XXXII

(voir page 56)

12 juillet 1675

Foi et Hommage de la seigneurie de la Bove rendue au Roi par Augustin d'Ausbourg.

Les présidents trésoriers de France, généraux des finances et grandz voyers en la généralité de Soissons, sur la requeste présentée par messire Augustin d'Ausbourg, chevalier, seigneur de Proisy et autres lieux, contenant que, par le decedz de dame Françoise de Proisy, sa mère, vivante femme de messire Denis d'Ausbourg, seigneur marquis de Villembray, et par celuy de François d'Ausbourg, son frère, et par la profession en religion de Catherine et Jeanne Françoise d'Ausbourg, ses sœurs, la terre et seigneurie de la Bove, relevant du Roy à cause de sa grosse tour de Laon, luy est escheue et à Claude d'Ausbourg, son frère puisné, à cause de quoy il desireroit, tant pour luy que pour sondict frère, en rendre les foy et hommages par eux deubz, ce qu'il auroit desjà faict s'il n'eust esté obligé d'aller à l'arriereban, depuis lequel temps il luy a esté impossible de se rendre en cette ville, et comme Sauvrezier, notre huissier, a, en vertu de notre ordonnance, procédé par voye de saisie de la dicte terre, il requeroit qu'il nous pleust le recevoir à faire les foy et hommages de ladicte terre et seigneurie de la Bove, tant pour luy que pour ledict Claude d'Ausbourg, son frère, et en conséquence luy donner mainlevée de ladicte saisie, veu ladicte requeste, nous, ouy le procureur du Roy et de son consentement, avons ordonné que ledict suppléant sera receu, tant pour luy que pour ledict Claude d'Ausbourg, son frère, aux foys et hommages deubz au Roy, à cause de sa grosse tour de Laon, pour ladicte terre et seigneurie de la Bove, à eux escheue comme dessus, et, à l'instant entré dans le bureau, il a faict lesdictes foy et hommages et en a preste le serment en tel cas requis et accoustumé et y a esté receu, à la charge d'en fournir l'adveu et dénombrement dans le temps de la coutume et de paier les droietz deubz à Sa Majesté suivant la liquidation qui en sera par nous faicte au désir des arrestz du Conseil, pour laquelle faire sera tenu de nous four-