Neuss ou Nuys. — 2. Mais

voyes qu'il aideroit à garder et entretenir lesdits seigneurs de nostredit Rovaume en leurs droiz et prérogatives et mectroit sa puissance à dresser ce qui alloit mal, et plusieurs autres choses touchant ceste matière et ses deppendances lui avoit ledit suppliant chargé de dire depar ledit de Luxembourg, lequel point ledit duc de Bourgongne accepta et, pour ce acomplir, fut envoyé par lui devers ledit de Luxembourg, estant lors à Han £, deux chevaliers de Bourgongne, c'est assavoir Philippes Pot et Philippes Bouton, lesquelz, quinze jours après ladite conclusion prinse, arrivèrent aud. lieu de Han, environ entre unze et douze heures de nuyt, à laquelle heure icellui de Luxembourg, en la présence dudit suppliant et d'un sien secrétaire nommé Jehan Senne, bailla ausdits chevaliers de Bourgongne son seellé, promectant tenir l'appoinctement qui avoit esté fait par lesdicts duc de Bourgongne et le suppliant. Et, à ceste mesme heure, fut conclud par ledit de Luxembourg que ledit suppliant se tireroit par devers ledit duc de Bourgongne, audit lieu de Nuz, pour avoir de lui seureté et sauf conduit de passer par ses pays pour s'en aller à Genesve, auquel lieu aucuns des seigneurs de nostre dit Royaume et autres se dévoient trouver pour mectre a execucion l'entreprinse dessusdite, laquelle chose ledit suppliant fist et se y employa à son povoir, comme il avoit charge desdits duc de Bourgongne et de Luxembourg. Et qui plus est s'est icellui suppliant plusieurs foiz trouvé en daucuns lieux esquelz icellui de Luxembourg tenoit son conseil ouquel conseil on machinoit comment ilz pourroient avoir la destruction de nous et de noz gens d'armes. Et, combien que, de droit et raison, il nous deust avoir révélées les choses dessus dites en ce qu'il estoit nostre subgect et à noz gaiges et avoit le serement à nous, neantmoins aucune revelacion ne nous fust par luy faicte des choses dessusdites. A l'occasion desquelz cas et choses il doubte que, en temps avenir, aucune lui en fut imputée ou demandée, en nous requérant humblement que, actendu que ce qu'il a fait a esté fait par le commandement de sondit maistre et que d'ores en avant il a entencion d'estre bon et loyal envers nous, il nous plaise sur ce lui impartir nostre grâce. Pourquoy nous, les choses dessus dites considérées, mesmement que ledit suppliant, lequel s'estoit absenté, à l'occasion des choses dessusdites, hors de nostre Royaume et que en icellui il s'est retourné et venu pardevers nous à nostre mandement et nous a adverti de ce que dit est, à icellui, pour ces

Ham.

causes et autres à ce nous mouvans, avons quicté, remis, pardonné et aboly et, par la teneur de ces présentes, de grâce especial, plaine puissance et auctorité Royal, quictons, pardonnons, remectons et abolissons les cas et crimes dessusdits, e.i quelque forma et manière qu'il les ait envers nous commis et perpétrez, ensemble tons autres cas qu'il pourroit avoir faiz par cy devant jusques aujourduy alencontre de nous, de nostre auctorité et magesté Royal, post ores que en cesdites présentes n'en soit faicte aucune declaracion, avec toute l'offence, peine et amende corporelle, criminelle et civile, en quoy, pour occasion des choses dessusdites, il pourroit estre encouru envers nous, et l'avons restitué et restituons à ses bonne famé et renommée au pays et par tout ailleurs en nostre Royaume, et à ses biens non confisquez, en imposant scilence perpétuel à nostre procureur présent et avenir et à tous autres. Si donnons en mandement par cesdites présentes à nos amez et feaulx conseillers les gens tenans et qui tiendront nostre parlement, aux prevost de Paris, bailliz de Yermandoiz et d'Amiens et à tous noz autres justiciers, etc. Donné à Lyon sur le Rosne, le xxvie jour de mars l'an de grâce IIIIC LXXV avant pasques et de nostre Règne le quinziesme. Par le Roy les srs d'Argenton, de Montaigu, du Bouchage et autres presens. Parent. Visa contentor Duban. [Arch. mit. Trésor des Chartes du Roi. }). 204, n° 3S.)

(voir page 29)

20 juin 1476 Quittance d'une année de sa pension* par Hector de Lescluse

En la présence de moy Adam Roland, notaire et secrétaire du Roy nostre sire, Hector de Lescluse a confessé avoir heu et receu de maistre Anthoine Bavard, aussi notaire et secrétaire dudit seigneur et receveur gênerai de ses finances ou pays de Languedoc, de (sic) la somme de mil livres tournois, laquelle ledit seigneur luy a donnée et ordonnée pour sa pension de ceste présente année et d'icelle somme de mil livres tournois s'est tenu pour content et bien poyé et en a quicté ledit receveur gênerai et tous autres. Tesmoing mon seing manuel cy mis, à la requeste dudit de Lescluse, le xxe jour de juin mil CCCC soixante seze.

A. Rolant.

(Bibl. Nat. Pièces originales, reg. 1691, cote 39389. Parchemin original.)

(voir pages 28 et 48)

Avril 1477

Louis XI donne la baronnie de la Bove a Hector de Lescluse son ëcuyer d'écurie

Louis, par la grâce de Dieu Roy de France, sçavoir faisons à tous presens et advenir que, pour considération d'aucuns grands, agréables et recommandables services que nous a fait par cy devant nostre amé et féal escuyer d'escurie Hector de

1 Ecluse, tait et continue chacun jour ou t'ait de nos guerres et autrement et espérons que plus face ou temps avenir, voulans a cette cause l'en rémunérer, à icelluy, pour ces causes et autres à ce nous mouvans, de nostre certaine science, propre mouvement, grâce especial, plaine puissance et autorité royalle, avons donné, ceddé, quitté, transporté et délaissé, donnons, ceddons, quittons, transportons et délaissons, par ces présentes, pour luv, ses hoirs masles et femelles, descendais de son corps en loyal mariage, les baronnie, ville, chastel, chastellenie, terre et seigneurie de la Bove scituée et assise ou pays de Lannois, avecq toutes et chacunes ses appartenances et dépendances quelsconques, ainsy qu'elles se comportent et estendent, qui furent et appartindrent à Philipp3 de Croy, escheues par confiscation, parce que depuis naguieres icelluy de Croy est de présent demourant et tenant partv à nous contraire, portant et favorisant nos ennemis et adversaires allencontre de nous, de tout son pouvoir, à quelque valleur et estimation que ladite terre et seigneurie de la Bove et ses appartenances soyent et puissent estre, avecq tout tel droit, nom, raison et action qui nous y peut et pourra competer et appartenir à la cause dessus dite, tant en justice, jurisdiction haute, moyenne et basse, droits, prérogatives, honneurs, preheminences de seigneurie mère et mixte impere, honneurs, hommaiges, fiefs, arriéres fiefs, manoirs, maisons, cens, rentes, revenus, bois, forestz, hâves, buissons, garennes, prez, herbaiges, terres labourables, rivières, estangs, viviers, pescheries, fours, moulins, lots, ventes, rachapts, reliefs, quints, arrière quints, amendes, forfaitures, aubenaiges, espaves vives et mortes, droits et debvoirs de guets et garde, peaiges, travers, truaiges et coustume, patronnage d'église, collations, nominations, présentations et autres quelsconques dispositions de bénéfices que autrement, en quelque manière que ce soit, pour les avoir, tenir et posséder par

ledit Hector de l'Ecluse et ses dits hoirs maies et femelles, descendans de luy, et en faire et disposer comme de leur propre chose et héritage, sans aucune chose y reserver à nous ne à nos successeurs Roys de France, fors seullement les foy et hommaiges liges, ressort et souveraineté, en faisant et payant par ledit de l'Ecluse et ses dits hoirs les droits et debvoirs anciens et accoustumez quant, à qui et ainsy qu'il appartiendra, s'aucuns en sont deus. Si donnons en mandement par ces dites présentes à nos ainez et feaulx conseillers les gens de nostre cour de Parlement, de nos Comptes et trésoriers à Paris, au bailly de Vermandois et à tous nos autres justiciers et officiers ou à leurs lieutenans, presens et avenir, et à chascun d'eux, sicomme à luy appartiendra, que, s'il leur est apparu ou apert ladite baronnie, terre et seigneurie de la Bove et ses dites appartenances nous competer et appartenir par confiscation, à la cause dessus dite, appelez pour ce ceux qui seront à appeler, les solemnitez de justice sur tout gardées et observées, ils, en ce cas, baillent et délivrent ou lacent bailler et délivrer reaument et de fait la possession et saisine de la dite baronnie, terre et seigneurie de la Bove et de ses dites appartenances, deppendances et appendances, et d'icelle le facent, souffrent et laissent, luy et ses dits hoirs masles et femelles, descendans de son corps en loyal mariage, joyr et user plainement et paisiblement et perpétuellement, sans leur faire ne souffrir estre fait aucun destourbier ou empeschement au contraire, et par raportant lesdites présentes signées de nostre main ou vidimes d'icelles et reconnoissance sur ce suffisante dudit Hector de l'Escluse, pour une fois seullement, nous voulons celuy ou ceulx de nos receveurs ordinaires et tous autres qu'il appartiendra en estre tenus quittes et deschargez par nos dites gens des Comptes et partout ailleurs où il appartiendra, sans aucune difficulté, nonobstant que l'on voulsisse dire ladite baronnie, terre et seigneurie de la Bove et ses dites appartenances debvoir estre appliquées, jointes et unies à nostre domaine, qu'elle ne soit cy ne pareillement la valleur et estimation d'icelle autrement declairée, que descharge n'en soit faite par nostre trésor, et quelconques autres statuts et ordonnances faites par nous et nos dits prédécesseurs Roys de France, restrictions, mandemens ou deffences à ce contraires, et, afin que ce soit chose ferme et stable à tousjours, nous avons fait mettre nostre scel à ces dites présentes, sauf en autres choses nostre droit et l'autruy en toutes. Donné à Hesdin, ou mois d'avril l'an de grâce mil quatre cent soixante et dix sept et de nostre règne le seiziesme. Ainsy signé Loys. Par le Roy le sieur de

Montagu et autres presens. Picot. Visa, lecta, publicata et registrata pro gaudendo per Hectorem de l'Escluse, se in albo Dominatum. per se et suos heredes masculos et de legitimo m îtri.nonio procreatos et procreandos, terris et dominiis in dicto aibo declaratis, juribus patronatus et collationibus regiis, necnon homagiis feodorum et denariis propter hoc debitis, si quoe sint exceptis. Actum in parlamento, décima tertia feburarii (sic) millesinio quatercentesimo septuagesimo septimo '. Brunat. Etiam lecta, publicata et registrata in Caméra Compotorum Domini nostri Régis, Parisius, die décima sexta feburarii (sic) anno Domini millesimo quatercentesimo septuagesimo septimo. Le Blanc.

(Archives Nationales. Reg. P. 2300, p. 281. Mémoriaux Je la Chambre des Comptes. Copie du XVIIIe siècle.)

(voir page 48)

8 juillet 1477

LOUIS XI DONNE A HECTOR DE LeSCLUSE, SON ÉCUYER d'ÉCURIE, LES SEIGNEURIES DE MoNTCHALONS, DE BOUCONVILLE, d'OrGEVAL, DE

Mauregny, de Ville-sur-Tourbe, d'Elize, de Saint-Loup-aux- Bois et de Tour-sur-Marne.

Louis, par la grâce de Dieu Roy de France, à nos amez et feaulx conseillers les gens de nostre cour de Parlement, de nos Comptes et trésoriers à Paris, aux baillifs de Vermandois et de Victry et à tous nos autres justitiers et officiers ou à leurs lieutenans salut et dilection. De la partie de nostre amé et féal escuyer d'escurie Hector de l'Escluse nous a esté exposé que, par nos lettres patentes en forme de Chartres auxquelles ces présentes sont attachées sous le contrescel de nostre chancellerie, et pour les causes contenues en icelles, nous luy avons donné les baronnie, ville, chastel, chastellenie, terre et seigneurie de la Bove, située et assise au pays de Lannois, avecq toutes et chascunes ses appartenances et appendances quelsconques, ainsy qu'elles se comportent et estendent, qui furent et appartindre[nt] à Philippe de Croy, chevalier, à nous advenue et escheue par confiscation et, pour ce qu'en nos dites lettres n'est faite mention que desdites

r. En réalité 13 févr. 1478.

baronnie, ville, chastel, chastellenie, terre et seigneurie de la Bove, avecq toutes et chascunes ses appartenances et appendances, sans faire déclaration des chastellenies, terres et seigneuries, dont ledit Philippe de Croy et ses prédécesseurs, seigneurs da la Bove, ont tousjours joy et possédé, c'est assavoir des terres, chastellenies et seigneuries de Montchardeon l, Bouconville, Orgeval, Bievres et Embigny2, tenus en fief de l'evesque de Laon, la seigneurie et revenue de Morigny3 estans ou baillage de Vermandois, la terre et seigneurie de Ville sur Tourbe, Elize, Saint Leu au bois ', le CLastellier de Meuziere, Tour sur Marne, appartenances et dependences d'icelles, estans ou baillage de Yitry, et avecques ce toutes les debtes, rentes et arreraiges que, acause des dittes terres et seigneuries, nous peuvent et pourroient compacter et appartenir, à la cause dessus dite, icelluy exposant a doubté et doubte que, en luy entérinant nos dites le:tres, vous voulsissiez faire difficulté de les y comprendre, mais seulement y déclarer les dits chastel, terre et seigneurie dessus declairées, sicomme il dit, requérant sur ce notre provision, pourquoy nous, ces choses dessus dites considérées, qui sommes bien recors et memoratifs du don par nous fait audit suppliant et des causes qui nous meurent à le faire, qui est en effet pour rémunération et reconnoissance des grans services par lui à nous faits et espérons que encores plus face ou temps avenir, Vous mandons, commandons et enjoignons, en commettant, se mestier est, et à chascun de vous, sicomme à luy appartiendra, que, en ensuivant nostre dit don à lui fait et en mettant nos autres lettres dessus transcriptes et celles de vous gens de nos diz Comptes sur ce obtenues par ledit exposant à exécution deue, selon leur forme et teneur, vous faites icelluy exposant joyr et user des dites terres et seigneuries, rentes et revenus, cy dessus declairez, ensemble de toutes les appartenances et appendances d'icelles et aussy des arreraiges qui sont et peuvent estre deus acause d'icelles, tout ainsy et par la manière que, en nos dites autres lettres dessus transcrittes, elles eussent esté nommément et declarativement speciffiées, car nostre vouloir, plaisir et entention estoient, au temps de nostre dit don, que ledit exposant joisse des dites terres et seigneuries dessus declairées, et ainsy l'avons declairé et declairons par ces présentes, en procédant par vous et chacun de vous, sicomme à lui appartiendra, à l'exécution de nos dites autres lettres de don

i. Montchâlons. — 2. Aubigny. — 3. Mauregny. — 4. Saint-Loup-aux- Bois. "

— ii3 —

et de ces présentes, de point en point, selon leur forme et teneur. Et, pour ce que ledit exposant dit que, pour procéder à l'exécution et entérinement dudit don, conviendra faire plusieurs adjournemens, exploits et significations en divers lieux où l'en peut et pourra avoir seur acies, Nous voulons que lesdits adjournemens, exploits et significations qui seront faites par cry publique de somp de trompe, en et sur les lieux des dites villes, terres et seigneuries dessus desclairées, aux personnes des procureurs et entremetteurs des besongnes et affaires dudit Philippe de Croy pour le temps qui les tenoit et occupoit, et aussy aux plus prouchaines bonnes villes de nostre royaume des lieux où il avoit et accoustumé de soy tenir, soient d'autel ' effet et valleur, et lesquels nous' autorisons comme se faits avoient e>té aux personnes dudit Philippe de Croy ou d'autres à qui ce peut toucher, car ainsi le voulons et nous plaist estre fait, non obstant quelconques lettres subreptices impetrées ou à impetrer. Donné à Arras, le huitiesme jour de juillet l'an de grâce mil quatre cens soixante et dix sept et de nostie règne le dix septième. Ainsy signé : par le Roy Picot. Lecta, publicata et registrata pro gaudendo per Hectorem de l'Escluse, se in albo nominatum, per se et suos heredos masculos et de legitimo matrimonio procreatos, terris et dominiis in dicto albo declaratis, juribus patronatus et collalionibus regiis. necnon homagiis feodorum et deveriis propter hoc debitis, si que sint exceptis. Actum in pirlamento, décima tertia feburarii (sic) millesimo quatercentesimo septuagesimo septimo i. Brunat. Etiam lecta, publicata et registrata in Caméra compotorum domini nostri Régis, Parisius, die décima sexta feburarii anno Domini millesimo quatercentesimo septuagesimo septimo. Le Blanc.

Collationé par nous conseiller maitre à ce commis.