MÉMOIRE REMIS A M. DE LA FOREST

ALLANT SA FLANDBE, lï TO AOCT l55g.

Mcmoyre au sieur de la Foresl, secrétaire de la chambre du roy et greffier de son ordre , de ce qu'il aura à faire en Flandres , où ledit seigneur F envoyé résider, pour son service , près madame la duchesse de Parme, régente des Pays-Bas.

Premièrement, présentera à ladite dame les lettres que le roy lui escript, et lui dira le grand plaisir que ce luy a esté d’entendre qu'il ayt pieu au roy catholique, son bon frère, la choisir à tenir ce lieu, pour l'opinion qu’il a qu’il n’y eût sceu mectre personne plus digne et vertueuse, ne qui désire plus le bien et entretenement de la parfaite amytié et grande alliance naguières contractées entre leurs deux majestés, s’assurant qu’elle y fera tous offices convenables; à quoy elle trouvera correspondance telle de la part du roy et de ses ministres, qu’il s’en peut espérer ung perpétuel repos à la chrétienté, et bien incroyable à leurs sujets et pays.

Que le roy désire et n’entend n’estre dorénavant que une même chose, la prianl de sa part qu'elle veuille être contante quand il surviendra dorcsnavaill quelque chose à desmesler entre ces deux pays, soyt pour le public ou particulier, l’en faire privément advertir, ainsi que le roy fera de sa part. Et elle cognoistra par les effects de quel îèle ledit seigneur veult chemyner en ce qui concerne ledit seigneur roy catholicque et sesdits subjects, avecque toutes les plus gratieuses et honnestes parollcs dont ledit sieur de la Forest se pourra adviser pour la mouvoir dadvantage à s'assurer de la bonne intention de sadite majesté, alfin qu’elle ayt plus d'occasion de procéder de mesme.

Quant l’évesque de Lyinogesest party de là, il a laissé toutes choses en fort bon état, faict effectuer celles qui se pouvoient faire de son temps et enchcminé les autres : entre lesquelles le sieur de la Forest aura souvenance d’avancer et pourchasser la délivrance des pauvres prisonniers qui sont encore par delà, jouxte la forme d’un accord

SOUS FRANÇOIS II. 95

qui en fut faict entre monsieur le connectable et le duc d’Alve , dont luy a esté baille coppie. Et pour ce que ledit évesque de Lymogesdit qu’il y a eu quelque difficulté, le roy, pour la résouldre, sera contrainct de permettre que, de la part dudit sieur roy catbolieque, vienne par deçà un commissaire, lequel , en compagnie d’un du roy, visitent les prisons et gallaires pour savoir s’il aura esté satisfaict aux choses accordées. Résolvant premièrement ledit sieur de la Forest, avec le conseil de delà, qu’il soit déclaré respectivement si l’on n’entend pas que ledit traicté ayt lieu à l’endroict des prisonniers appartenant aux particuliers aussi bien que de ceulx qui sont et appartiennent à leurs deux majestés ; et que de semblable grâce et accord jouyssent les pauvres mariniers et passagers qui se trouveront pris d’une part et d’autre : comme jà, par plusieurs fois, avoit esté arresté aveques ledit duc d’Alve, luy estant par deçà; dont luy feut baillé mémoire, qu’il envoya par le conseiller Granjan.

Il estdicl par le traité de paix que ceulx qui avoient estépourveus par lesdits deux princes de bénéfices vaccans ès terres qu’ils ont possédées durant la guerre, en jouiront. Méantmoins ceux d’Avoy empeschent aucuns pourveui par le roy de joir de ceste grâce, dont ledit évesque de Lymoges parla dernièrement à l’évesque d’Arras, qui promit en escrire suyvant un mémoire qui lui en feut laissé : à quoy il faudra tenir main.

Le partage et division de l’évesché de Thérouenne a esté faict suivant le traicté : et pour ce qu’il a semblé raisonnable que les chanoynes establis à Boullongne eussent aussi portion des livres, ornemens, reliquaires , qui furent pris quant ladite ville de Thérouenne fut perdue1, en a esté faict instance, dont ledit sieur évesque d’Arras a donné espérance : ce qu’il ne faudra pas oublier

Semblablement, qu'il soit fait raison à monseigneur le cardinal de lorraine sur l’érection qui est faicte, ès Pays-Bas, de trois archcveschés et treize evest hez au préjudice de mondit sieur le cardinal archevesque de Reims1, qui, pour le moins, désirant récompense

1 Voyez la noie, p. 64. ’ Voyez 1» noie , p. 74.

que les appellations de Cambray ressortissent audit Reims par droit de primat, dont a esté baillé mémoyre bien ample audit évesque d’Arras, qui, par commandement du roy catholique, a remis la résolution dudit affaire à quant ils seroient plus asscurez de la bulle qui a esté renvoyée à Rome pour estre réformée.

Le cappitaine Breuil, gouverneur de Saint-Quentin, est demeuré par delà seul uolable prisonnier Son procès est faict et instruict sur la remontrance qui a esté faicte, qu’il n'est tenu à seconde rançon, suyvant l'accord signé desdits deux roys, dont aussi est baillé un double au sieur de la Forcst, qui y tiendra la main, et saura ce qui y a esté faict depuis le parlement dudit évesque de Lymoges, par son avocat, qui s'appelle Hector Scriban, Italien.

Pour le règlement des frontières, se doyvent députer commissaires dedans le premier jour de septembre : les nostres sont prêts; mais avant qu’on les achemyne , il est raisonnable savoir quant les autres le seront aussi, et quels personnages se seront, pour incontinant en advertir le roy; et quant ils seront ensemble, sera besoing que ledit sieur de la Forest s’employe auprès de ladite dame de Parme pour débattre et remonstrer les différents qui surviendront, dont il sera adverti par les commissaires.

Le marquis de Bergucs, parent cl tuteur des enfants et héritiers de la dame de Gruningcn2, faict instance à ce que l’on dépulte commissaires pour vuyder le droicl qu’ils prétendent à Crcvccueur suivant le traicté; coque ledit sieur de la Forest conduira aveque longueur, et jugera bien, lisant lesdits traictés, le peu d’espérance et moyen que lesdits sieurs héritiers y peuvent avoir.

Bien faut-il tenir la main à ce que ung chacun soit restitué en ses terres, et , s’il est possible, obtenir une mainlevée qui soit réciproque, suyvant ce que cy-devant ledit évesque a faict accorder, aultrement cculx de par delà font sur chacune instance ung procès contre

1 Dans son historique du siège de Saint- * 11 a déjà été question de cette récia* Quentin Coligny fait honorable mention du [nation du marquis de Ëergues, p, 43. capitaine Breul, gouverneur de cette ville.

SOUS FRANÇOIS II

la vraye intelligence du traicté. Estant à notter que les fermiers auxquels ils ont baillé les terres pendant la guerre ne veuillent en façon que ce soyt se laisser déposséder ne départir de leurs baulx.

Il se fait en semblables de grandes injustices à nos gens d’église françoys, qui deurent rentrer aux bénéfices qu’ils possédoyent avant la guerre. A quoy il faut avoir l’œuil, et nommément au conté de Bourgoigne, où ils se font croyre de ce qu’ils tiennent par force, encore que les collateurs soient François et ayent droit de les donner et conférer à qui bon leur semble.

Pour l’égard des marchands, les choses estant en bonne paix et intelligence qu’elles sont, il en surviendra désormais peu de plaincles, et là où aultrement il adviendroyt, faut que le sieur de la Forest les conserve diligemment en leurs privilèges et libertés, suyvant le traicté, et ne permette, si quelque vaisseau est arresté, soyt longuement détenu et qu’il se mange à la poursuite , comme il advient quelquefois:

Sitôt que nouvelles seront arrivées à madame de Parme, la part du duc de Scsse, des restitutions de Piedmont, Corse et terres de Tuscane, elle a charge de rendre plainemcnt, et sans aultrement advertir le roy catholicque, les places de Saint-Quentin, Ilam, et le Castellet, et y sont toutes choses préparées à ceste fin.

Quant-et-quant se rendront les reliquaires, suyvant la promesse qui en a esté faicte , hormis le chef saint André , que le roy catholique désire réserver.

Ledit évesque de Lymoges a baillé au sieur de la Forest la copie des chiffres qu’il avoit avecque les ambassadeurs qui sont en Angleterre et Dannemarck, pour en user et leur faire, à toutes les occasions qui s’offriront, savoir des nouvelles, pour avoir des leurs, s'aydant des moyens qui luy ont été mis en main par ledit évesque de Lymoges : estant très-nécessaire que ledit sieur de la Forest preigne à cœur la protection et deffense aussi des affaires d’Escosse et des marchands qui arriveront par delà, et advertisse la royne régente dudit païs d’Escosse des choses qui s’offriront quant il pourra, et y

face semblable office que pour les affaires de France, n'estant que une mesme chose.

Surtout faut qu’il ait l’œil bien ouvert , se conduysant doulcement et modestement en toutes choses, sans toutefois riens négliger ne laisser passer de ce qui appartient à l’honneur et bien du service du roi; mais faisant tous offices qu’il estimera dignes et convenables k l’entretenement et augmentation de ceste amytié commune : mcctant peyne de leur fayre toujours cognoistre que le roy de France a ferme asscurance qu’ils feront le semblable de leur cousté, et qu’il n’a rien si cher en ce monde ne qui luy ayt esté plus recommandé que cela.