ROBERTET X M. LE CONNÉTABLE

i3 novembre i56o-

Au sujet des secours et pouvoirs envoyés au comte de Viilars. — Lettre au Grand Seigneur et au roi d’Alger. — Le roi et la reiue mère vont à Ckenonceaux. — On btsoyne au fiait de M. le prince de Condé.

Monseigneur, comme vous verrez par ce que le roy vous escript, l’on a satisfTaict à tout ce que demandoit monsieur le conte de Villars, de façon que j’estime de cest’ heure il commencera k bien chastier aux messieurs qui ont faict les fols : luy ayant envoyé encore une compaignie de gendarmerie pour le renforcer et argent pour ses légionnaires. Quant à monsieur le conte de Lude, on luy a semblablement satislfaict, ayant esté escript, en l’oyant, au Grand Segnieur et au roy d’Alger pour sçavoir sous quelle occasion ils font la guerre à nos subjects. Des nouvelles de cestc compaignie, je ne vous en diray aultre chose si ce n’est quelle se porte fort bien, Dieu mercy; et se délibérant le roy et la royne sa mère s’en aller lundy à Chenonceaulx, d’où ils seront de retour le dernier jour de ce moys. Cependant le faict des estats s’avancera, et monsieur le chancellier, qui demeure icy avec monsieur le cardinal deToumon et messieurs du conseil, besongnera au faict de M. le prince de Condé. Qui est tout ce que je vous puis dire pour ceste heure , monseigneur, priant Dieu, après m'estre très-humblement recommandé à vostre bonne grâce, qu’il vous donne longue et heureuse vye. D’Orléans, ce xm* jour de novembre i56o.

Vostre très-humble et très-obéissant serviteur, ROBERTET.

Smcription : A monseigneur le duc , pair et connestable de France.

SOUS FRANÇOIS II

LE Dt;c DE GUISE À M. LE CONNÉTABLE.

1 3 NOVEMBRE 1 56o.

Mime sujet.

Monsieur, nous avons si amplement respondu à monsieur le conte de Villars auparavant la réception de vos lettres, que je m’asseure il ne tiendra ny & pouvoir, ny à sçavoir, ny à voulloir bien faire que il ne face si bien obéyr le roy par delà et si bien chastier les fols, que nous en serons en plus de repos et les mauvais intimides, de façon qu’ils penseront à leur conscience : dont nous actendons d’heure à aultre en sçavoir des nouvelles; lui aiant envoyé instruction, pouvoir et argent nécessaires pour les forces qu’il a faict lever. Ceux des villes de Nismes, Montpellier et quelques aultres doivent venir devers le roy pour lui demander pardon; lesquels il nous prie ne croire de chose qu’ils nous dient : car il est impossible de fayre plus mal qu’ils font et estre plus obstinez, dont je vous puys asseurer qu’il sera creu, et qu’on leur chantera le langaige qu’ils méritent.

Vous entendrez au demeurant l’clleclion que sa majesté a faicte du cappitaine Sainct-André pour le chasteau d’Aigucsmortes, qu’il a choisy luy-mesmes; ayant esté son ellection si confirmée parla bonne oppinion que a toute ceste compaignie de luy, que je croy mesmes, si vous y eussiez esté présent, vous l’eussiez approuvée comme les aultres. En aultre chose meilleure, elle aura souvenance de monsieur de Joieuse comme ses vertus méritent. Et de ma part, pour avoir cognoissance de scs services, vous vous pouvez asseurer que je y tiendray tousjours la main. Priant Dieu , monsieur, après m’estre recommandé humblement à vostre bonne grâce, qu’il vous doint bonne et longue vye. D’Orléans, ce xmc jour de novembre i 56o

Vostre bien humble amy;

FRANÇOYS DE LORRAINE

Sotcriplion : A monsieur, monsieur le connestable.