L’ÉVÊQUE DE LIMOGES AU CONNÉTABLE DE MONTMORENCY

Derniers moments de Henri II. — Dispositions de Philippe II à l'égard du roi dauphin. — 1^* marquis de Bergues. — Départ de la reine Élisabeth. — L'armcc d’Espagne en Irlande.

Monseigneur, j’ay ce matin rcceu vostre lettre du tx, par où j'ai veu le peu d’espoir qu’il y a en la vye de sa majesté; au roesme ins-

tant le roy catholique en a eu deux courriers l’un sur l'autre, et pour ceste cause je le suis allé trouver pour luy déclarer pareillement le contenu en vostre lettre, afin qu’il en entendis! aussi de ceste part la vérité et combien sa majesté avoit testifié par les cflccts, se véoyant en ceste extrémité, la crainte que toute la vie il avoit eue de Dieu , et le bon et vray zèle duquel il ambrassoit la religion et l’augmentation d’icele : aussi les honnestes et sainctcs remonstrances de sadite majesté envers le roy daulphin, et le regret qui luy demeuroit s’il ne pouvoit pour le bref temps de sa vie effectuer ce que cy-après il avoit délibéré, au bien et repos universel de la chrestienté et accroissement de l’amour et alliance mutuelle d’entre leurs deux majestés. L’asseurance au surplus tant de l’amytié et affection du roy daulphin, en son cndroict, que si nostre Seigneur faisoit son commandement de sa majesté, comme les apparences estoient grandes, il trouveroit à l’advenir ledit seigneur de même volunté, desseing et délibération, tant à la confirmation et exécution des traictez qu’en tout ce qu’il concerneroit leur bonne et sincère correspondance. Le priant pour ceste cause , advenant reste mutation et changement, croire qu’il seroit seulement de la personne et non de l’affection et bonne intention. Là-dessus je n’ai oneques veu prince plus désolé ni qui ait par eflect aussi bien que de sa response testifié l’amytié qu’il portoit au roy. Après m’avoir faict un long discours de scs regrets et de l’infini contentement auquel il se retrouvoit cy-devant , voyant ceste union si bien establie , me pria escrire à sa majesté, si elle vivoit; faire aussi entendre au roy daulphin et à messieurs du conseil qu’on le trouveroit le mesmes frère et singulier amy qu’il avoit délibéré d’estre bon et obéissant fils, et que, pour cest égard, l’on se devoit asseurer et reposer sur sa vraie et entière délibération à donner des preuves qu’il fesoit estât de sa parollc et encore plus de ses amys. Tellement, monseigneur, que, advenant ceste fortune, je voys les choses bien seurement establics de ce costé : se proposant desjà ce prince et tous ceux de son conseil les mesmes qu’ils fesoient du passé. Je lui ai faict sur la fin les excuses de ce

SOUS FRANÇOIS II

que monseigneur le marquis de Bcrgues n’avoit veu sadite majesté. Mais la nécessité estant telle, les excuses sont trop aysées à recebvoir; et lui-mesme le scavoit desjà, m’ayant dict que le marquis lui avoit escript et envoyé quelques lettres de la royne catholique sa femme, laquelle l’avoit retenu jusques à hier et qu’il l’attendoyt ce jourd'hui, qui est mardi, ou demain matin.

Je ne scais si ceci amènera quelque changement à nostre voiage d'iüspaigne, toutefois je ne l'estime pas, si aullre nouveau conseil ne survient, et qu’ils n’eussent deiliance, en laquelle je ne les veoy en façon que ce soye, comme aussi ils n’ont aucune occasion, estant le traicté exécuté en la meilleure part. Pour cestc ceure luy ai asseuré, suivant la fin de vostre lettre , que le voiage de la roine catholique en Hespaigne ne scroit, pour ce que dessus, aucunement retardé. Dedans quelque temps il s’y verra plus clair, car depuis vingt-quatre heures l’armée d’Espaigne qui le doit conduire est arrivée en Irlande et desjà sont l’aicts les commandemens à quelques aultres vaisseaux de par deçà de s’équipper, par où l’on juge bien, oultre ce que j’en scai de bon lieu, que sans nouveau dessaing et aultre avis il partira pour le plus tard au commencement de l’aultre mois. Ne se parlant aultre nouvelleté en ceste court qui est, avec moy, autant désolée que si leur propre prince estoit en ceste extrémité, de laquelle nostre Seigneur par sa saincte grâce le vueille retirer.

Monseigneur, je me recommande très-humblement à vostre bonne grâce vous disant à Dieu, auquel je supplie vous donner une trèsbonne, très-heureuse et longue vye. De Gand, ce xi juillet >55g.

Vostre très-humble et obéissant serviteur,

DE L’AUBESPINE

Kvrsqtie d<* Lrtnnge*.

Au dos : A monseigneur te duc de Monluiorancv , pair et connétable de France.