ARTICLES
ADVISEE POUR SIMPLES SOLDATS DE PIED, SOULDOIES DE DELA CODATES, ET AUCUNS CAPPITAINES D’INPANTERTE.
Premièrement :
Que tous souldoiés, gens de pied détenuz d’un cousté et d’autre, tant les Espagnols qui sont ou ont esté aux galères de France, que
SOUS FRANÇOIS II
autres détenuz prisonniers au cousté d’Italie et deçà les monts, soient Espagnols, des pays d’en bas, Bourguignons ou Angloys, et semblablement tous souldoiés François gens de piez détenus prisonniers, se rendront sans avoir regard à ce si d’un cousté ou d’autre il y aura plus grand nombre.
Que ny d’ung cousté ny d’autre lesdits soldats particuliers no paieront les despens : etmesmes ne paieront les François de ceste qualité ce que pour leur vivre ordinaire leur a esté taxé de la part du roy catholique ; mais s’ils ont emprunté argent ou faict plus grands despens que ledit taux, qu’ilz seront tenuz les payer avant que sortir, et ce qu’oultre ledit taux ordinaire ils auront volontairement despendu.
Que, pour objecter les despens voluntaires que lesdits François auront faictz oultre ledit taux, on depputera commissaires de deux coustés : et celluy de la part dudit roy catholique aura auctorité absolue de retrancher tout ce dont soit ou autres pourront avoir
chargé lesdits prisonniers oultre la raison et bonne foy.
Que incontinant et sans dclay ces articles arrcstcz, l’on ouvrira les prisons dudit roy catholique, sans ce que qui ce soit desdits souldoiés se retiengne, ayant satisfait auxdits despens voluntaires, oultre ledit taux dudit sieur roy et auxdits prestz qui leur pourront avoir esté faictz.
Que du cousté du roy de France il sera obligé de rendre les prisonniers du cousté d’Italie, tant cculx qui sont mis aux gallères que autres de la qualité avant dite en la ville de Gennes ou Savona, au choix du duc de Sesse, gouverneur et cappitainc général en Lombardie, en dedans ung mois après cest accord arresté et conclud.
Que pour autant que sa majesté catholique deschargera le roy trèschresticn et ses souldoiés avant, et douera les villes ou places où ils ont esté nourriz des despends de bouche que au taux d’icelle ils ont faict, montans pour la multitude à grand somme : en récompense de ça, de la part dudit roy très-chrestien, se délivreront incontinant et sans payer rançon, satisfaisant seulement iceux à leurs despens raisonnables, ceulx qui s'ensuyvent :
Le cappitaine Montoys, prisonnier à Paris, en la Bastille, prins sur mer;
Le cappitaine Salyvars, prins à Calais, et détenu audit lieu de la Bastille ;
Le cappitaine don Bernardino de Mondoça, prins près de Durlens, détenu en la main de monsieur d’Estrée;
Le cappitaine don Alvaro de Sande et le cappitaine Léon de Bellegardes, prins tous deux près de Casai;
Le portenseigne de don Alonzo de Vargas et le sergent du cappitaine Caldéron , prins tous deux sur mer;
Le portenseigne du maistre de camp Carcères, prins à Guisnes;
Don Jehan Welès, pauvre gentilhomme, aussi prins sur mer;
Et le fils du greffier ou secrétaire de la ville de Gand, lequel estant escolier, retournant des csludes, a esté prins et mené à Laon.
Que pourautant que, dès maintenant, comme dictcst, se ouvriront les prisons du cousté du roi catholique, pour pouvoir sortir d'icelles ceulx qui seront prestz à fournir aux frais extraordinaires et à l’argent qu’ilz auront emprunte; et que du cousté de France l'on aura un mois de terme dans la date dudit accord; et ledit sieur roy de France donnera hostaiges ou respondans et pleisges résidons èspays dudit sieur roy catholique, ou bien en respondront messieurs les conncstable de France et mareschal de Saint-André pour l'accomplissement de la susdite délivrance en dedans ung mois, comme dessus, pour ceulx qui sont aux gallaires ou relenuz ou prins sur mer ou au cousté d’Italie, et prompte relation de ceux qui sont détenuz deçà les monts, cappitaines, portenseignes et autres, comme dessus est faicte mention.
Si icculx sieurs ou autres pleisges reçus veuillent respondre pour les despends voluntaires qui seront liquidés et prestz qui auront esté faietz auxdits soldats particuliers, ceulx qui donneront lesdits sieurs pour respondans sortiront incontinant et sans empêchement, et seront mis à entière délivrance.
SOUS FRANÇOIS II
