X M. LE CARDINAL DE LORRAINE
G AND, 3l JUILLET.
Touchant le congé refusé par le gouvernement français au duc d'Albe, otage du roi Philippe, et celui accordé au prince d’Orange. — L'évèque d’Arras annonce que son frère va être nommé ambassadeur en France. — M. de Savoie obligé de la maison de Lorraine; ennemi du duc d'Albe. — Ce dernier bien vu près du roi Philippe. — Touchant la marine de Marseille. — Le roi catholique en Zélande. — Accord pour les prisouniers.
Monseigneur, par la lettre que j’cscris au roy vous verrez, s’il vous plaist, si peu que se présente par deçà et ce qui est passé en mon audiance, en laquelle, après avoir premièrement communiqué avec monsieur de Savoye sur le congé du duc d’Àlve, et compté particulièrement les choses ainsi que me les avez escriptes, sachant que le roy catholique en estoit bien informé et tous ceux de son conseil, j’en ay touché à sa majesté, tellement que elle se contente et ne prend qu’en bonne part ce qu’il a pieu à la royne mère du roy estimer meilleur : jugeant assez après la mort du feu roy et la mutacion advenue en ung si grand royaume, qu'il est raisonnable qu’il demeure quelqu’un qui puisse contenter le peuple, et aussi servir de forme pour l’accomplissement du traicté, veu inesmes que le prince d’Orangcs avoit obtenu son congé, et que ledit duc restoit seul. Depuis, j’ay parlé au sieur don Anthonio, et à monsieur d’Arras, qui loue et approuve -cela, m’ayant luy-mesmc dict (ju’il trouve raisonnable, en l'eage du roy, et n’estant les affaires encore bonnement estahlies, que il restât de leur part en France personnage qui peust respondre des choses qui surviennent de jour à aultre. Que dedans lundy toutefois, son frère partirait pour y résider ambassadeur1, l’ayant ainsi sa majesté ordonné, afin que plus
éloge» qu'on fui persuadé que la gouvernante aurait de» ordre» secrets de ne rien décider que par le» conseils de ce ministre. Il ne faut pas dissimuler que ce choix déplut presque universellement. ( Hut . du cardinal de Gnuxlli. )
1 Thomas l’erennot, sieur de Chantonav . frêle de l'évèque d'Arras, cardinal de Granvelle. On ne sait pas assez toutes les manœuvres de ce personnage sous le régne de François 11. Les mémoires de Condé ne parlent de lui qu'à dater du régne de
SOUS FRANÇOIS II. 57
particulièrement il eust égard et satisfeict avec plus de soing à ce que sa charge d'ambassadeur requiert. Bien me dict le sieur don Anthonio que monsieur le duc d’Alve ne se fâchoit d’y demeurer, sachant estre raisonnable, mais qu’il estoit despiaisant qu’ayant estimé, soubz ce que aviez devisé par ensemble, que le roy en seroil content, il s’est depuys, parlant à sa majesté, trouvé loing de son expectation. Sur quoyje luy réplicquay bien que s’cstoient coups de maistre, comme il recognoit assez. Monsieur de Savoye y a faict fort bon office, ainsi que je m’asseure que vous jugerez bien, monseigneur, par ce que porte ce courrier, qu'il envoyé exprès : vous advisant qu’il a esté fort aise quant je luy ay, suivant la promesse que vous luy en feistes à son partement, discouru comme le faict est passé, et vous mereye bien fort de l’honneste confiance que vous avez de luy, dont il délibère bien se revencher: m'ayant dict qu’il vous a promis d’estre bon parant et affectionné amy, et que vous le trouverez ainsi recognoissant assez les honnestetez dont usez en son endroict et l’obligacion que luy et madame sa femme vous ont : et scay bien aussy que, pour n’estre ingrat, il n’a rien oublié de ce qui vous touche et vostre maison , à l’endroict de sa majesté catholicque; et dist pour conclusion que c’est le duc d'Alvc qui veult vendre ses coiquilles, alin que le roy son maistre luy face meilleure récompense, se voulant retirer de la court1. Il n’est pas, soubs correction, du tout à croire, car ils s’entr’ayment comme vous scavez trop mieulx. Mais ces petites choses-là, monseigneur, ne vous garderont pas, s’il vous plaist, pour le bien publicq, de gratilier monsieur le duc d’Alve, joint qu’il a beaucoup d’atnys en ceste court, et est respecté du roy catholicque, qui, sur la fin de l’audiance, me dist qu’il trouvoit bon tout ce que l’on faisoit suivant le traicté, et ne l’avoit jamais prins qu’en bonnepart; mais que le duc d’Alve estoit à excuser du congé qu’il avoit demandé pour ses infinies occupations domestiques, qui ne pou-
Charles IX. Sa mission diplomatique corn- 1 Cest ce que le duc d’Albe, comme on mençA des les premiers jours du règne de sait , ne tarda pas à faire.
François.
voient estre petites, ayant esté si longtemps absent d'Hespaigne.
Celuy qui a charge des affaires qui surviennent en Sicile m’a escrit la lettre cy-enclose pour l'esgard du navire de Marseille , dont ils ne peuvent avoir raison. Ma réponce a esté de Juy mander que desjà je vous avois adressé la lettre que le roy catholicque escrit au duc Médina-Celi: pourtant, monseigneur, il vous plaira la luy faire tenir, Le roy m’a cncores dict qu’il vouloit aller seul en Zéelande et sans aucuns ambassadeurs, se despouillant d'affaires: pourceste cause, que le viiic venu il nie donneroit congé et à tous mes compaignons résidant près sa majesté. Je laisse quinze ou vingt de mes gens et ung secrétaire près de luy, pouradvertir de Zéelande, pendant qu’ils attendront le vent, et vous envoyer homme exprès en toutte diliigence lorsqu'ils feront voile. Ce que je vous escris, monseigneur, afin que le roy et vous ne soiez pas malconteulz si je ne le suis jusques au navire, puisqu'il le veult ainsi, pour estre libre de tous négoces et sans aucun soing que de sondit embarquement, dont, à la vérité, je ne suys pas fort marry, pour avoir plus de moyen de vous faire bientost la révérance.
Monseigneur, je me recommande très-humblement à vostre bonne grâce, vous disant à Dieu, auquel je supplie vous donner, en trèsbonne santé, très-heureuse et longue vye. De Gand, ce dernier juillet i55g.
Monseigneur, j’oubliois à vous envoier ung double de l’accord passé pour les prisonniers, que ceulx de par deçà m’ont faict bailler, afin qu’il plaise au roy leur signer, comme il a esté faict par la prière de sa majesté catholicque, suivant la promesse de M. le maréchal, et me l'adresser, s’il vous plaist.
Vostre très-humble et très-obéissant serviteur,
S. DE L’AUBESPINE
Ev raque de Limoge».
Au dos : A monseigneur le cardinal de Lorraine.
SOUS FRANÇOIS II