LA REINE MÈRE À M. LE CONNÉTABLE

28 NOVEMBRE »5Go.

Même sujet.

Mon compcre , par la lettre que le roy mon fils vous escript vous verrez la résollution qu’il a prinse sur ce que vous demandez et la requeste que je luy en ay faicte de vostre part, dont je ne m’estendray à vous riens dire davantage , si ce n’est que cest édict a esté faict avec si bonnes et justes considérations, et est de tel fruict et utilité pour le pauvre peuple, qui d’ailleurs est tant foullé et chargé, que je m’asseure vous ne luy vouldriez conseiller l’enfraindre pour vostre respect, n’y ayant encore pour qui que ce soyt esté touché, et n’estant

pas délibère le roi mon fils de s’y lascher. Ce que ce faisant pour aultres, vous vous pouvez asseurer que vous serez de ce nombre; qui est, mon compère , tout ce que je vous puis dire pour ceste heure : priant Dieu vous avoyr en sa saincte et digne garde. D'Orléans, ce xxvhi' jour de novembre 1 56o.

Vostre bonne commère et amye, CATERINE.

lu dm : A mon compère, monsieur le connes table.

l.ES CARDINAL DE LORRAINE ET DUC DE GUISE A M. LE CONNÉTABLE. iS soveubee 1S60.

Même sujet.

Monsieur, nous avons veu ce que vous avez escript touchant le présent qui vous a esté faict en vostre gouvernement, dont ayant parlé au roy, et esté (eues vos lettres, il a commandé la responce qui vous est présentement faicte, en laquelle je le veoys si rcsollu , ferme et constant, qu’il ne s'en veult pour qui que ce soyt dispenser; et vous pouvez dire, monsieur, qu'il ne s’est encores riens faict pour qui que ce soyt au contraire dudict édict, comme estant icy vous pourrez plus amplement entendre. Cependant nous nous recommandons humblement à vostre bonne grâce, et prions Dieu de vous donner, monsieur, bonne et longue vye. D’Orléans, ce xxvm* jour de novembre i56o.

Vos antièremant bons amys, CHARLES. FRANÇOYS DE LORRAINE.

Cardinal de Lorraine.

Au dm : Monsieur, monsieur le duc de Montmorancy, pair et contres table de France.

SOUS FRANÇOIS II