DERNIER ENTRETIEN DE LA VIERGE ET DE JÉSUS
[Efrayée par la perspective du supplice qui attend son fils, la Vierge demande à Jésus ou de sauver le genre humain par un autre moyen que sa mort, ou de choisir un genre de mort qui soit moins cruel, ou de lui permettre de mourir avant lui, ou de la plonger quand il mourra dans une extase qui lui fasse oublier sa souffrance. Mais Jésus repousse l’une après l’autre les quatre requêtes de sa mère.]
Nostre DAME. — Puis que ne m'avez accordee De mes trois petitions ! l’une, Au moins par priere importune Vous plaise m'octroyer la quarte? :
C'est, s’il-fault que mort vous departe * D'avecques moy, et que moy, mere, Vous voye souffrir mort amere, Pour saulver l’homme, je vous prie Que je soye comme ravie, Et soit ma triste ame suspense t Pour lors de toute congnoissance Durant vostre si grief’ tourment, Sans avoir aulcun sentement © Des douleurs que avrez si grandes.
C'est la quarte de mes demandes, Que je vous requier de bon cueur.
Jesus. — Ce ne seroit pas vostre honneur Que vous, mere tant doulce et tendre, Veissiez? vostre doulx filz estendre En la croix et mettre a grief mort, Sans en avoir aulcun remort $ De douleur et compassion ; Et aussy le bon Simeon De voz douleurs prophetisa, Quant entre ses bras m’embrassa,
[4. Pettions, demandes. — 2. La quarte, la quatrième. — 3. Departe, sépare. 4. Suspense, suspendue. — 5. Grief, grave. — 6. Sentement, sentiment, — 1. Veissiez, vissiez. — 8. Remort, morsure.]
96 LE MOYEN AGE de
Que le glaive de la douleur -
Vous perceroit l'ame et le cueur Par compassion tres amere.
Pour ce, contentez vous, ma mere, Et confortez! en Dieu votre ame ; Soyez forte, car oncques? femme Ne souffrit tant que vous ferez; Mais en souffrant meriterez
La laureole? de martire.
NosTRe DAME. — O mon filz, mon Dieu et mon sire, Je te mercy“* tres humblement Que tu n’as pas totallement Obey a ma voulenté.
Excuse ma fragilité Si par humaines passions Ay faict telles petitions Qui ne sont mie recevables.
Tes parolles sont raisonnables Et tes voulentez tres haultaines 6, Et les miennes ne sont qu'humaines.
Pour ce? ta divine sagesse Excuse ® l’humaine simplesse ° De moy ton indigne servante, Qui, d'amour maternel fervante, Ay fait telles requestes vaines.
Jesus. — Elles sont doulces et humaines; Procedantes de charité ; Mais la divine voulenté À preveu !! qu’aultrement se face.
NostRe DAME. — Au moins vueillez, de vostre grace, Mourir de mort brieve et legere !
[4. Confortez, réconfortez. — 2. Oncques, jamais. — 3. Laureole, branche de laurier. — 4. Mercy, remercie. — 5. Mie, nullement. — 6. Tres haultaines, très hautes, — 7. Pour ce, pour cela. — 8. Excuse : subjonctif, — 9. Simplesse, sim-
plicité. — 40. À preveu, a décidé d’avance.]
LE THEATRE 97 Jesus. — Je mourray de mort tres amere.
Nosrre Dame. — Non pas fort villaine et honteuse !
Jesus. — Mais tres fort ignominieuse.
Nosrre Dame. — Doncques bien loing, s'il est permis | Jesus. — Au milieu de tous mes amis.
Nosrre Dame. — Soit doncques de nuit, je vous pry l
Jesus. — Mais en pleine heure de midy.
Nosrre Dame. — Mourez donc comme les barons !
Jesus. — Je mourray entre deux larrons.
Nosrre Dame. — Que ce soit sous terre, et sans voix |
Jesus. — Ce sera hault pendu en croix.
Nosrre Dame. — Vous serez au moins revestu ?
Jesus. — Je seray attaché tout nu.
Nosrre Dame. — Attendez l’aage de vieillesse l Jesus. — En la force de ma jeunesse.
Nostre Dame. — C’est tres ardente charité; Mais pour l’onneur d’umanité Ne soit vostre sang respandu !
Jesus. — Je seray tiré et tendu Tant qu’on nombrera{ tous mes os; Et dessus tout mon humain dos Forgeront? pecheurs de mal pleins, Puis fouiront et piés et mains De fosses* et playes tres grandes.
[4. Nombrera, comptera. — 2. Forgeront, frapperont. — 3. Fouiront, per ceront. — 4. Fosses, trous.]
BRAUNSCHVIG. — NOTRE LITTÉRATURE.
A NE A NP 1 PONS PTS 0 M DS AUS SES F1 * 5 1 Lo grepe ere Rene
Nosrre Dame. — À mes matérnellés démandes Ne donnez que responses dures!
JESUS. — Accomplir fault les Escriptures.
(Jean Michel, Le Mystère de la Passion.)
