ECRITE AUX GENS DES TROIS ETATS DU PAYS DU LANGUEDOC

( Mnnusc. Béthune, vol. 8676, fol. 3.)

30 NOVEMBRE l56o.

Il leur reproche leur témérité d'avoir enfreint son édit au sujet du don qu'il? ont voulu faire au connétable cl à MM. de Villars et de Joyeuse, Cl leur commande, puisqu'ils ont levé l’impôt, qu'ils aient A en verser le montant entre les mains de son receveur général à Montpellier.

De par le rov.

Très-chers et bien amez, nous avons entendu de nostre très-cher et amé cousin le duc de Montmorency, gouverneur et nostre lieutenant général en nostre pays du Languedoc, comme à la dernière tenue des Etats vous luy avez continué le présent que vous aviez accoustumé de luy faire, ensemble à nostre cher et aine cousin le conte de Villars et au sieur de Joyeuse : chose que nous avons trouvé fort estrange, d’aullant quelle estoit tant prohibée par le dernier édict que nous avons sur ce faict depuis nostre advénement à la couronne, que nous ne pensions poinct qu’on y deust contrevenir; de façon que nous ne pouvons avoir qu’ung grand malcontentement de vous aultres, qui, sçaehans nostre ordonnance, vous estes tant oubliez de commancer les premiers à violler et corrompre ce que, en nul gouvernement ne province de nostre royaulme, n’a esté encores faict; à ceste cause, puisque vous n’avez point voullu que vostre pays ayt joy de la grâce que nous luy avons faictc, de le descharger de ceste somme qui luy tourne à grande charge , etque nous ne voulions permettre que l’on contrevienne en façon du monde à nostre édict, nous voulions, nous mandons et expressément enjoignons qu’estant icelle somme levée par l’ordonnance de vous aultres, vous la fassiez mettre ts mains de nostre receveur général de Montpellier, de laquelle nous nous délibérons servir en nos affaires. Et de ce que vous en aurez faict vous ne fauldrez incontinent nous adverlir ; si

n’y faictes faulte, car tel est nostre plaisir1. Donné à Orléans, le dernier jour de novembre i56o.

Et plus bas :

ROBERTET

* Ceci rappelle involontairement la fable de l’Huître et les Plaideur».

SOUS FRANÇOIS II