DUBOYS

Mon frère, je vous ay par plusieurs fois escrit et envoyé Paris et Bourdin pour diligenter et haster mon affaire là où git mon bien et honneur, sauvement de mon royaume de France et de Naples et de tous les gens de bien que je y ai laissé. Toutefois je n'ay point encor de nouvelles que l'argent soit en chemin, et ne pourrois penser que les gens de mes finances me laissassent

en ce danger et déshonneur; et, pour ce, je vous envoyé derechef mon fourrier Bazoges, en poste, à ce que l'envoyés par poste devers les(Uts généraux, pour sçavoir à quoy il tient et pour sçavoir ce dont vient la faute ; car, si je ne suis secouru de la somme et au temps que je l'ay tousjours escrit, considéré mon si urgent et grand affaire, oia il va du corps, des biens et honneur, je leur doneray à conoistre par effect que j'ay esté mal servy, et aussy, à celuy ou ceux qui auront fait leur devoir, je le recognoistray, afin que les autres y prennent exemple, et à ce qu'ilz voyent à l'œil mon affaire. Et aussy, pour dresser mes états de cette présente année, je leur ay escrit et derechef mandé par ce porteur que, toutes excusations cessantes, ilz viennent devers moy ; et ilz cognoistront que je n'ay rien escrit sans grande cause, juste et raisonable, pour le bien de moy et de mes royaumes, pays et terres, et considérants bien peu que c'est que d'avoir sur les bras vingt cinq mille Souisses sans avoir argent pour les payer; et s'ilzy estoient, ilz seroient bien estonnés. Je ne suis pas icy pour mon plaisir, mais seulement pour éviter la guerre et dépenses de mon royaume de France, et mettre en seureté mondit royaume de Naples et mesdits bons serviteurs que je y ay laissé, et me semble bien que, là où j'ay mis et mets ma persone en danger et tant de gens de bien que j'ay avec moy, et estrangers qui libéralement me viennent servir, que les gens de mes finances et autres mes bons serviteurs ne doivent laisser tomber la compagnie en inconvénient. Et a esté force, jusques à ce qu'on m'ayt envoyé l'argent que j'ay escrit, que j'aye envoyé par les villes et bones maisons d'icy en tour emprunter à grand intérest et honte ce qu'on pourra finer attendant la venue de l'argent que j'ay tousjours escrit que l'on m'envoye ; et si ce ne sera pas grand chose, car à peine pourray je bailler ausditz Souisses un franc ou un franc et demy, et, par ce moyen, pas une grande réputation, dont mes ennemis seront joyeux à grands merveilles, et mes bons amys et serviteurs en sont dolants ; et pourroit estre que ce seroit diminution d'un bon et .grand vouloir qu'ilz ont devers moy, dont je n'ay pas besoin. Et ladite faute a esté et sera un dommage irréparable, car j'eusse vuidé, à l'ayde de Dieu, mon affaire au mois de septembre, ou, par faute de payment, me doute qu'il me conviendra payer lesdits Souisses d'un mois d'avantage, à cause dudit retardement et faute dudit payment dessusdit. Je vous asseure, mon frère, que, si mesdits gens des finances estoient au jugement de ceux qui voyent à présent mon affaire, leur opinion et sentiment ne seroit par bone pour eux ; et faut dire vérité que je ne m'en puis con-

tenter, et monstrent bien qu'ilz ne monstrent pas grande estime de ma persone et affaires, ne de mon royaume, car, comme vous ay escrit, j'ay treuvé par conseil qu'il vaut mieux faire la despense bone en un mois, que de la traisner tout l'hyver et plus avant, qui seroit une perdition de gens, d'argent, et évacuation d'iceluy. Mon frère, je vous prie que à cet affaire ne me veuilles oublier, et y faittes faire tout ce qui sera nécessaire, sans rien y espargncr, et que, jour et nuict, toutes choses laissées, je sois secouru. Et adieu, mon frère, qui vous ait çn sa sainte garde. Escrit à Turin, le dixiesme jour de septembre.

CHARLES

DuBOYS.

(Copies du xvn" siècle. — Bibliothèque nationale, ras. fr. 39-2i.)

xvn.

Rouen, 18 septembre 1495.

Mandement pour la levée d'une aide extraordinaire ^ .

A tous ceulx qui ces lectres verront, les esleuz pour le roy nostre sire en l'élection d'Arqués sur le fait des aides ordonnez pour la guerre. Salut. Savoir faisons que, aujourduy vingtsixiesme jour de septembre, l'an mil mic xn^x et quinze, avons veu, tenu et leu mot après mot ung mandement donné à Rouen, de messieurs les commissaires deléguéez pour les troys estats du pays et duchié de Normendie, scellé en cire vermeil en six placquetz en la marge d'en bas dudit mandement, et signé, le tout sain et entier, duquel la teneur ensuit : « Les commissaires ordonnez par le roy nostre sire pour mectre sus et imposer es pays et duchié de Normendie, élection d'Alençon, conté du Perche, prévosté de Chaumont et acroissement de Maigny, conprins Ponthoise, les deniers de l'octroy, tant pour le paiement des gens de guerre dudit seigneur que autres ses affaires, pour l'année advenir commençant le premier jour prouchainement venant, aux esleuz sur le fait des aides ordonnez

1. Un document du même genre, mais daté du 5 février 1496, a été imprimé par M"'= Dupont dans les Preuves des Mémoires de Commynes, tome III, p. 425-432.

276 ETIENIVE DE VESC

pour la guerre en l'élection de Arques, ou à leurs commis, Salut. Gomme puis naguères, grâces et louenges à Dieu nostre créateur, le roi nostredit seigneur ait recouvert en personne et mis en son obéissance son royaume de Napples, qui par long temps a esté injustement occuppé par ceulx de la maison d'Arragon, en faisant lequel recouvrement luy a convenu faire et supporter une très grande despence, ainsi que chascun peult considérer, et, pour y fournir, afBn de souUager son peuple, ait engaigé plusieurs beaux membres de son dommaine et employé par erapruncts grant nombre de ses officiers; et est advenu que, à son retour de sondit royaume de Napples, plusieurs ses adversaires qu'il tenoit pour ses aniys et ausquelz il n'avoit chose dont il deussent estre mal contons, ont conspiré contre luy de le grever et endommager, tendant par tous moyens à eulx possibles saisir sa personne, affin d'empescher sondit retour; et, pour mectre à exécution la mauvaise et dannable entreprinse, ledit seigneur les a rencontrez en camp près du lieu de Fornoue en la Lombardie, jusques au nombre de cinquante mil combatans et plus, qui sont venuz furieusement assalir iceluy seigneur, luy bailler et présenter la bataille le sixiesme jour de juillet derrain passé ; maiz, moiennant l'ayde de Dieu, icelluy seigneur y a procédé par si bonne résistence, que le champ luy est demouré et ladite bataille gaignée pour luy, en laquelle sesdits adversaires ont perdu plus de quatre mille huit cens hommes de guerre, et des siens ne s'en est trouvé à dire que soixante hommes ou environ ; et voyans sesdits ennemys que, mal gré eulx et nonobstant leursdites dampnéez entreprinses, icelluy seigneur et sadite armée estoient passéez et venuz jusques au pays d'Ast, se sont joinctz avec le seigneur Ludovic, soy disant duc de Millan, qui tenoit monseigneur le duc d'Orléans estroictement assiégé, lequel le roy nostredit seigneur avoit lieu sur la frontière des Ytallies pour l'atendre, et, se mestier eust esté, secourir sadite armée, tendant les adversaires endommenger et prendre mons'' d'Orléans et les pays de Savoye et de Pymont, et grever tous les amys du roy nostredit seigneur; pour résister ausquelles entreprinses icelluy seigneur a esté conseeillé soy tenir pour ung temps èsdits pays d'Ast et de Pymont, pour mieulx faire conduire le fais de sadite armée ; autrement, s'en feust peu et pourra ensuir à icelluy seigneur et sesdits royaumes, et à tous sesdits amys des marches circonvoisines, inconvéniens si grans qu'ilz eussent esté et seroient irréparables ; et a ledit seigneur ferme espérance en Dieu nostre créateur que en brief il en vendra à

SÉNÉCHAL DE BEACCAIRE. 277

son honneur. Pour occasions desquelles choses, et aussi de l'entretènement de certain grant nombre de gens de guerre à pyé et à cheval que ledit seigneur a esté contrainct mectre sus et faire venir de divers lieux, tant pour le rentlbrt de l'armée de mondit seigneur d'Orléans que pour la garde et seureté de plusieurs villes et places de cedit royaume estans sur les frontières des pays de Bourgongne , Picardye , Champaigne , Lenguedoc et Guyenne, èsquelles, pour obvier à tous inconvéniens, ledit seigneur a esté conseillé les y mectre et estabUr ou lieu de ceulx de ses ordonnances et autres qu'il a mandez et fait venir devers luy pour le renffort de sadite armée et pourveoir à la seurecté de sesdits pays, et pareillement pour fournir à l'entretènement de son estât et aux autres immunérables despences. Et combien que, pour fournir et satisfaire à icelles, fut très nécessaire imposer sur sesdicts subgectz, ladicte année prouchaine, trop plus grant somme de deniers que fait n"a esté ceste présente année, néantmoins, pour le désir que ledit seigneur a aussoulaigement de son peuple, qui tousjours a esté prest de luy subvenir et aider libérallement en tous sesdits affaires, il a délibéré soy passer à présent de semblable somme qui a esté mise sus et imposée cestedite année en cedit royaume. Toutesvoyes, pour ce que icelluy seigneur ne pourra fournir à cestuy son présent et urgent affaire, est de neccessité soy aider par forme d'avance de certaine grant somme de deniers aux termes cy aprez déclairez, sur et tant moins de Timpost de ladite année prouchaine , pour promptement subvenir à sondit présent affaire, et aussi pour satisfier et fournir aux grans charges et assignacions qu'il a esté besoing faire assigner et appoincter pour sesdits autres affaires de cestedite présente année, a convenu soy ayder de plus de la tierce partie du dit impost d'icelle année prouchaine, ainsi que l'année précédente. Pour laquelle cause, en ensuivant ladite délibéracion, le roy nostredit seigneur, par ses lectres patentes données à Guier en Pymont, le vingt huictiesme jour de juillet l'an mil cccc nn^ quinze derrain passé, nous a mandé, commis et ordonné mectre sus, asseoir et imposer en et partout lesdits pays et duchié de Normendie, élection d'Alençon, conté du Perche, prévosté de Ghaumont et acroissement de Maigny, conprins Ponthuise, pour ladite année advenir commençant ledit premier jour de janvier prouchainement venant, la somme de cinq cens soixante deux mil deux cens trente troys livres dix solz tournois : c'est assavoir, pour le principal cinq cens cinquante cinq mil sept cens trente unes livres dix sols tour-

278 ETIEJNNE DE VESC

nois, et six mil cinq cens deux livres tournois pour les tauxacions des esleuz, greffiers, et gaiges des receveurs desdits deniers, sauf toutesvoyes à déduire et rabatre sur ce la somme de trente mil livres tournois dont icelluy seigneur a fait rabbatz et modéracion aux contributifs dudit pays , par chascun an, sur leur porcion de la taille, à cause de la resserche; et par ainsi reste et demeure seullement cinq cens trente deux mil deux cens trente troys livres dix solz tournois, ainsi que fait a esté cestedite présente année, comme ces choses et autres sont plus à plain déclairez èsdites lettres, et que bien au long a esté dit et remonstré de par ledit seigneur à la convencion et assemblée des gens des troys estais dudit pays et duchié de Normendie tenue à Rouen, par l'ordonnance dudit seigneur, ce présent moys de septembre. Laquelle somme, etc. Donné à Rouen, soubz noz signez, le dix huitiesme jour de septembre, l'an mil mic nn^x et

quinze. Ainsi signé : P. Charbonnier. »

(Original sur parchemin. — Bibliothèque nationale, Quittances, vol. 113, n» 1098.)

xvni.

Naples, 4 octobre 1495.

Capilulation du Château- Neuf de Naples '.

Chapitres faits entre domp Fer r and, soy disant roy de Sicile, d'une part, et Gilibert de Bourbon, viccaire et lieutenant général du très chrestien roy de France, soy disant roy de Sicile et Jérusalem :

Premièrement, ledit comte de Montpensier envoyera devers le roy deux hommes par terre et deux autres par mer, sur une gallère, deux en Galabre, deux en la Pullye, et deux autres en la Brusse, pour les informer de ce présent traictié et de leur estât, et le roy Ferrand leur fera bailler seureté et sauf conduit.

Si, dedans deux mois commenceans lundy prouchain et iinissans le sixiesme du prouchain moys de décembre, secours ou exercite vient par terre ou par mer, ledit comte de Montpensier ne sera en riens tenu, et les ottaiges relaschiez.

Et faut que l'exercite qui viendra soit tel qu'il puisse teuir camp devant et auprès de la cité de Naples, à ung ou deux myles par deux jours naturelz.