LE DUC DE GUISE A M. DE LIMOGES

3l JANVIER B 55g.

An sujet des prisonniers. — Évasion de la Roche Pozay, détenu en Espagne. — Touchant le» juments et étalons qu'il a demandés, et ceux que lui donne le secrétaire Goiualo-Pcrez.

Monsieur de Lymoges, par vostre despesche du pénultiesine du passé, j’ay veu le mémoire que m’avez envoyé touchant nos prisonniers qui sont détenus sur les gallaires du roy d'Espaigne , à l’entreprinse de Tripolly, et la plainte qu’ils font d’aucuns prisonniers qu’ils disent estre retenus ès frontières : à quoy je vous diray i|ue tant s’en faull que cela soit vray, qu’il y a plus de quatre moys qu’on en a ouy parler d’ung seul, et qu’il ne l'ault alléguer cest excuse légière pour couvrir la mauvaise correspondance dont ils nous usent. Dont, pour estre plus certain , j’ay faict escripre partout ès dites frontières, et n’en est non plus nouvelles que de ce qui ne foui jamais. Et pour cela il ne fauldra laisser pour cela de prier le roy d’Espaigne , qui est prince de vertu et équité, d’avoir pityé de ces pauvres gens qui seuls se peuvent dire privés du bénéfice de la paix , et contre toute raison et équité sout tourmentés au lieu de la liberté qui leur est, par le traicté de paix, acquise; mais que nous entendions que leurs gallaires retournent de ladite entreprinse, il sera temps en solliciter vifvemcnt la délivrance, ayant satislfait de notre part à ce que nous dcbvions. Et cependant nous donnerons ordre, quand nous entendrons que leurs gallaires seront arrivées, de faire mettre en liberté ce qui reste sur nos gallaires de mariniers et aultres de leurs subjects.

Quant au faict du sieur de la Roche-Pouzay ', je vous advise, monsieur de Lymoges, que Dieu a eu pitié de luy et luy a donné le moyen d’cschapper de leurs mains, sans estre tyrannisé d’une exces-

1 Voir U note, page a44-

sive rançon, comme Dinaro, qui l’avoit achepté , vouloit faire. Et pour ce il n’cu fauldra plus parler, mais bien advertir son frère qu’il s’est saulvé, et qu'il s’en revienne sans plus vous en rompre la teste. — J’ay veu ce que m'avez cscript du passe-port que le roy catholicque m’a accordé pour vingt jumens, et l’offre que le secrétaire Gonzalo- Perez vous a faicte de vingt jumens qu’il a audit royaume. Sur quoy je vous pricray, en premier, remercyer très-humblement ledit sieur roy, de ma part, du bien et de la courtoisie qu’il luy plaist me faire, et, secondement, ledit Gonzalo-Percz. Et d’aultant que je désire bien ( me faisant ce présent) de l’accomoder de choses de deçà qui soient de la valleur desdites jumens, je vouldrois bien, monsieur de Lymoges, que vous accordissiez cela avec luy, affin de sçavoir la valleur de telle chose, pour ne luy fayre présent qui feust moindre que mériteroit le sien, ni aussy luy bailler chose qu’il n’eust bien agréable , ce dont je vous pryc m’advertir par la première despêche.

Mais d’autant que j’ay jà le nombre desdites vingt jumens qu’on m’a données qui sont dans le royaume, et ne reste qu'avoir la permission de les tirer, il fauldroit qu’il me feist ce bien, estant vous avec luy d’accord de ce qu’il vous semblera que je luy debvray envoyer, de me faire bailler le sauf-conduit pour les quarante, et semblablement pour douze ou quinze cstallons et jeunes chcvaulx, que je supplieray aussi à sa majesté catholicque me permettre de pouvoir recouvrer avec lesdites jumens, lequel sauf-conduit vous m’envoyerez s’il vous plaist parla première occasion. Cependant je vous remercieray de vos chausses, et vous asseureray, monsieur de Lvinogcs, que me trouverez toujours l’un des meilleurs amys que vous ayiez. Priant Dieu, monsieur de Lymoges, vous donner bonne et longue vie. De Bloys, ce dernier jour de janvier 1559.

J’ay faict ouvrir ceste lcctre pour vous dire que j’ay receu le passeport que m’avez envoyé, que je vous renvoyé pour y faire reffaire

cy-dessus pour le nombre de jumens que je demande à

ceux déjà qu’on m’a donné , et fauldra assembler tant cellà que celles que ledit sieur Gonzalo-Perez me donne, et aussi pour les chevaux

SOUS FRANÇOIS 11

tant estallons que aultres, jusque» au nombre de douze. . . .et que vous me renverrez par la première occasion.

Yostre affectioné amy, FRANÇOIS DE LORRAINE.

Au dot : A monsieur de Lyinoges, conseiller, etc.

rOOS ENVOYER