DE LORRAINE

16 janvier i5Sg.

Lettre d’un nommé THuillier, secrétaire de la royne Elizabeth, cl q ai lay avait esté donné par monsieur le cardinal de Lorraine , laquelle semble faulce et d’an homme de peu de jugement 1 , comme il se peult juger par celle de monsieur de Lansac, qui portoit les paroles entre la royne et les députés d’Espagne.

Monseigneur, suyvant ce que je vous ay dernièrement escrit pour raison de la grande incommodité du temps, au moyen duquel la rcyne, ne pouvant partir de Ronccvaux, avoit advisé d’envoyer vers messieurs les députez, à ce qu’ils eussent à la venirtrouveret recevoir au lieu où elle estoit, il vous plaira d’entendre, monseigneur, que d’abord ces messieurs en firent quelque difficulté, alléguans pour leurs raisons que d’autant qu’ils avoient délibéré entre eux que le lieu de la réception seroit où premièrement il avoit esté assigné , en une plaine environ une lieue et dcmyc par deçà Ronccvaux, ils s’estoient résolu de ne passer plus outre , mais d’y attendre sa majesté; de façon qu’a près cette tant honneste et gracieuse response, la reync, sans avoir esgard au mauvais temps qu’il faisoit pour lors , délibérée de les aller trouver, fit commander qu’un chacun se tient prest pour monter à cheval. Mais ainsy que nous estions sur le point de nostre partement , nous vismes arriver douze ou quinze chevaux venant de la part de messieurs le duc de l’Infastasgue et cardinal de Burgues, pour faire entendre qu’ils venoient trouver sa majesté, suyvant la sommation qu’elle leur en avoit faicte; au moyen de quoy la rcyne , changeant aussy d’opinion , se retira en sa chambre ,

' Celle lettre porte tous le* caractère» de cérémonial qui ont échappé à Lantac.

de l'authenticité. Elle ne diffère de la pré* Rien , au surplu», ri y blesse la vérité his-

cédente que par une plus grande observa- torique tion de petites circonstances d'étiquette et

et à l’heure mesme commanda que ses filles allassent clans une grande salle haute qu’elle avoit faict tendre, de propos délibéré, pour recevoir ledit duc et cardinal, qui arrivèrent de là à un quart d’heure, avec la mesme suilte et équipage qu’il vous aura plu vcoir, monseigneur, par le mémoire que je vous ay envoyé de Pau. Et pour ce que la venue de ces messieurs à Roncevaux estoit bien fort avantageuse pour le roy de Navarre, à cause de son ancienne querelle, je ne veux oublier à vous dire, monseigneur, qu’il mit peine de garder au mieux qu’il luy fut possible tous les points de son avantage, sans rien oublier de ce qui luy pouvoit servir au droict qu’il prétend en Navarre. Et en effet il avoit disposé son cas de telle façon , et donné si bon ordre à tous ses desscings avant que ces seigneurs fussent venus, qu’il falloit nécessairement qu’à leur arrivée ils entrassent en sa salle, tant pour ce que en tout le village il n’y avoit autre lieu de retraicte que celuy-là, comme aussy la violence de la neige les contraignoit d’y entrer s’ils avoient envie d’estre à couvert. En cette salle tendue de noir et du poillc dudit sieur roy1 estoit monsieur le cardinal de Bourbon, attendant l’arrivée des susdits seigneurs, qui ne tardèrent pas beaucoup après à venir avec vingt-cinq huissiers tous habillez d’une mesme parure, chacun d’eux tenant une verge blanche à la main : et lorsque leurs maistres furent entrez environ cinq ou six pas dans la salle, mondit sieur le cardinal alla au-devant d’eux, retenant la main droite pour lui, mit le sieur de Bourgues au milieu, suivant ce qu’ils observent en Espagne au droit de l’ancienneté, là où la principauté n’a point de lieu; en cet ordre furent conduicts jusques soubz le poille dudit sieur roy, ainsi que premièrement il avoit esté advisé; là où mondit sieur le cardinal, après leur avoir faict entendre comme, suivant le traicté de la paix et commandement du roy leur souverain, le roy son frère et luy avoient conduicts la reyne d'Espagne, fille du feu roy et sœur de celuy qui règife aujourd’hui, jusqu’au

1 « La maison du roi de Navarre était tendue de drap noir, à cause du deuil du feu roi.» (DeThou )

SOUS FRANÇOIS II

lieu où ils estoient, pour la livrer entre leurs mains, comme à ceux' qui estoient députez pour cet effect de la part de celuy d’Espagne., leur souverain, et qu’à cette cause ils monstrassent le pouvoir qu’ils avoient de la recevoir. Lequel ayant esté leu sur l’heure mesme, en présence de beaucoup de gentilhommes, là où, entr’autres, assistèrent les sieurs de Burie, Lanssac, Chcmauls et Clermont, on leur vient dire que la reyne estoit en la salle haute, attendant leur venue; si bien que de ce pas ils l’allèrent trouver, mais avec si grand nombre de gentilhommes que, nonobstant l’ordre que lesdits huissiers s’elTorceoient de mettre pour éviter la confusion, la salle, qui n’est guères moins grande que celle du Louvre, fut en un instant si plaine et avec telle presse pour l’envie qu’un chacun d’eux avoit de voir la reyne, que les filles mesmes, qui s’estoient rangées en rond pour empescher le désordre, furent contrainctes d’abandonner leur place et se retirer pesle-mesle où elles pouvoient pour estre exemptes de la presse. Là s’advancèrent plusieurs comtes et marquis quasi comme à l’envy l’un de l’autre pour baiser la main de sa majesté , monstrant tous d'avoir fort agréable que leur royaume fût honnoré d’une si belle, rare et vertueuse princesse, laquelle, de son costé, estant assise droictement soubz le milieu de son poillc, se maintenoit avec une contenance si grave et asseurée, entremcslée de sa douceur naturelle, qu'il n’y avoit celuy (à ce que depuis ils ont dict), qu’encores qu’ils en eussent ouy dire beaucoup de bien, ne la jugeast néantmoins plus accomplie que ce qu’ils en avoient premièrement espéré *. Après donc qu’un fort grand nombre de seigneurs luy eurent baisé les mains, (inallement messieurs le duc et cardinal

1 ■ Aussi les Espagnols disoient pour lors, tous d'une même voix, la voyant si accomplie, que vous eussiez dict qu'elle avoit esté conceue et faite avant le monde, et réservée dans la pensée de Dieu, jusqu'à ce que sa volonté 1a joignisl à ce

grand roy, son mari Son visage estoit

beau, et ses cheveux et yeux noirs, qui

adombroient son teint et le rendoienl si attirant, que j'ay oui dire en Espagne que les seigneurs ne l’osoient regarder de peur d'en estre espris, et en causer jalousie au roy son mari, et par conséquent eux courir fortune de vie. ■ ( Brantôme , Dûmes illustres. )

arrivèrent, qui ne fut pas sans avoir en leur part de la presse, et d'autant que, pour raison de la prééminence, l'un estoit en jalousie de l’autre, monsieur le duc gagna le devant, et faulsant l’ordre qui avoit esté arresté entre eux, s’advança quatre ou cinq pas vers la reync pour avoir le premier lieu au baiser de main, qui ne fut pas si discrètement que plus de dix yeux ne s'aperçussent bien de la passion de l’un et de l’autre. La reyne se leva, et l’accola de la main droite avec démonstration d’estre bien fort aise de son arrivée vers elle: et puis, s’estant assise, ledit sieur duc, sans qu’il eust tenu autre plus long propos à sa majesté, s’addressa au roy de Navarre, lequel aussi, pour tenir son rang et ne rien oublier de ce qu’il pensoit estre requis à la conservation du droict qu’il prétend au royaume de Navarre, n’oublia pas de l’accoler sur l'espaule : à quoi l’autre, qui voulut user de revanche, respondit de mesme, accolant tout aussytost le roy de l'autre main en pareille façon que le roy l’avoit accolé ; et davantage, pour couvrir la faute qu’il pensoit avoir faict de s’estre laissé accoler le premier sur l'espaule, il se couvrit le premier: aussy k quoy ayant pris garde ledit sieur roy, et voyant qu’il ne pouvoit plus faire que le duc n’eust eu l’advantagc de s’estre couvert devant luv, à l’instant mesme il se tourna vers la reyne, faisant semblant de parler à elle, et de ne s’estre à cette cause voulu couvrir. Cependant le cardinal s’advança, auquel sa majesté donna la mesme accolade qu’elle avoit faict au duc, mais avec plus de propos et d’entretien qu’elle n’avoit k luy. A l’heure mesme, après avoir faict imposer silence, le roy de Navarre leur fit entendre ce que vous scavés, monseigneur, qu’il avoit en charge, protestant davantage que, nonobstant qu’il eût esté arresté et résolu entre leurs majestei qu’il auroit à délivrer ladite reyne sur les limites de France et d’Espagne, si ne le faisoit-il point au préjudice de scs droicts, ne pour ce qu’il crût que le lieu où ils estoient fût frontière d’Espagne, scacliant bien qu’il estoit au royaume de Navarre, mais pour la commodité de sa majesté. Sur quoy ces seigneurs se trouvèrent si surpris, n’attendant rien moins qu’une telle harangue, qu’ils ne sceurent

SOCS FRANÇOIS II. 183

pour l’heure respondre autre chose que : liaen es, buen es. Quant à monseigneur le prince de la Roche-sur-Yon, il estoil assis à main gauche auprès de la chaire de la reync, et furent luy, mademoiselle, mesdames de Rieux et de Clermont saluées, chacune en leur rang, et depuis toutes les filles, par un fort grand nombre de gentilhommes de la troupe. Sur ce point, le roy de Navarre, prenant conge de la reyne, 1a livra entre les mains de monsieur le duc et cardinal , qui se mirent chacun à costé d’elle, regardant toujours le duc à se saisir de l’avantage sur le cardinal, lequel, comme je crois, se montroit mal volontiers le plus sage, et pense que si ce n’eust esté pour l'cnvye qu’il avoit d’obéyr pour le coup aux yeux et aux langues de personnes qui y prenoient garde de bien près à toutes ses contenances, malaisément eust-il peu comporter que le duc eust usé de telles façons de faire. Estant descendus en la salle basse, ils la conduisirent eux-mesracs jusqu’à l’endroit de sa lictière, là où, tout aussytost quelle fut entrée, les hauzbois et trompettes, qui ne s’estoient encores monstrez jusqu’à lors, coinmancèrent à sonner en signe de réjouyssance , et depuis ont toujours continué de cette façon toutes fois et quant qu’elle est partie d’un logis ou qu’elle y a làict son entrée : mcsnie alors que l'on veut couvrir, à chacun service que l’on porte, ils ne faillent jamais à sonner. Vous pouvant asseurcr, au reste , monseigneur, qu’un chacun des officiers scait si bien ce qu’il doit faire, et garder l’ordre qui luy est donné, qu’il n’y a celuy qui osast avoir transgressé les commandemcus de scs supérieurs du travers d’un ongle , que sur l’heure mesure il ne s’en ensuyvit une bien griefvc punition; et au demeurant respectent si fort nos personnes et ce qui nous appartient, que la pluspart du temps ils s'incommodent pour nous accommoder, si bien qu’il n’y a celuy de nous qui n’ait occasion de se tenir jusques icy pour satisfait et content de leurs courtoisies et honnestetez.

Voilà, monseigneur, ce que je vous puis dire sur ce qui s’est passé à Iloncevaux, au faict de la délivrance et réception de la reyne entre les mains de messieurs les députez, et ne s’estant depuis pré-

«enté chose qui me semble digne de vous estre escrite jusque» à l’entrée de Pampelune , qui fut le premier dimanche de ce mois, environ les cinq heures du soir. 11 vous plaira d’entendre, monseigneur, que ceux de la ville viendront au-devant de la revue , marchant en ordonnance soubz la conduite el enseigne de deux capitaines de fort belle apparance, davantage, le surplus des seigneurs et gentilhommes qui n’avoient peu accompagner le duc de l'Infastasgue et cardinal jusqu'à lloncevaux, à cause de la trop grande incommodité des logis, firent le semblable soubz la conduite du vice-roy el colonel de Navarre , qui furent suyvi des magistrats de la ville , tous montez sur chevaux d’Espagne, et vestus de longues robes de velours noir, avec trois passemens d’or à l’entour; lesquels, après avoir faict les harangues accoutumées en telles occasions, portèrent à la reync les clefs de la ville, sans luy faire autre entrée que d’un poillc de drap d'or frizé, qui pouvoit valoir environ trois cents escus.

Et ne veux faillir à vous dire en cet endroit, monseigneur, que le regret du roy de Navarre me semble fondé sur bonne et juste occasion, estant Pampelune l’une des plus belles et fortes villes, et en autant belle assiette que j’en aye veu de longtemps. Auparavant que d’y entrer, nous trouvasmes hors la porte principale une route qui pouvoit avoir trois cens pas en long et vingt-cinq en large, plantée de chacun costé d’oliviers de la hauteur d’une toise, avec fort bonne grâce. Cette route nous conduisit jusques dans la ville, là où la reync fit son entrée en lictière, quelle fit descouvrir des deux costez, et ne fut pas moins belle à veoir que si elle y eût entré à cheval, estant suyvie avec fort bon ordre de ses dames et filles, chacune desquelles avoit particulièrement un comte ou un marquis pour la conduire. Je ne vous racontcray icy, monseigneur, de combien de salves de trompettes, de tambourins à cheval, de hautbois, elles furent conduites jusqu'au palais, et combien parmy la ville il y avoit d’arcs triomphaux, enrichis depeinctures, toutes accompagnées de leurs devises, combien de fenestres et d’eschaffaux tapissez, combien de dames qui les paroient de leurs présences; je me tairay

SOUS FRANÇOIS II

aussy des danses, des festins, des jeux, des masques, qui y ont esté faictes durant le peu de temps que nous y avons esté, pour vous dire en conclusion que la reyne et toute sa compagnie a esté aussy honnorablement receue et avec autant de réjouyssance des seigneurs et applaudissement du peuple qu'elle et toute sa compagnie l’eussent sceu désirer, suyvant ce que je vous diray plus amplement , monseigneur, à mon retour par devers vous. Au reste , nous y trouvasmes la comtesse de Ureigna, qui attcndoit à recevoir la reyne sa maistresse jusques à ce qu'elle fût montée en une galerie haute qui estoit auprès de la chambre , là où, après qu'elle eut baisé elle et sa fille, luy fit un fort favorable accueil, monstrant d’avoir bien agréable qu’elle l’eût trouvée en ce lieu tant désiré. Depuis, estant retirée .en sa chambre, ladite comtesse luy présenta une lettre de la part du roy son seigneur, contenant en substance qu’il luy avoit envoyé pour la servir de dame d’honneur, la priant à cette cause de luy faire si bon et gracieux traitement qu’elle eût occasion de vouloir continuer à luy faire service. Et ne veu* oublier à vous dire, monseigneur, qu’en tout le temps que la reyne mit à monter à sa chambre , madame de Clermont teint tousjours la queue sans que la comtesse s’ingérast d’y vouloir mettre la main: mais depuis qu elle fut entrée et que seulement elle en partit pour aller à la salle, la comtesse n'oublia pas à s’en saisir, la présentant toutefois à madame de Rieux devant que de la vouloir porter; à quoy luy ayant esté respondu que cela estoit de son devoir et charge, oneques depuis ne l’a laissé, non que pour cela l’on ait discontinué à traiter madite dame de Clermont selon son mérite. Depuis, à nostre partement de Pampelune, la reyne la pria de monter en litière avec elle, ce que toutefois elle refusa, disant qu’encores qu’elle ne pourroit souhaiter en ce monde plus grande faveur que celle-là, néantmoins elle suplioit sa majesté de permettre que pour lors elle allast en la sienne: ce qu’elle fit, comme je croys, en intention de se saisir du premier lieu au commancement, et de marcher devant mademoiselle et madame de Rieux; ce qui ne luy fut permis, car encor quelle la mist

iU

en devoir et que les estaficrs qui la menoient eussent asseï durement heurtés la lictière de mademoiselle de Montpensier, si bien mesme qu’elle estoit demeurée la dernière, si est-ce que pour cela elle n’eut pas l’advantage du devant, pour ce qu’après que la revne en fut advertie, elle luy fit dire qu’elle eust esté bien fort aise quand elle eust voulu accepter l’olTre qu’elle luy. avoit premièrement laict et qu’elle luy faisoit encore de nouveau d’entrer avec elle, mais qu’elle dcsiroit aussy que les deux princesses ses cousine fussent préférées à toutes autres en cet endroict. A quoi la comtesse, encores qu’il fust aisé à veoir qu’elle n’eust pas cet advertissement trop agréable, monstra toutefois de recevoir la volonté de la reyne pour commandement, et par ce moyen demeura derrière les autres. Qui est, monseigneur, ce que je puis escrire sur ce qui s’eçt passé à l’entrée de Pampelunc, vous suppliant très-humblement m’avoir pour excusé si je ne vous escris plus particulièrement les propos qui peuvent avoir esté tenus de la reyne à monsieur le duc , cardinal et autres seigneurs, et d’eux, par un mesme moyen, à sa majesté, d’autant que monsieur de Lanssac a esté celuy qui tousjours a porté les parolles, tant d’une part que d’autre; lequel, je m’asseure, ne faudra à vous en rendre fort bon compte par la despérhe qu’il vous envoyé présentement. Et quant à l’entrée d'Olitte et de Tudelle, le présent porteur a charge de vous en dire ce qu'il en a veu, qui me gardera d’adjouster autre chose à la présente, sinon que je suplic le Créateur vous donner.

Monseigneur, en très-parfaicte santé et prospérité , très-bonne , très-heureuse et très-longue vie. Escript à Tudelle, le XVI* jour de janvier i55g.

SOUS FRANÇOIS II