moyen de quoy le roy a advisé, pour ces considérations et autres que vous entendrez à vostre retour, de vous rappeler, ainsi qu’il vous escript, avecques toutefois grande satisfaction du soigneux et dilligent office que vous avez faict en la charge : qui nous faict croire que en une meilleure vous seriez beaucoup mieulx employé et plus utille , et n’y a celluy de nous qui ne porte ce tesmoignage où il appartiendra , pour estre recogneu comme vous le méritez. 11 n’y a riens, quand à vostre rappel par deçà, qui nous tienne en peine, que la commodité qui se pourra perdre de l'adresse de nos pacquets venant de l’évesque de Rennes vostre frère, estant près l'empereur, et de ceulx que l’on luy vouldra faire tenir. Et si vous pouvez , avant que partir, y laisser quelque moyen, soit par main de marchands ou de quelqu’un des gens du secrétaire qui faict les dcspêchcs d’Allemagne là pour les faire tenir à leur ambassadeur icy, ce ne seroit pas peu pour le service du roy : dont vous advertirez vostredict frère : sinon , et il n'y eust point d’ordre, le luy faire aussi sçavoir, affin que de son cousté il prenne autre party et cherche nouvel expédient, quant tout est dict. Il n’y peult avoir danger que lesdicts paquets tumbent ès mains dudict secrétaire ou dudict évesque d’Arras, qui les pourront, s’ils veullcnt (et dont vous prierez, si vous volez qu’il soit à propos), faire aussi bien, tenir à leurdict ambassadeur résident icy, comme il vous les baille par delà, puisque aussi ne les avez-vous que par leur moyen. A quoy nous remeclons à vous de faire pour le mieulx , sans leur monstrer touteffois que ce soit chose dont on se. soucie trop : car nous avons bien senty, ces jours passez , que l’allée et la demeure dudict évesque de Rennes par delà ne leur est pas trop agréable, et croyons bien que telles impressions ne partent pas

d’aultre bouticque que de celle dudict évesquc (ce qui vous sera aisé de descouvrir).

Moy, cardinal de Lorraine, avois donné charge 4 l’Aubespine vous escripre dernièrement que le roy vous voulloit faire quelque augmentation de vostre estât, pour vous donner nioien de salis (ta ire aux despcnces que vous faictes; mais puisque vous retournez si tost, je remcclray à vous en faire récompenser à vostre retour. Priant

Dieu, monsieur de la Forest, vous donner ce que désirez. De

le ... . jour d’octobre 1 56o.

rERRENOT, SIEUR DE CHANTONAY, AMBASSADEUR D'ESI’AGNK , AU CARDINAL