C. Buatier

Au dos Je cet acte est écrit : Expeditum die ima septembris anno Domini M° Ve XXVI.

(Archives Witionalcs. P. is, n° 5570. Parchemin original.)

(voir page 52)

Mai 1553

Lettres royaux portant création d'un marché et d'une foire a bouconville, en faveur de louis de proisy, iie du nom, baron de la bove et sire de bouconville.

Henry, [par la grâce de Dieu roy de France], à tous presens et advenir salut. Sçavoir faisons que nous, inclinans à la supplicacion et requeste que faicte nous a esté de la part de nostre amé et féal Loys de Proyzis, s1' de Bouconville, cappitaine et gouverneur de la ville et chasteau de Guyse, en faveur et consideracion des bons et agréables et recommandables services qu'il a par cydevant faietz au feu Roy nostre treshonnoré seigneur et père que Dieu absoille, au faict des guerres et à nous depuys nostre advenement à la couronne et mesmement à la garde et defence de ladicte place qui est de telle importance que chacun sçait, et autres plusieurs manières.

— i ie> —

et que espérons qu'il fera cy après, pour ces causes et autres à ce nous mouvans, avons, pour le bien, prouffict et utillité tant dudict Proyzis que des habitans dudict lieu et de la chose publicque du pays d'environ, créé, ordonné et estably et, par ces présentes, créons, ordonnons et establissons audict villaige et sric de Bouconville ung marché au jour de mardy de chacune sepmaine de l'an, ensemble une foire par chacun an le lendemain de la my aoust, pour y estre lesdicts marché et foire doresnavant, à tousjours, perpétuellement tenuz, entretenuz et continuez. Voulions et nous plaist que en iceulx foire et marché tous marchans puissent aller, venir, séjourner, vendre, trocquer et eschanger toutes manières de marchandises licites et honnestes et qu'ilz joissent et usent de tous telz droictz, previlleges, franchises et libertez que on a acoustumé de faire es autres foires et marchez de nostre Royaume, pourveu toutesfois que, à quatre lieues à la ronde d'icelluy lieu et villaige, n'y ait autres foires et marchez es jours cydessus déterminez. Si donnons en mandement au bailly de Vermandois ou son lieutenant et à tous noz autres justiciers et officiers presens et advenir et à chacun d'eulx, sicomme à luy apartiendra, que de noz presentz création et establissement desdicts foire et marché ilz facenr, souffrent et laissent ledict de Proyzis et ses successeurs, s1'* dudict Bouconville, ensemble les marchans allans, venans et frequentans iceulx foires et marché, joir et user plainement et paisiblement, les faisant crier, signiffier et publier es lieux circonvoisins et ailleurs, où et ainsi qu'il apartiendra, et, pour lesdicts foire et marché tenir et continuer, permectent audict suppliant, auquel nous avons permis et octroyé, de grâce specialle, par ces présentes, faire construire en tel lieu et endroit d'icelluy villaige qu'il verra estre à propoz halles, bancz, estaulx et autres choses nécessaires, sans en ce luy faire ne donner ne souffrir luy estre faict, mys aucuns destourbiers ou empeschemens au contraire, lesquelz, si faictz, mys ou donnez luy estoient, les mectent et reparent ou facent îeparer et mectre incontinant et sans delay aplaine délivrance et au premier estât et deu. Car tel est nostre plaisir. Nonobstant quelconques ordonnances, restrictions, mandemens et defences à ce contraires. Et affin [que ce soit chose ferme et stable à tousjours, nous avons faict mectre nostre scel à ces dictes présentes], sauf [en autres choses nostre droict et l'aultruy en toutes]. Donné à Paris ou moys de may l'an de grâce mil cinq cens cinquante trois et de nostre règne le septiesme. Ainsi signé : par le Roy maistre Martin Fumée, maistre des requestes ordinaire de l'hostel,

— ii7 —

présent. Burgensis. Visa contentor, et scellé de cire vert. (Arc/i. Nat. JJ. 262, n° 193, i° 158. Trésor des Chartes du Roi.)