Corbeil

— io6 —

la mer, confessons avoir receu de maistre Nicolas Erlaut, trésorier et receveur gênerai des finances du Roy nostre dit seigneur ou pays de Languedoc, la somme de mille livres tournois que le Roy nostre dit seigneur nous a ordonnée ceste présente année sur nM 1. t. que nous soûlions prandre chacun an de pension par an. De laquelle somme de m 1. t. nous nous tenons pour contens et en quictons ledit trésorier et tous autres. Tesmoing ces présentes signées de nostre main et seellées de notre seel cy mis, le vme jour de may l'an mil CCCC soixante et six.

(Signé) Henry.

(Bibl. nat. Pièces originales 421, cote 9495. Parchemin original.)

(voir page 30)

26 mars 1475 (1476)

Lettres de rémission accordées par Louis XI a Hector de Lescluse.

Loys, par la grâce de Dieu Roy de France, savoir faisons à tous presens et avenir nous avoir receue l'umble supplicacion de Hector de Lescluse, escuier, contenant que, par aucun temps, il a servy feu Loys de Luxembourg, en son vivant connestable de France, et jusques à la prinse qui fu faicte de sa personne, ou service duquel et par son commandement il a fait plusieurs voyages pardevers les seigneurs de nostre Royaume et autres, tant alencontre de nous que autrement. Et mesmement, environ les Roys eust ung an, dont du jour il n'est recors, icelluy suppliant, par le commandement et ordonnance dudit de Luxembourg, son maistre, ala devers le duc de Bourgongne, estant lors devant Nuz1, lui dire de bouche depar ledit de Luxembourg que, s'il vouloit asseurer icellui de Luxembourg de n'avoir nul appoinctement à nous, que icellui de Luxembourg ne fut comprins en son estât, il promectroit audit duc de Bourgongne de ne lui faire guerre, ains- lui aideroit à saulver ses pays tant et si avant que son honneur se pourroit estendre, et, avec ce, que se icellui duc de Bourgongne vouloit entendre à la paix finale du Royaume, il le feroit Régent de France, pourveu toutes-