À M. LE CARDINAL DE LÔRRA1NE

l“ NOVEMBRE J SÔO.

Lettres de l'empereur pour dissuader le roi de France d’un concile national. — Propos à ce sujet

Monseigneur, je receus hyer lettres de l’empereur, par lesquelles sa majesté me commande présenter au roy et â la royne les lettres

SOUS FRANÇOIS II

que vous avez escriptes, et faire de sa part le mesme oflice sur le contenu d’icelles que le sieur don Anthonio de Tholedo fict dernièrement de la part du roy mon maistre, touchant le concile national, aifm persuader au roy de Icviter tant qu’il sera possible, pour les causes dédnictes en la lettre tant amplement, et depuis reprinses comme l’entendez par le nunce de sa saincteté. Et pour ce que lesdites lettres de sa majesté impériale, par ce que j’en ay veu par la copie, sont si amples, et par icelles et ce que dessus ce poinct est tant traicté , et les inconvéniens d’icelluy, joinct le bon zèle du roy et de la royne, et que (grâce à Dieu ) les affaires de la France sont main, tenant en aultres termes que au temps que le bruict fut du concile national , aussi que mon absence et le chemin qu’il y a d’icy à Orléans pourront retarder la présentation desdites lettres, il m’a semblé le mieulx les vous envoyer, remectant après d'en entendre le bon vouloir du roy, et recepvoir la response qu’il luy plaira et à la royne faire aux lettres dudit sieur empereur, afin que je la luy puisse envoyer par la première despesche que je feray vers ledit Orléans, où j’espère estre pour le dixième de ce moys et vous y baiser les mains.

Je pense aussi que de tout le contenu auxdites lettres, le roy en aura esté adverty par ung pacquel venant de vostre ambassadeur résidant en court de sa majesté l’empereur, lequel m'a esté adressé hyer, et au même instant je le donnay à la poste de ce lieu pour le vous faire tenir. A tant, monseigneur, je me recommande très-humblement à vostre bonne grâce, et prie le Créateur qu’il vous doint, en trèsbonne santé, longue et heureuse vie. De Paris, ce premier de novembre 1 56o.

Vostre très-humble serviteur,