JANVIER 1 56 I

Sa maladie, qui ne l'cmpèche pas de vaquer à ses affaires. — Rien de changé touchant l'entrevue. — Ce qui en est des propos de Clianlonnay. — Touchant le secours aux catholiques. — Des véritables dispositions du roi d'Espagne, suivant le duc d'Albe.

Madame, m’estant arrivé ce porteur, j’estois fort mal disposé, et m’efforçai d'aller veoir la revne vostre fille et le duc d’Alve, ausquels je fois entendre bien particulièrement ce qui estoit de vostre volunté; depuys, je suis demeuré tout à plat en l’extrémité qu’il vous dira. J’ay faict soliciter la reyne vostre fille, qui estoit bien instruite du tout par mov, afin quelle vous escrivist l’intention de son mary et en donnast au sieur Marc-Antoine de bouche son commandement; et m’est venu visiter le duc d’Alve la part du roy, qui ne montra pas me vouloir parler d’afiaires. ny respondre à ce que je luy avois dict, en peur de me donner travail ; toutesfois, voiant qu’il failloit que le gentilhomme qui estoit venu s’en retoumast, je le suppliay d’y satisfaire, ce qu’il accorda; et me discourut particulièrement et fort librement tout ce qu’il sçavoit et le roy son maistre aussi, que je vous mettrai sommairement en quelques petis articles cy-bas, pour ne pouvoir faire plus longue dcspéche.

Quant à l’entreveue, le roy catholicquc n’adjoustc ne diminue à ce que

j'av escript par Desbarreaulx party d’icy. Sa majesté le désire et le

fera véritablement sitost qu’il sera à Monson; et en cela n’y aura point de difficulté ne de doubtc en la ferme manière que j’ay escrite ; le tout avec la volunté et bon plaisir de la reyne, et ainsi qu'elle advisera estre meilleur; mais je voy bien que cela yra plus tard de quelques mois, comme aussi j’ay mandé.

Pour l'egard de rc que Chantoné dit par delà, que le roy son maistre sans queue assisteroit les catholiques, j’ay voulu sçavoir le fonds : qui est. comme m’a mandé le roy par ledit duc , que si tost que monsieur d’Ozences fut arrivé et sa despêche entendue, l'on en prit et fit-on publier seulement la moitié par delà, donnant entendre que le roy catholique abandonnoit les catholiques, sans parler de la queue que j’ay escrit, et qu’ils sravent que monsieur d'Oxences avoit dict : et sondant le duc de tout ce qui estoît advenu et entendu , et ce qui estoit venu par deçà des despêches de leur ambassadeur, j’ay manifestement cogneu qu’aucuns seigneurs catholiques de nostre court feirent dire audict ambassadeur ce que dessus, afin qu’il ne laissast courir ce bruit et parlas! plus ferme; et comme j’ay entendu de bon lieu, vint ung courrier volant, avec une seulle lettre dudict Chantoné, afin que son maistre ne le trouvast mauvais, considéré le grant nombre de catholiques qui vouloient plus tost mourir que d’endurer une telle mutation violente qu’ils entendoient se préparer : advisant aussi son maistre d’une guerre civile, qu’il voioit nécessairement advenir.

Je demanda» audict duc pourquoy il le dist à monsieur le mareschal de Saint-André, et si c’ estoit la part du roy; ayant trouvé lcdict duc bien informé de cela, me disant la particularité qu’il estoit advenu par occasion, d’autant que ledict seigneur maréchal estoit allé à Poissy devers luy, par commandement du roy ou de la revne; qu’il i’avoit làict comme lieutenant publicq, qui ne se pcult garder de se passionner en ung danger extrême qui est coinmung à son maistre aussi bien qu’à nous, dénotant que ceste mutation de religion ne tendoit qu’à la guerre par deçà, quoi que l'on dist. et à la confusion de tous leurs estais. Je luy répliquay et luy dis que l’on ne vouloit pas abandonner les catholiques, mais que, veoir leur ambassadeur en Frànce corner une guerre qu’il disoit estre entre nos subjects, cela seroit manifeste argument à la reyne, que luy voudrait nourrir la guerre, ou y aurait intelligence; que l’on parloit de je ne sçay quelles ligues, que cela ferait soupçonner que son maistre s’en meslàt.

Sur cela me répliqua que, pour l’honneur de Dieu, la rcyue ne se mist point tant de confusion ne defliance d’eubt en la teste, et que l’amitié du roy catholique luy estoit aussi certaine que celle de son propre fils, sans difficulté aucune : qu’ils ne sçavoicnt, n’entendoient et n’a voient en leur vye ouy parler de ligue, et que le roy son maitre pensoit que c’estoient

SOUS FRANÇOIS II

quelques gens malins qui le vouloient distraire de son amitié qui tuv mectoicnt cela en la teste; mais que la voiant permcctrc à bride abattue, à ceulx de la nouvelle religion, tout ce qu'ils vouloient contre les conseils quelle leur a demandés , que peuvent-ils même inférer ne juger du royaulme que guerre civile, veu qu'une poignée de gens, ce diet-il. la commencèrent du temps du feu roy dernier, et que ceulx-cy qui se voient si grandys et vitemment en la minorité du roy, ne l’oste de la religion ancienne : et qu’ils ne fassent beaucoup pis, veu le nombre des grands seigneurs et les inimitiés. Que c'est, devant Dieu, ce qu'ils en scavent en ce monde, rhose qu’ils croient et tiennent pour certaine, veu les grandes apparanees et indices qui y sont, et qu'ils supplient Dieu qu’ils n’advicnnent point , afin de n'entrer en ceste peine , considéré que ladicte guerre sui ve nant (laquelle ils n’ont jamais conforté, ne conforteront et ne se trouvera jamais en façon que ce soit venant ce mal de soy-mesme ) , ils seroient forcés de ne laisser pas ruiner les catholiques, car ce scroit à eulx après à courir, pour deux raisons; la première pour tenir le roy et la reyne, tels; et l'autre aussi leur est naturelle, pour ne laisser venir le mal jusque» à eulx, ce qu'il cognoissent bien que c’est le veu de tout ce que l’on brasse, considéré que l'on les mectra dès à cestc heure en quelqifbs endroits.

Qu’ils cherchent au demeurant tous les rnoiens et confors qu'ils peuvent pour assister la reyne, en ce queluy est agréable; et que, soubs son autorité et pour l'amour d’elle, ils sont entrés si avant à la récompense du roy de

Na\ arre. qu’il n’y a autre entreprinse, ne déguisement là-dessou bs,

estant leur volonté si entière , qu'ils pleurent vingt fois le jour les incon véniens auxquels ils ont peur que l'on l'amène par force, se elle et son bon conseil n'y remédient; la tenant pour si bonne mère et lertueuse dame, quelle ne peult prendre ce que dessus qu’en bonne part, veu que c'est la seureté et protection de leurs estats, à laquelle chacun prince devant tout est obligé, et qu'ils reculeront le feu et le danger évidant de chez eulx tant qu’ils pourront , sans permectre la desconfiturc de nos catholiques, si ce n estoit à peine de l'estre le lendemain eulx-mèmcs , niais non pas pour en donner occasion de mal le moindre du monde , ni de soupeçon par acte ne négociation qui ne soit aussi nuement et simple ment que dessus est contenu.

A ce que j’en scai et que je puis juger, ils ne tiennent point nostre paix

ferme; de nostre costé, si les mutations violentes et si subites ont lieu chez nous, premièrement pour la crainte de leurs affaires , secondement, parce que tous les catholiques y ont recours sans difficulté, par plaintes, remonstranees, advis ou autrement, afin d'empêcher le cours de ceulx qui se présentent maintenant, et aucune pour craindre véritablement que de là ne naisse quelque sédition publique , mesme sur ceste assemblée qui s'est fàictc de présidens et aultres gens dont ils se sont tant tourmantés par deçà: il m’est bien advis que ce qui a faict remuer et s'aider de toutes pars, par menaces , praticques et autrement , a esté pour empescher que leurs résolutions ne s’en feissent, telles que celles que l’on a publié et envoyé par deçà depuis deux mois.

Et croy qu'ils n'ont pas failly aussi de poulcer de l’autre costé, vers l'endroit du roy de Navarre, par tous les instrumens et serviteurs qu’ils ont pensé estre à propos en cest affaire, pour avoir plus de cordes en leur arc, attendant ce que Dieu et le temps pourront amener: voylà pourquoy, s'il y a espérance de quelque bonne résolution en ces faict et prétention, il la lâult attendre de la confiance grande qu'il a du roy et de la reyne, et ne s'arrester pas du tout aux parolles et négociations, lesquelles par diverses mains se menuent là-dcss8ubs , afin qu'il ne perde ses amis et le fruict de ce qui est en apparence de bon chemin, s’il y a fondement en leurs parolles: non pas que je dise cela pour m'en persuader autre chose que ce que le temps en monstrera, mais pour cognoistrc en droit fil estre le seul appuv et recours contre la guerre, qui est en la main de Dieu, et en l'endroit d'un prince qui n’est pas mal garny d’expérience, obéissance, biens, et conseil.

Et à ce propos , ung peu avant sa mort , le nonce de Terracine me dist que le pappe luy avoit commandé de parler de Sardaigne, et quelque autre récompense particulière; j'ay voulu sçavoir le fond de tout cela et l'avancer, pour le désir que j'ay de luy faire très-humble service, mais je trouve que c'est autant de vent et tout discours d'Italie: et de cela je l’en assuray sur ma vie ; le suppliant très-humblement m’excuser, et prendre ce petit mémoire pour lettre jusques à tant que j'aye recouvert plus de santé.

L'ambassadeur de Portugal qui s’en va vers vous partit hier d'icy; il a communiqué à bon escient avec ceulx-cy, et luy a -on faict sa leçon sur le faict de la religion, comme nous entendons sur la justice et traflicq de nos marchands et des leurs, entre lesquels ils dient qu’il y a maintenant plus

SOUS FRANÇOIS II

de guerre que de justice; et croy que c'est ung de leurs principnulx fondemeus dudict voiage, et afin aussi que si ce roy icy a à avoir la guerre pour les troubles qui se présentent aujourd'liuy, leur faire cognoistre qu’il n’aura pas tenu à luy de satisfaire à toutes choses pour la conservation de la religion , estimant les retenir amys avec ce moien . et s’en servir où ses nécessités l’appelleront, mesme du costé de deçà, où ils dieut que l’on les menace. Ledict ambassadeur s’est vanté qu’il parleroit du mariage de Madame, ce que je ne crois pas, car il l’a dict en discourant. Vous sçaurez bien, madame, ne les désespérer pas du tout et les laisser retourner en bonne bouche.

Il n’y a, madame , autre chose de nouveau, sinon que, si vo’us pensez que je soys bon à vous faire service quelque autre fois, je vous supplie trèshumblement que mon successeur se haste par la poste, car si j’ay à demeurer longtemps en ce lict, le roy ny vous n’y sçauriez pas estre servis.

Madame, il vous plaira me continuer votre bonne grâce, à laquelle je me recommande très-humblement, suppliant le Créateur vous donner, en très-bonne santé, très-heureuse et longue vye.

De Madrid en Castille, ce 3 janvier 1 56 > .

Vostre très-humble et très-obéissant serviteur, DE L’AUBESPINE.

Évesquc tle Lymogev