L'ÉVÊQUE DE LIMOGES X LS REINE MÈHE

De l'opinion où l'on est par ici des choses de France. — M. d’Oxauce attendu. — De U négociation du mariage. — Comme l'ambassadeur d'Espagne est toujours bien informé. — De la reine catholique. — De madame de Vineux.

Madame . par la lettre que j'escris au roy de Navarre , vous verrei bien que je ne sçay quelles nouvelles sont venues par deux courriers des leurs, qui nous ont faict par deçà ung bruit assez grand, qu’en brief il devoit avoir changement d’ affaires , en quoy ceulx-cy font comme gens qui se sentent rougneux et avoir la bourse d’aultruy, avec assez mauvaise volunté d’en faire raison. Toutesfois, pour ne pouvoir sçavoir le fond de cela, pour le long temps qu’il y a que je n’ay de vos nouvelles, j’attends monsieur d’Ozance , estimant que nous leur ferons entendre à son arrivée combien, au contraire , il a esté proccddé tousjours jusques icy, en ce qui concerne ledicl seigneur roy, doucement, encores qu’en la pluspart de mes négociations j’av continuellement supplié sa majesté catholique de luy faire raison et justice pour le bien et repos de la chrestienté. Vousadvisant au demeurant, rat dame, que parlant dernièrement la roy ne catholique des parens du gentil homme au roy son mary , à propos de la lettre que luy avez dernièrement escrite, afin qu’il sceut en cela votre intention vraye en leur endroit, il entra à luy dire qu’il sçavoit bien que vous aviez opinion qu’ils luy eussent osent ou parlé du mariage dudict gentilhomme, mais qu’il n’en estoit rien

et qu’il la prioit le vous escrire, afin qu’ils feussent excusez; et toutesfois que, sachant l'opinion qu’aviez d’ailleurs d’eulx, il ne vouloit en façon que ce feust vous requérir d’user des. hommes qu’à votre dévotion; par où vous jugerez combien leur ambassadeur est bien informé de tout et de la bonne part et communication qu’on luy en donne. Vous suppliant, madame, comme je voy ung peu ceulx-cy fâchés et en opinion que leur repos n'est pas pour durer en la grande fermeté qu’ils s'esloient promis, les remectre, et faisant leur devoir aussy en cent choses qu’ils négligent, vouloir les conforter ainsy que trop niieulx vous jugerez estre le bien du roy et du royaume. Se portant la royne fort bien, croissant en autorité et vertu, désirant que, par vos ordinaires lettres, il vous plaise l’enhardir à ce qu’elle se rende près son mary en la primaulté et hardiesse quelle commance fort bien d’empietter, depuis le parlement de nos dames de par deçà; faisant madame de Vineux dignement son devoir près d’elle, et rnieulx de jour en jour, qui est aussy occasion quelle a besoin de votre bon confort et assistance , afin que les Espagnols et aultres serviteurs de sa majesté catholique, la voyant favorisée de sa maîtresse, la tiennent au rang quelle mérite, et que plus facilement elle s’entretienne en la grande charge qu’elle a ici ; me remectant du surplus sur M. de Carbonier, d’autant que je suis prié d’aucuns seigneurs, qui doivent en Flandres cent ou six vingts mille livres, de quelques petits passeports, et éviter les intérests; votre majesté sera , s’il luy plaist , contente que monsieur de l’Aubespine me les envoyé.

( Sans signature.)

LA REINE MÛRE X LA REINE CATHOLIQUE

Elle se plaint de l'ambassadeur d'Espagne. — Touchant lappoiotement do prince de (londé et du duc de Guise. - — Départ de la reine d'Ecoase.

Madame ma fille, je vous ranvoy set pourteur afin que vous soyés avertve par set que je ayscrips à monsieur de Limoge corne touttes choses sont asteure en set royaume, et cornent, Dyeu mersis, les aytas sont achevés.

SOUS FRANÇOIS II

heu je aysté a prouvée de tous; asteuses nous n’avons pluls à désirer, pour nous voyr tous en repos , que la fyn de set que fayrons ses prélas : Dyeu veille que nous aportc quelque repos! Entre nous, songés, ma fille, leroy vostre mari ha ysi son enbasadeur qui se veolt mêler de touttes nOs afayres : et voy byen qui l'y envie qui l’y font fayre, et tousjoury dist que s'et par comendement de son mestre, de chause que je n’aréque dyre, corne anuit; deinavn y s'an viendré me dyre que le roy son mestre luy a ayscript et comendé m’en parler. Si byen que sela ayst trop ayvident que y ne parle que par la bouche dé malcontenps, et je m'aseure trop de l'amitié du roy mon bon fils pour vouloyr tenir brun enbasadeur aupré du roy son frère, pour ne servir que de trovcr touttc mes action mauvèse et m’en tormanter an son non, san que y 1y comendc. Pour se, madame ma fille, trové fason, aveques luy et sens qui sont auprès de luy, de le fayre révoquer, et qu’il ann anvoy hctin aultre qui ne parle que par son comendement et non pas par seus qui avest acoutumé de se coureuser à moy de l'amityé que je luy porte, et qui trove touttes ses actions ausi mauvèses, corne y font encore; mes que le dyset que segrètement, pour se qui se volet servir de sa faveur et souport pour le tromper après qu’il ann avoy fayst, et je le say. Mis avent parler de tout sesi, comeuniquez-lc à monsieur de Limoge. — J'é fayst l’apoyntement du prinse de Condé et de monsieur de Guise , pansant que sela me donneré quelque repos, et pour se qui n’i a que deus jours encore, je ne vous puys mender quele byen y m’aporteré sete apoyntement.

J’é veu l’eseeuse que le roy vostre mari vous ha eomendé me fayre touchant le mariage de vostre belle-seur; y ne sont pas trops fin de l'ann a voyr prié, car s'et la confirmatyon de set que je me doutés. Ele s'et enbarquée yl y a lieuyt jours, et s'el a heu bon vent, ayle est enn Escose'.

Volà touttes les novelles que vous puis pour set heure mender, qui me fayré fayre fin après vous avoyr priée que ne fallyés de rabatre tous les mauves aufises que l'on fayst fayre contre moy à fandroit du roy vostre mari : et ly ascurés tousjour que, tent que je vivray, quelque chause qui puise

1 Celle lettre est évidemment écrite vers le ao aôût i56o, puisque Marie quitta Calais le ta de ce mois. Il parait certain que son départ n’eut lieu qu'aprçs la ruine de toutes les espérances du car-

dinal et la rupture des négociations. On sait d’ailleurs quels tristes présages signalèrent la traversée de l'infortunée Marie Stuart, et les pièges que lui tendit dès lors Élisabeth d'Angleterre.

avenir, je nieteré pouyne d’entertenir l'amityé qui ayst entre nous , corne selle qui ne l’aymc poynt inoyns que son propre enfant, et qui vous sere tousjour

Vostre bonne mère, CATER1NE.

Au dos : A madame ma fille, la royne catholique.

SOUS FRANÇOIS II