M. LE CARDINAL DE LORRAINE

OCTOBRE l560.

Il riafonne que du côté, du Havre-d«^Gr*ce il y a trois navires équipés pour le Pérou, chose qn'ignorc sans doute M. l'amiral , et tout à fait au préjudice du roi d'Espagne, son maître.

Monseigneur, pour acquit de ma charge, je n’ay voulu délaisser de vous escripre ces deulx mots, et si j’eusse esté plus près de la court je vous feusse allé trouver moy-mesmc, pour vous advertir qu’en la coste de Normandie, au coustel du Havre-de-Grâce, y a trois navires de cent ou six-vingts tonneaulx, desquels sont capitaines ung maistre Bausset, et l’autre le capitaine dit Langlois; du troisième, je ne sçay le nom. Et sont lesdits trois navires an mer et équipez pour faire voile contre le Péru, et dist-on que n’est du sceu de monsieur l’admirai, vers lequel j’eusse bien envoyé, mais il me semble que l’auctorité du roy et vostre remédieront bien à cest affaire , ouitre que j’envoie courrier exprès en Espaigne, pour advertir qu'on y prenne du regard après, actendu que cela ne peult estre qu’au dommaige du roy mon maistre. A quoy je vous supplie vouloir pourveoir de la part du roy très-chresffen , de sorte que cet advertissement oste l’inconvénient que pourroit succéder, et en faire escripre bien à certes à monsieur l'admirai, afin qu'il s’asseure de ceulx qui partiront, pour en rendre compte, si par après l’on en entendoit

aultrcs nouvelles. A tant, monseigneur, je me recommande très-humblement à vostre bonne grâce, et prie le Créateur qu’il vous doint, en très-bonne santé et prospérité , longue et heureuse vie. De Paris, ce xxviii' d’octobre 1 56o.

Vostre très-humble serviteur,