REQUÊTE AU ROI

DU MM H GABRIEL I.E SUCRIER , TENDANT X INTRODUIRE AUX ÎLES D'HIERES LA PLANTATION DES CANNES À SUCRE.

Le feu roy , de bonne mémoire , ayant entendu qu'en son pays de Provence y avoit lieu fort propre pour planter cannes de sucre, et y faire succrc comme ès isles de Portugal et Cecile, et désirant mectre en avant cest affaire, fut adverty, par l'ambassadeur qui estoit lors près de la royne de Hongrie , qu'en la ville d’Anvers y avoit ung Françoys , nommé Gabriel le Saccrier, autant excellent en matière d’affiner succres, qu’on en sçache point au monde; lequel , ayant esté nourry ès lieux où se faict et affine ledit succre, entreprendrait d’introduire ceste invention eh Provence, auprès de

SOUS FRANÇOIS II

la ville de Ilières , lieu autant propre à cest effet qu'il y en ayt en la chrestienté. Atant ledit sire fiét venir, l’an qu'il mourut et peu auparavant sa mort, ce Gabriel; entendit les moyens et la commodité de mectre cecy en avant et conclut de le y employer, sans s’attendre plus à quelques Italiens affronteurs qui demandoient cent mille escus ou pareille grand somme de deniers , pour mectre le pays en nature de porter succrcs. Mais la mort dudit sire, qui fut trovs ou quatre mois après , interrompit ce des saing, et despuis ne s'en est parlé.

Maintenant, s’il plaist au roy d’introduire ce bien, qui est grand pour tout son royaulme et inestimable [tour le cartier de Provence, ledit Gabriel se fait fort qu’en moings de troys ans la chose pourra estre tellement en nature qu’on se pourra ayder desdits succres; avec ce <pie cependant il en affinera (comme il faict en Anvers) d'autres qui sont gros , en telle quantité que cela suffira pour tout le royaulme, joint qu’il les rendra à Marseille et à Lyon à si bon prix que les marchands les ont maintenant en Anvers, d’où toutesfois ils les portent audit Lyon et autres lieux dudit royaulme.

Le proffict qui en viendrait au roy , quant aux succres nouvellement faicts, serait le droit de cinquiesmc qu’il prendrait , 'comme fait le roy de Portugal ès isles où l’on fait succre, et aussi en Cccile. qui monterait, en moings de dix ans , environ dix mille escus par an.

La ville d’IIières, qui est pauvre, se ferait fort bonne par la navigation de ceux du pays et autres qui y arriveraient. Oultre ce que ce lieu de frontière serait renforcé de bien mille hommes, tous gens endurciz è la peine, qui pourraient delfendre le lieu des incursions des ennemys sans qu’il coustât rien au roy.

Item, s’éviterait par là la traicte hors du royaulme d’une grosse somme d’argent, que les marchands en tirent tous les jours pour recouvrer succrcs des Portugais, et ne seraient plus en peine lesdits marchands d’aller en Anvers pour avoir succres affinez, qui se feraient et trouveraient dans le royaulme.

Davantage, le fons des terres d’auprès de Hières, qui sont maintenant abandonnez et inutilles , estant mis en nature, dix ans après demeurerait au roy , pour le vendre quatre-vingts ou cent mille escus pour une foys; ou bien pour le donner à ferme et louage par chacun an. qui serait une grande augmentation de son domaine.

Pour parvenir à cest effect, ledit Gabriel-le-Succrier requiert qu'il plaise au roy luy accorder que le lieu portast franchise, de sorte que tous bannis fugitifs, pour autre cause que lèse-majesté, et pourveu qu’ils ne fussent échappez des gallères de Marseille, se peusscnt retirer audit Hières et y vivre en 8eurclé comme l'on fait en Cécile et Portugal en cas pareil. Car aultrcmrnt il scroit malaisé que ceulx du pays se peussent si tost accous tumer aux peines qu’il y convient mectre, comme aux pressoirs, portées, chaudières, et autres faix de grand peine. Ce que ledit feu roy avoit libéralement accordé.

Aussi demande qu’il pleust au roy d'obtenir du roy de Portugal permission de tirer de son isle de Mader une carainche pleine de plants et canes de succre, qui est chose bien aisée, car sur les lieux on n’en tient pas de compte.

Plus, requiert avoir lesdites terres de Hières pour l'espace de dix ans, pour icelles mcctrc en nature et en tirerlc proffict, en baillaut le cinquiesme du succre au roy, comme est laict en Portugal , Cecile et ailleurs.

Et quant aux succres qu’il aflineroit. qu'il ayt privilège que uul n’en pourra affiner l’espace de dix ans, à tout le moings despuis le pays de Provence jusques à la rivière de Seine, où aussi il ne s'en trouve ung seul ouvrier qui le sache faire. Comme aussi en font -ils dans tout le Pays-Bas de l'empereur, excepté ledit Gabriel et aucuns qui l’ont aprins de luy ; par laquelle exception de la rivière de Seine, sont exceptés ceux qui, à Roen ou à Paris, se vouldroient essayer d'afliner lesdits succres.

Et pareillement que le roy delTcndît de n’apporter de dehors le royaulme, dans icelluy, aucuns succres affinés , ains seullement succres communs et lourds, qui seroit le grant bien de ses subjects; car ils se retireroient de transporter argent hors icelluy pour le recouvrement desdits succres, et les auroient à si bon compte qu'ils les ont ailleurs.

• Au demeurant, quant aux premiers frais, comme pour avoir gens de

* r Portugal et Cecile , qui appreinssent ceulx du pays de labourer les terres et planter les canes de succre comme il appartient ; et aussi pour construire les maisons, les angins des pressouers, et achever les grands chaudières et autres meubles requis et nécessaires , ledit succrier requiert une de ces deux conditions luy estre octroyée : c'est qu’il plaise audit sire luy faire advaneer la somme de vingt mille escus en troys ans , qui est environ

SOUS FRANÇOIS II

sept mille cscus par an, et il baillera caution audit sire de luy faire rendre ladite somme les dix ans expirer , pendant ledit sire roy prendra son droict de cinquicsme, ainsi que le feu roy luy avoit accorde. Ou bien s’il ne plaisoit audict seigneur advancer aucuns deniers , qu'il luy plaise remcctre audict succrier ce droit de cinquiesme, pour ledict terme de dix ans, et il trouvera compagnie, à Paris ou Lyon, qui feront lesdicts frais, excepté seuilcment des maisons, qui peuvent estre environ deux ou troys lieux, comme gronchcs, qui pourraient couster environ deux mille escus. Car à peine se trouveroit-il marchant qui voulzist commencer d’employer son argent par bastiment et mesmement en Provence.

Il est à noter que aucuns marchans italiens, ayant cy-devant entendu comme le feu roy avoit accordé audict succrier tout ce que dessus est dict, pour le cuyder supplanter sont naguères venuz en court, et ont, par le moyen de monsieur le cardinal de Ferrarc, obtenu permission et privilège du roy pour affiner succres seullement; ce que après ils ont délaissé, tant parce qu’ils ne le s (-auraient faire sans ledict succrier, dont ils se fesoient fort; mais il ne vcult riens avoir à démcslcr avec Italiens, ains seullement subjects du roy, comme il est : comme aussi que aucuns marchans de Roen qui ont entreprins d'affiner succres se sont opposés à l'entérinement dudict privilège, qui a esté cause que lesdicts Italiens ont tout délaissé : auxquels marchans de Roen n'est faict aucun préjudice par la requeste de Gabriel , d'autant que le privilège qu'il demande ne s'estend que jusques à la rivière de Seine.

Si le roy trouve bon ce dessaing et que ainsi luy plaise , ledict Gabriel s'en ira devant son conseil pour rendre raison de tout ce qu’il mcct en avant.