I.E KOI À H. I.E CONNÉTABLE

l3 NOVEMBRE lSCO

Il a envoyé au comte de Villars, avec un pouvuir fort ample, pour eu finir avec tes séditieux, des forces et secours qui lui sufliroul. — Le capitaine Saint-André envoyé A AiguevMortes.

Mon cousin , auparavant avoir receu la lettre que vous m’avez escripte, j’avois entendu, par mon cousin le conte de Villars, tout le contenu en vosdictes lettres, et dès l’heure mesmes y avoissatisfaict, luy envoiant une instruction bien ample de la façon qu’il aura à se conduire et gouverner tant envers ceulx qu’il trouvera en armes que les aultres qui feront des assemblées secrettes pour oyr prescher, et , pour exécuter tout cela , ung pouvoir fort ample pareil à celluy qui a esté baillé à monsieur le mareschai de Termes, que vous oystes lire à SaintAiermain-cn-I .aye. Mais d’aultant que cela

SOUS FRANÇOIS II

est inutille sans forces, je luy ay envoyé, oultre les compagnies de mon cousin le conte de Tende et du sieur de Clermont qu’il avoit , celle du prince de Salernc, avec quelques enseignes de légionnaires qu'il a faict lever au sieur de Caylus, pour le payement desquels j'ay mandé aux généraulx Chevcrry et Malras faire fournir jusques à vingt mil livres que j’estime de ceste heure avoir esté receus; de façon qu’il ne luy manquera riens pour exécuter sa bonne volunté et bien chastier ceux qui ont faict les folz. A quoy je m’asseure qu’il ne s’espargnera pas, vous asseurant bien que si ceulx des villes dont il m'cscrit viennent devers moy, comme ils me mandent qu’ils doivent faire, je leur tiendray tel langaige qu'ils y penseront plus de trois fois; car ils sont si obstinés en leur follyc, qu’ils ont grand besoins; de correction.

Au demourant , voiant la faulte que le cappitaine du château d’Aigucmortes a faict â mon service, comme me l’a escripl mondict cousin le conte deVillars, et qu’il estoit bcsoing d’y pourveoir de quelque homme de bien qui s’en peust bien et fidellement acquitter, et se trouvant par delà le cappitaine Saint-André, que vous connoissez homme digne et capable de ceste charge, lequel mondit cousin a employé en ce faict mesrne, j’ay advisé de luy bailler ladite cappitaincrie, me semblant que meilleure élection n’eussay-je peu faire. Et m'asseurant que, estant icy présent vous-mesmes, vous me l'eussiez ainsy conseillé, dont je n’ay voulu faillir de vous advertir, et vous dire que, sçaichant les mérites de monsieur de Joyeuse tels que je les cognois, je l’auray toujours en recomandations pour l’honorer quand se présentera l’occasion de quelque meilleure charge.quc ceste-là : qui est tout ce que je vous puis dire pour ceste heure. Priant Dieu, mon cousin, vous avoir en sa saincte et digne garde. D’Orléans, le xm' jour de novembre i56o.

FRANÇOYS

ROBERTET

An dos : A mon cousin le duc de Montmorency, pair et connestahle de France.