LE DIT DE LA BOUUJOSSE

La mère Dieu dessant, si est au pape alée; Toute celle besoigne li a dit et contée :

« Vas tost, dîst Nostre Dame, si li sauves la vie : Les aumosnes qu'a fait ne veil que perde mie. Confesses-la tenlost; je li ferai aïe. » L*apostoille s'en lorne; la nuit plus n'i détrie.

L'anemi et la dame furent jà en estant. Li anemi s'escrie: « Geste vois encusant D'avotire, et de murtre qu'a fait de son enfant; S'elle vouloit nier, je l'iroie prouvant. »

Là fist moult biau miracle Nostre-Dame Marie. L'apostoille estoit là, mes on ne le vit mie: « As-tu fait ce mesfet? confesses-toi, amie. » La borjoise li dit bêlement en Toïe.

Quant elle vit le pape, si s'ala confessant. Nus qui fust en la place ne le vit tant ne quant, L'anemi qui l'encuse ne s'en va percevant : L'apotoire l'asost, puis s'en ala à tant.

Quant elle fu confesse devant toz se dreça;

Une parole dit qui à toz agréa.

Fors que à l'anemi : « Or se traie en çà

Qui m'encuse de rien; vien me desfendre jà. »

L'anemi la regarde, si fu tôt aveuglé,

Et si a dit devant, que bien fu escouté :

« Certes, ce n'est pas celle que j'avoie acusé. »

— « Si est voir, dit chascun; vous seroiz mis ou ré. »

Dolant fu l'anemi quant einsi la perdi;

Mes quant en le dut prendre, tenlost s* en est foui.

Se il fust bons eharniex, il féust jà broï.

Cens qui iluee estoient en furent esbahi.

Lors fù plus que devant la borjoise honorée. Mes elle prist en H moult très bone pensée : Tantost lessa le siècle, nonnain devint voillée ; Là servi tôt son tens celle qui l'ot sauvée.

Hé , Diex ! tant est benoist qui la sert et honeure Et qui à confessier bien toz ses péchiez pleure, Certes cil n'est pas sage qui en péchié demeure. Car nous n avons respit semaine, jor ni heure.

Or prions touz la Dame qui le cors Dieu porta, Qui des mains l'anemi la borjoise osta, Les euvres nous doint fère par quoi nous soions là Où Jhesu-Crist sanz fin et règne et régnera.

Explidt la Borjoise de Ronime^

Cl COMMENCE

£t Bit àc Moxirtnct ht Homme*

Ms. 498 N.-D.

Pour ce que de bien faire ne puet nul mal venir, Yeil d'un fait merveilleus ma parole tenir. La Vierge, qui de grâce set les siens raemplir, Gart trestouz ceulz et celles qui nous voudront oïr.

Douce gent, es croniques de Saint- Denis en France \oit-on moult de merveilles; mais sachiez sansdoutance Celles de Romme sont de trop plus grant sustance : S*en orrez, s'il vous plaist, belle senéfiance.

Une noble pucelle plainne de grant biauté

Fille fu Femperère de Romme la cité.

Oui souffri en cest siècle tant de grant cruauté ;

N'est nulz , si l'oit retraire, qui n'en ait grant pitié.

Celle gentil pucelle fu nommée Flourence, Qui moult ot à souffrir de cruel pestilence.

En Dieu servir avoit bien mise s'espérance j Dès que n'ot que .x. ans ot bonne conscience,

Et voua à Jhésu-Crist que jamais en sa vie N'auroit à homme nul charnelle compaignie. Puis fu-ele parjure; s'en ot tant de hachie Que l'escripture dit, de ce ne doutez mie^

Conques n'en ot tant femme. Elle fu esléue A la plus bcle chose qui adont fu véue : Comment qu'elle feust d'or et de soie vestue, S'avoit-elle la haire tout enprès sa char nue.

Avecques la bonté et la vraie pensée Li ot Nostre Seignour si grant biauté donnée Par toutes terres fu de li la renommée. 1. roy la voult avoir à moullier espousée.^

La pucelle, qui n'ot soing de nul charnel désirs, Et qui ot son cuer mis ou très douz Jhésu-Crist, Ne le vout espouser. Li roy s ot tel despis, Par moult fier mautalent jura touz ses amis.

Dont puis convint maint homme à grant dolour fenir. La pucelle méismes en ot tant à souffrir Conques n'en ot plus femme, ce croi-je, sanz morir, Ainssi com vous orrez se me voulez oïr;

Car le roy que je di tout son estors manda, En l'empire de Romme lièrement se bouta. Par force la pucelle moult bien avoir cuida ; Mais son père con prouz encontre li ala.

A Tassainblcr d'eulz ot moult mcrveilleuz estour. Le père la pucclle y lu navré ce jour D'un carrel en son chief; pasmez fu de doulour. Ses hommes Ten menèrent à Romme la majour.

Les barons de la terre firent grant desconfort Pour ce que l'emperère estoit navrez à mort. Sa fille la pucelle demenoit duel trop fort ; Son père li dist : « Fille, par foi, vous avez tort

« Quant plourez devant moi, car vous me faites pis Que le mal que je sent. Le Roy de paradis Vous veille conforter, douce (ille gentis, Qu'aujour d'ui perdez .i. de vos meilleurs amis.

t La mort me tient au cuer. Je muir à trop grant rage Que ceulz qui m'ont occis tenront mon héritage; Ils honniront la terre et metront en servage. » Sa lille li dist : « Père, ci a griés mariage. *

Quant son père senti qu'il le convient morir Il a dit à ses homme : « Je vous lo sanz mentir Volentiers m'acordaisse c'en la féist plevir A homme qui péust l'empire garantir.

« Car plus aise morroie s' elle estoit assenée. » Adonques est Flourence hautement escriée : « Chier père, j'ai à Dieu ma chaasté vouée : Se je me marioie je seroie dampnée.

« Puisque pour moi morcz, Diex, qui tous lesbienslivrc. Ne veille qu'après vous .i. treslout seul jour vive! >»

Adonques fu mandé .i. prestre à tout son livre: Le filz du roy li firent fiancier à délivre.

On ne savoit el monde chevalier plus isnel Ne plus loial de li; il fu courtois et bel; Mais il avoit .i. frère qui n'estoit pas autel (Pis valoitque Gain qui mist à mort Abel),

Qui à la damoisele fist puis tant de torment, Onques tant n'en souffri femme de son vivant; Mais puis en ot li glous dolereus paiement, Ainssi com vous orrez recorder bien briefment.

Le roy fu enterré dedenz une chapelle.

Grant duel mena sa fille; à la Yirge pucelle Se complaingnoit souvent la noble damoisele. Gil qui l'ot espousée la prist par la main belle,

Et li dist ; « Douce suer, ne soiez en friçon : De la mort vostre père grant vengance prendron ; Ainçois que vous espouse, ceulz de l'ost destruiron . » Adont s'ala armer et maint autre baron.

Hors de la vile issirent moult noblement armez : Gil par qui leur seigneur avoit esté tuez Assaillirent si fort que, tout maugré leur nez. Jusqu'à .i. port de mer les ont fuiant menez.

Le roy qui par sa force vouloit avoir amie Entra en une nef pour garantir sa vie; Mais le franc damoisel qui la belle ot plevic Après li se feri par moult grant araraie;

Car grant désir avoit que par lui fust occis, yue deniourer li peust Flourence o le clcr vis. Par son hiaume l'a pris : là l'éust à mort mis Quant il s'agenoulla et li cria mercis..

Tant li promist à faire que il le respita;

Mais tant comme il parloient leur nef se dériva,

Par la force du vent vers Gresce s'en ala ;

Ceulz de Romme le virent, chascun grant duel mena.

Ens ne porent saillir pour celui ramener

A qui li emperère voult sa fdle donner,

Quant son frère leur dist : « Seignours,lessiez ester. »

Oiez de quel malice il s' ala pourpenser.

\\ A ceuz de Romme dist : « Savez que nous feron? Certes mon frère est mort, jamais ne le verron; Mais, se vous voulez faire mon talent et mon bon. Je vous donrai à touz or et argent foison,

«Pour tant que tesmoingniés quant à Romme vendrés Que mon frères est mort et à sa fin alez, Et qui me fist jurer quant à mort fu navrez Que Flourence prendroie; vous le tesmoignerez,

« Et me souslendrez tant que j'aie la baillie De Flourence la belle, que mon frère ot pleviej Et je ne vous faudrai jamais jour de ma vie. » Adonques s'acordèrent de Rommains grant partie.

Mais il y en ot .ij. qui distrent à cler ton : « Foie gent desloial, créez-vous cel glouton

Qui a traï son frère? Jà tant que nous vivon 11 n'aura la pucelle. » Lors dist le faus larron

A ceulz qui à la fraude s'estoient acordez : « Seignours, dit-il, pour Dieu! la vengance prenez De ceuz qui me mesdienl! » Lors est outre passez ; L'un des .ij. preudes hommes a maintenant tuez.

A terre chay mort; quant li autres le vit, Par doutance de mort au faus parjure dist Qu'il feroit son talent. Lors mistrent sanz respit Le cors en une bière : à la voie se mist

Le plus mauvais devant et les autres derrière* Dist miles, leur seigneur : « Dites qu'en ceste bière Gist Esmère mon frère, et faites mate chière. » Lors entrèrent à Romme en si faite manière.

Et disoient aus gens que mort en la mellée Fu le franc chevalier plain de grant renommée A qui li emperères ot sa tîUe donnée.

La pucelle l'oy : forment fu effraée.

Vers la bière s'en vint la pucelle au cler vis ; Du duel s'escria haut : « Très douz loiaus amis, Bien maudire devroic l'eure que je tant vis, Las! se tant nobles hommes sont pour mon cors ocis!

« Lasse! bien me devroit la terre trangloutir! L'autre jour vi pour moi mon chier père mourir j A .i. franc chevalier m'avoit faite plevir : Or est-il pour moi mort; je me doi bien haïr! »

Flourencc dist : « Vrai Diex, comme dure plovine! Je sui bien de toiiz poins demeurée orfeline. Or, vou-ge de bon cuer à la liaule Roync Que jamais de mon cors n'aura horas seignourie,

« Puisque celui est mort à cui me lessa

Mon père par amours. » Adont Milles parla

Et dist : « Belle, tielz mos, pour Dieu ! ne dites jà,

Car à son trespasser mon frère commanda

a Devant les haus barons que je vous espousasse, Et pour lui que l'empire de Romme gouvcrnaisse. » Flourence respondi à sa voiz, qu'elle ot basse : « Mile, foi que doi Dieu, miex ameroieestrearse.

t Vous n'estes pas preudome, je le sai vraiement, Quant véez vostre frère mort devant em présent Et de vous marier parlez si hastieument. Par foi! ne vous prendroie pour cent mil mars d'argent. >»

Adonques respondi Miles le losengier :

«f Par foi ! vous estes moie, poi pris vostre dangier. » A ceulz de son acort a dit: « Franc chevalier. Prenez-la; veille ou non, menez-la au moustier:

« Quant le cors ierten terre, tantost l'espouserai. » Le chevalier l'oy qui s'estoit acordé Maugré sien à la fraude; s'en est tantost aie Au pape, se li a trestout la voir conté.

En haut li dist : « Saint père, de ce soiez certain ; Le cors qui gist en bière c'est mon frère germain.

Mile m'éiist ocis quant li créante à plain Que jà ne le diroie à franc ne à vilain.

« Je m'acordé par doute à leur grant tricherie. Esmère le courtois, qui Flourence a plevie, Je croi bien est tout sain et plain de bonne vie ; Mais son frère li veult tolir sa seigneurie. »

Adonques vint le pappe à la bière garder, Bien vit n'iert pas leur sire; coiement fist mander Les bourgois de la vile et puis les fist armer ; Le traïtour fist prendre et em prison geter.

Le frère Esmère fu mis en une tour :

Miex venist c'en Téust fait dcstruire celui jour, Car puis fist à Flourence souffrir tant de dolour Que nus ne l'ot retraire qui n'en ait grant tendrour.

Douce gent, vous avez oy souvent conter Qu'à paine se puet-on de fause gent garder. D' Esmère le courtoiz veul désormais parler, Qui 0 le roy de Grèce fu en la haute mer.

De retourner à Romme avoit moult grant talent Pour l'amour de Flourence qui avoit le cors gent, Aussiques la pucelle le désirroit forment ; Mais tant ala la nef par la force du vent

Qu'à .i. des pors de Grosse arriva le vaissel. Quant le roy de la terre le vit, moult li fu bel : Li j on nés emperères se douta de sa pel, Mais le roy fu preudons; si li a dit isnel:

« Sire, n'aies doutance s' estes en cest pays :

Je sui vostre homme lige, car vous m'avez conquis.

Vous n'i arez jà mal, par Dieu de paradis! »

Li jonnes emperères ii dist : « Vostre mercis ;

« Vous ne povez riens perdre à loiaulé mener; Mais vous savez qu'à Romme me convient retourner: La fille l'emperère doi briément espouser. » Quant le viex roy Toy si prist à souspirer,

Puis dist: « Franc damoisel, je l'ai lonctansamée; Mais miex sera en vous que en moi emploiée : Aus noces voudrai elsre, sire, s'il vous agrée. » Adont fu la navie maintenant aprestée.

Les nés furent garnies de moult riches trésors. Les maislres mariniers firent tant par effors Qu'à .vij. lieues de Romme arivèrent aus pors. Quant Flourence lo sot moult ot grant joie lors;

Mais sa joie tourna assez tost en tristesce. Flourence, qui le cuer ot plain de gentillesce. Son serouge, qui ot pensée félonnesse, Fist issir de prison, dont elle ot puis destresce;

Mais Flourence le fist pour l'amour son ami. ïrestouz les Romains furent moult forment esjoy; Contre le nouvel roy alùrent sanz détry ; Flourence vint après, son serourge avec li.

Ainssi comme il passoient une forest plenière. Par la force du vent leva si grant poudrière

C'on ne pooit véoir ne avant ne arrière. Lors Miles, qui estoit plain de maie manière,

Prist le frain à la mule sur quoi la dame sist; Par une fausse sente qu'il savoit bien la mist : Bien .iij. lieues plenières el bois entrer la fist, Ainçois que la pucelle point garde s'em préist,

Qu'elle cuidoit avoir près de li sa maisnie. Quant el se vit si seule, forment fu esbahie, Qu'elle devint plus blanche que n'est la noif négie. Lors dist à soi-méismes : « Lasse! je suis traie! »

Arrester se cuida quant li fauz deputaire Li a dit : « Douce amie, près de moi vous faut traire. Moult ai pour vostre amour enduré de contraire. » Adont la voult baisier, mais il n'en ot que faire.

Flourence, qui n'avoit de son afaire cure, Li dist en soupirant: « Très fausse créature, Femme sui de ton frère, et me requiers laidure! » Celui, qui estoit chaut et ardant de luxure.

Errant hors de la mule le sacha par grant ire. Flourence s' escria : « Diex, aidiez-moi, sire! » Or commencent les paines et le cruel martyre Que la belle souffri, si com vous orrez dire.

Son serourge l'avoit en la forest menée, En .i. moult désert lieu : bien savoit la contrée. Corrompre la cuida ; lors s'est haut escriéc : « Car me veilliez aidier, mère Dieu réclamée!

« Si voir que n*ai fiance fors en vostre secours, Escharboucle luisant qui cuers plains de dolours, Enluminés de grâce, fort chaste), ferme tours Où touz desconfortez doivent aler recours,

« En vostre sainte grâce commant mon corset m'âmc; Et si promet à Dieu et à vous, haute Dame, Que de ci à .vij. anz à homme ne à femme Ne me ferai connoistre iK)ur meschief, haute jemme;

* N'a Romme n'autre part ne tendrai seigneurie, Mes en estrange terre querrai pour Dieu ma vie Se je ne truis service en aucune abaïe Où puisse demeurer. » Lors Ta li glous sachio. *

A terre l'abati moult felonnessement; Mais Flourence la belle se deffendoit forment. Le glout n'osa yluec demeurer longuement: Sus son cheval monta, par l'un des bras le prent.

Sus la mule la sist, puis prist fort à chacier. Cel jour passa maint tertre et maint desruble fierj Yij. lieues el bois furent quant souleil dut couchier. A ceulz de Romme veul .i. petit repairier,

Qui contre leur seigneur moult noblement aloient. Trompes, harpes, naquaires et vicies sonnoient; Nus ne porroit conter la feste qu'il faisoient; A pièce ne pensassent au duel qu'il atendoient.

Esmère le vaillant assez tost encontrèrent. Nus ne vous porroit dire la joie qu'il menèrent :

Pour Flourence la gente derrière eus regardèrent , Mais quant il ne le virent moult forment s'esmaièrent.

Adonques la cercièrent par la forest ramée, Mais son serourgc l'ot autre chemin menée; Car trop souffri de maus ainz que fust retornce, Ainssi com vous orrez briément, s'il vous agrée.

On la quist en maint lieu, mais ne valoit noient. LorsfirentceulzdeRommegrantduelcommunaument; Esmère dessus touz ot le cuer moult dolent. Adont li dist li pappes bel et courtoisement

Comment son frère voult la royne espouser Et com le list par force en la tour enfermer ; Mais au matin le fist Flourence délivrer. Or juge qui l'a faite par barat destourner.

Lors jura Esmère sus Dieu le droiturier,

S'il puet son larron frère jamais nul jour baillier,

Que jà fraternité ne li aura mestier

Que ne le face ardoir ou tout vif escorchier.

Esmère et sa gent à Homme s'en entrèrent; Paremens et courtines tout à terre getèrent. Nulz ne vous porroit dire le grant duel qu'il menèrent: En mains lieuz, loins et prez, les messages alèrent

Pour quérir la pucelle qui à tort fu traie. Par forés, par desers l'a li glous tant traitie Que souz .i. grant rochicr vindrent à l'anuitier : Là li fist moult de luite le glouton plain d'envie.

iOO LE DIT DE FLOURENCE

Quant Flourencc la belle Jhésu-Crist reclamoit, Son dcsioial serourgc granz bufés li donnoit , Puis son coutel à pointe sus son pis apointoit; Mais la douce pucello miex à morir vouloit

Qu'elle fût corrompue deli si faitement. Celui, qui Tanemi avoit soupris forment, Du manche du coutel la feroit bien sauvent Et la poignoit es cuisses; mais ne H valu nient.

Quant il fu mienuit desouz le rochier vinrent. Onques il n'i dormirent ou mangièrent ne burent; Mais les bestes sauvages par le désert s'esmurent , Et firent moult grant noise qui bien faire le durent.

Miles les oy bien, mes gaires ne les prises A corrompre Flourencc ot si s'entcnte mise Qu'il ne doutoit riens née : de rechief Ta reprise. Tant li fist de destresce qu'el fu si fort aquise

Qu'à paine pooit-ele.ne pié ne main sachier. Il l'eût corrompue quant Dieu le droiturier Fist .i. serpent cresté descendre du rochier; Lors convint au glouton la pucelle laissier.

Quant il vit le serpent la main mist à l'espée. Sifflant s'en vint vers lui corn beste forsenée, Mais il s'en deffendi coni personne membrée. Quant Flourencc perçut d'entre eulz .ij. la mellée

Tout au miex qu'elle pot se leva de la place : En la forest se mist; mes tant y ot grant mace

De ronces et d'espines, que dras, cors et visage Li desrompoient si, c'on véoit bien la trace

Du sanc et de la robe que la belle ot vestue; Mais il ne li chaloit qu'elle fust devenue, Pour tant que s'en alast sanz estre corrompue Des mains à son serourge, qui tint l'espée nue.

Tant li aida déable que le serpent tua j Puis revint en la place où Flourence laissa ; Mais quant il ne la vit moult grant duel démena : Jhésu-Crist et sa mère trop forment maugréa.

Par despit se vouloit bouter el cors l'espée Quant il ot une pièce de sa robe trouvée Pendant à une espine; lors sot bien que passée Fu par iluec Flourence, qui s'estoit descirée.

Tant ala qu'il trouva la trace de son sanc': Le cors, qu'elle avoit tendre, net et poli et blanc, Fu forment desciré en costé et en flanc. Miles ataint Flourence près d'un petit estanc^

Où plus avoit sansues et laisardes et dars. Singes, serpens et ours et lyons et lyepars, Escorpions et tingres, souvent de toutes pars I venoient pour boire; moult fu lais li essars.

En trop orrible lieu se fu Flourence mise : Miles, li faus traîtres, si l'a par la main prise, Puisli dist: « Douce suer, trop vous estes mal mise; Mais vous n'eschapercz de moi en nule guise.

« S'arai de vostre cors fait tresloiit mon plaisrr. » - — « Fauz gloiis,cedisl Flourcnce,miex voudroie morir. »> Adont la rcprist Miles par merveilleux aïr; Mais ne plot pas à Dieu qu'il péust avenir.

Le fauz glouz, qui au deable s'estoit trestout donné, Li dist : « Fausse mauvaise, vous m'avez enchanté; Mais, se Diex et ses sainz l'avoient tuit juré, Si ferai-je de vous tout à ma volenté. »

Lors l'a par les .ij. piez à un arbre liée: L'angoisse qu'il li fist ne pot estre contée. Ensi destroit la mist qu'il l'éust vergondée, Quant uns ours merveilleuz entra en la contrée.

Lors vers les .ij . parsonnes moult lièrement s'en vint,. Et lors se leva Miles qui la pucelle tint. L'espée trait du fuerre, fièrement se contint; A l'ours se combati si bien comme il convint.

Tant fist que Tours tua, mais quant il dut morir 11 cria si forment qu'entour li list venir Une ourse et .ij. oursiaus qui sanz point d'alentir Assaillirent le traître; mais tant fu plain d'aïr

Conques ne recula. Les oursiaus le navrèrent; Du sanc et de la char des costez li estèrent; Mais si se deffendi qu'en la (in s'en nièrent Les .ij. ours et la mère, qui les cops redoutèrent;

Car il n'i ot celui qui ne fust mehanniez. Adonqucs vers Flourcnce est Miles repairiez;

DE ROMME. i08

Mais n'ot soing de déduit, que trop fu travailliez : La belle deslia et puis ala sus piez.

Enmi une sentele entra au point du jour. Virent .i. hermitage en .i. petit destour Où .i. saint preudonime ot longuement fait séjour : A Fuis vint, si hurta lecuivert traïtour.

L'ermite leur ouvri Tuis sanz atargier.

Miles li dist : « Bons lions, avez-vous que mengier? Ij. jours a ne mengâmes moi ne ceste moullier. » L'ermite respondi : « Vous aurez sanz dangier

« De tiex biens comme j'ai.» Lors ataint .i. pain d'orge; Mais onques la pucelle n'en pot passer la gorge. Le glouton en menga, qui poi prisa saint Gorge; Puis a sachié l'espée, qui fu de bonne forge.

L'ermite lia fort, puis a le feu bouté Dedenz son hermitage; trestout l'a embrasé. Flourence vit le fait, forment l'en a pesé: Le faus par .i. des braz la prist outre son gré.

Bien avant le mena en la forest ramue : Corrompre le cuida, mais Diex l'a deffendue. Quant il vit que ne pot par li estre vaincue, Par ses blons cheveux l'a à .i. arbre pendue.

Lors prist le faus larron .i. baston d'englentier : Tant en bâti Flourence et devant et dcrricr. De louz costcz véoit deli le sanc raier. Morte réu«t en l'eure quant Diex le droituricr

i04 LE DIT DE FLOURENCE

Fisl parmi la forcst venir .i. chastelain : Sa gcnt avoit perdue, .i. cor sonnoit à plain. Quant le faus larron Mile l'oy, tout pour certain Guida ce fust son frère; lors et moult le cuer vain.

A la fuite se mist : forment se desconforte; La royne lessa, qu'estoit demie morte.

Es vous le chastelain, que Jhésu-Crist aporle Parmi une sentele qui estoit toute torte. .

La pucelle vit pendre, si s'en vint celle part. Moult en ot grant merveille, mais forment li fu tari Qu'elle fust despendue. De son cheval liart Descendi; lors Flourence li fist .i. douz regard,

Car ele avoit d'angoisse la parole perdue ; Lors Ta li chaslelains miex qu'il pot descendue : Dessouz l'arbre l'assist; moult la vit dcrompue, Puis li dist : « Suer, dont estes-vous venue? »

Elle li dist : « Douz sire, de basse gent sui née , Mais nobles genz servoie qui m'ont toute alevée. Or m'ont mauvaise gent ci endroit amenée : Ne m'en demandez plus, pour la^Vierge honnourée,

« Car au cuerai tel duel que bien mourir voudroie. » — « Ma suer,dist-il, chiez moi volentiers vous menroie; Jecroi bien que ma femme aroit devons grant joie. » Flourence li dist : « Sire, moult volentiers l'otroie,

« Par ytel convenant que mon cors garderez De toutes vilonnies le miex que vous porrez. »

Le chastelain dist : « Suer, jà mar en douterez. » Sus la mule la sist qui ot le frain dorés.

Le chastelain Tierry la royne a suie; Desiques au chastel ne s'atargèrent mie. Là dedenz fu Flourence moult noblement servie, Tant que de ses griez maus fu la dame alégie.

Forment la tenoit chière la France chastelaine : Bien voit n'est pas estraite de lignie vilainne; Et Flourence se mist de li servir en paine. Nous véons au jour d'ui, c'est bien chose certaine,

Qu'il a plus de service et de bonne duison

En .i. enfant qui est de bonne nascion

Qu'en .i. truant: Flourence ot laiens bon renom.

Le chastelain Tierry, qui moult estoit preudon,

Avoit une fiUele de .vij. anz et demi :

Par grant chierté couchoit Flourence avecques li ;

Mais il avoit laiens .i. glouton anemi

Qui .i. trop vilain plait sanz raison li basti.

Le faus fu sénéchal au courtoiz chastelain ; Nommez estoit Maquaire : c'est .i. non trop vilain. Souvent requist Flourence et au soir et au main Que s'amour li donnast, mais il ouvroit en vain.

Car ele se laissast avant vive escorcliier.

L jour le trouva seule le glouton pautonnier:

Par force le cuida acoler et baisier,

Mais Flourence li fist le sanc vermeil raier

A grant ru de la bouche et .ij. denz H brisa. Li glous hors de la chambre errauinent s'en ala; Moult manace Flourence, et dist qu'il bracera Tel plait, s'il onques puet, de,quoi arse sera.

Sitost con fu couchie, le desloial glouton Dessouz le lit se mist coieinent à larron Où Flourence gisoit avecques l'enfançon ; Mais pas ne se gardoit de telle traison;

Car quant le murdrier vit qu'elle fu endormie, A la lille son maistre a la corge trenchie; Dedenz la main Flourence, qui fu blanche et poli(?', Mist le coutel trenchant, et dormant l'a laissie.

Maquaires fist matin le chastelain lever. Par la chambre Flourence le convenoit passer Quant vouloit de la seue ens en la sale entrer : Le sanc du lit sa lille vit aval dévaler.

11 vit que la gorge ot trenchie et le tuel, Et en la main Flourence a véu le coutel. Ne pot parler de duel; let li fu, non pas bel. Maquaires, qui a fait le dolereus chaudel,

Li dist : « Franc chastelain, c'a fait ceste murdrière! Lessiez le duel, et faites ardoir la losengière. » Adont leva le cri , et devant et derrière La chambre empli de gent qui firent mate chière.

Flourence s'csveilla : à merveilles li vint

Des gens qui là estoient et du coutel que tint^

El quant l'enfant vit mort plus vermeille devint Que rose de rosier; lors pasmer la convint.

Moult fu grant la dolour en la chambre menée : La chastelainne y vint trestoutc eschevelée. Errant éust Flourence à ses mains estranglée Quant on li a par force hors de ses mains ostée.

Adont fist Ten Flourence si fort les poins loier Qu'aval parmi les ongles convint le sanc raier. En une chartre obscure la fist-on estaier; A ardoir fu jugie tantost sans atargier.

Mais avant qu'elle fust au jugement menée Li vint dire une vois : « Ma suer, pas ne t'esfrée; Car tu seras encore à Romme couronnée; Mais avant souferras mainte maie journée.

« Aies en Jhésu-Crist très parfaite créance, Que saches que de ceulz qui te feront grevance Auras en .i. seul jour merveilleuse vengance. On te merra ardoir, mais n'aies jà doutance,

« Car Diex te gardera. Or le sers d'amour fine. » Lors vint le bourel qucrre Flourence la royne; Droit au feu le mena, qui estoit fait d'espine. Le chastelain, qui ot conscience entérine,

Li dist : « Femme, comment fus-tu si esragic Qu'à mort méis ma fille? je te rendi la vie Quant pendoics au bois. » Lors Flourence s'cscrie : « Sire, pour Dieu merci ! tel fait ne créez mie,

i08 LE DIT DE FLOURENCE

Conques féisse mal à la gentil pucelle ; On m'a cesl plait basti, ne sai par quel querelle. Diex set que j'ai bon droit, à garant l'en apele. » Adont le chastelain s'enclina en la sele.

Si com H chastelains sus son arçon pendoit, Avis li fu c'un angle de par Dieu li disoit Qu'aler Icssast Flourence quel part qu'ele voudroit, El honneur et pourlU bien briément l'en vendroit.

Lors quant fu redreciez il dist à haute voiz

A sa gent c'en alast tost querre son harnois,

En la vile, sur quoi il l'amena du bois :

« Je ne veul qu'elle perde du sien vaillant .i. pois. »

Il li fist trestout rendre et quite délivrer ;

Quant Flourence monta, forment prist à pleurer, -

Car où aler ne sot. Le sire fist crier

Que nul ne le suïst, pour les membres couper.

Maquare, pour le cri, point ne s'esléesça; Errant l'éust suiie, mais aler n'i osa; Flourence sur la mule forment se démenta: D'un péril est issue, mais en plus grant s'en va,

Ainssi com vous orrez se me voulez entendre. Flourence, qui avoit de pitié le cuer tendre, Trouva en son chemin .i. larron c'en voul pendre : Adont tourna sa mule celle part sanz atendre.

Au prévost vint tantost, si le mit à raison

Et li dist : « Genlis sire, pour Dieu requier .i. don :

Car me donnez eel homme, qui sera mon garson. » Le prévost li dist : « Dame , pas ne vous refuson ;

Mais laissiez-le-nous pendre : par ma foi, je me dout, Se vous le délivrez, que briément ne vous coust : Bien vous fais à savoir que de mal a fait moult. » Le larron li dist: « Dame, mon cors je vousdois tout

« A vostre plaisir faire, se de ci me getez, Que je vous servirai sanz nule fausetez. » Adont fu le larron à Flourcnce livrez : Miex li vausist qu'il fust penduz et traînez,

Ainssi com vous orrez assez briément retraire. Flourence li dist : « Frère, or penses de bien faire; Se tu me portes foy tu auras bon salaire. » Le larron li dist: « Dame,quel part voulez-vous traire?»

Flourence li dist : « Frère, moult volentiers iroie Outre mer au sépulcre, se passer y povoie. » — « Dame, dist le larron, g' i sai moult bien la voie. » Puis dist entre ses denz : « Demain, ainz que jour voie,

* Vous ferai de la gorge, se je puis, ij. souflois : La mule sera moie et tout 1 autre harnois. » Droit à .i. port de mer s'en vindrent à eslois Où le larron avoit .i. hoste trop mauvois;

11 ot mainte personne en son liostel murdrie. Flourence s'est la nuit en l'ostel herbergie; Le larron fist à l'oste son marchié c'on l'ocic. L'ostesse, qm* l'oy, ne s'i acorda mie,

Et dist : « Jà çaiens n*iert fait si mortel péchiez. » Le larron dist : « Ostesse, pas ne vous courouciez Nous le dison ainssi, savoir que vous diriez.» Qui en larron se Cie, il est bien engigniez.

Quant Flourence la belle fu com nonnain vestue, De bon cuer servi Dieu et la Vierge absolue; La haire jour et nuit avoit à sa char nue. II ui mais orrez comment elle fu connéue.

Diex 11 donna tel grâce qu'il n'ot en la contrée Personne tant malade, s'en dévote pensée Yenist à li parler, ne fust reconfortée; Em pluseurs lieus aloit de li la renommée.

Bien aparut forment que à Dieu fu amie, Car de ses anemis fu en .i. jour vengie, Et si ot puis de Romme toute la seignourie, Dont son serourge l'ot à grant tort départie.

Esmère, son seignour, souvent pour li plouroit; Messes du Saint-Esprit pour li chanter faisoit, Que Diex la li rendist; par desconfort juroit Que jamais n'auroit femme s'elle ne revenoit.

Ne remest en l'empire ne cité ne chastel

Où ne la féist querre, et tant que d'un quarrel

I ri y a ici , dans le SL«. 193 N.-D. , une lacune considérable , par suit de la dcslruclion du Xcuillet 223.

DE ROMME. lii

Fu navré l'emperère en .i. estour mortel

El front moult malement; n'ot mire qui fust tel

Qui l'en pust garir ; en doute de mort fu, Tant qu'il oy nouveles, si corn plot à Jhésu, Que pour une nonnain faisoit mainte vertu Le Père de lassus. Lors est le roy méu

Pour venir à la dame qui moult estoit s'amiej Tout droit en Biau Repaire, où ot bonne abaïe, Esmère chevauchoit à petite maisnie.

Hui mais est bien raison que de Mile vous die,

Qui ot fait à Flourence souffrir tant d'enconbrier. Il ala demeurer avec .i. chevalier Qui le tint en soudées, mais Diex le droiturier, Qui du bien et du mal rent à chascun loier,

Fist le fa us desloial si mesel devenir C'en n'osoit entour lui ne aler ne venir; Gros fu comme .i. tounel, ne se pot soustenir; I. jour fist à son mestre prier et requérir

Qu'il le féist mener tout droit à Biau Repaire,

Où Diex pour la nonnain vont tant de vertuz faire.

Le sire l'otroia. Jà orrez de Maquaire

Qui mist à mort l'enfant pour Flourence deffaire :

Si mal fu atourné que de pié ne de main Ne se pooit aidier; mais le franc cbastelain Le mena pour garir à la franco nonnain. Moult amoit le traître; ne sot pas le certain,

ii2 LE DIT DE FLOURENCE

Comment avoit murdric sa fille en iraïson: Errant Téust fait pendre plus haut que .i. larron. Oez com fu servis Archcmhaut le glouton, El son desloial hoste, qui n'estoit pas preudon.

Du feu d*enfer estoient par le cors alumez : Cadot li mariniers estoit si atournez C*à potences aloit, les piez ol touz enflez : Touz .V. à Biau Repaire sont .i. jour arivez.

Douce genl, es croniques de Romme sont trouvées Les paroles qui sont ci de par moi contées ; Mais .i. rommans en est où en a ajoustées Granz bourdes qui n'i doivent pas estre recordées.

Les glous qui à Flourence orent tant fait dolour Vindrent où ele estoit trestouz à .i. seul jour; Aussi fist l'emperère qui estoit son seigneur. La dame s' estoit jà couchie en son dortour.

Quant Tabéesse sot que pour les granz vertuz Estoit li emperères de Romme là venuz, Au lit Flourence vint et li rendi salus; Les nouveles li dist, la dame sailli sus.

Onques puis ne dormist, en oroisons se mist; Doucement reclama le très douz Jhésu-Crist, Que bon conseil li doint ; une voiz li tramist Le Père de lassus, moult doucement li dist :

« Flourence, belle suer, ta pcnance est fenie. Vij. anz a que venis en yceste abbaïe :

Diex veult que tu t'en voises à Romme la garnie Avecques ton seignour. De vous istra lignie

« Dont Jhésu-Crisl veult estre honnourez et servis; Esmerez est malades, mes demain iert garis. En ceste ville sont trestouz tes anemis : Diex ne veult consentir que plus demeurent vis.

« 11 ont eu espasse moult grant d'eulz amender. Demain vendront à toi pour santé recouvrer ; 11 ne te connoistront : haut leur feras conter Les paines qu'il t'ont faites souffrir et endurer. »

Flourence dist: « Vrai Dieu, je ne vousisse mie Qu'il morussent pour moi ne souffrissent hachie. De bon cuer leur pardoins toute la félonnie Qu'il m'ont fait. » Lavoizdist: « Tu ne fais pas folie. »

La dame bien matin lendemain se leva : Les traîtres connut; mes point ne l'avisa Esmère son seigneur, mes bel la salua : Elle le connut bien, mais il pas ne cuida

Que ce fust la royne que Miles ot emblée, Que de quevrechiez fu bien et bel atournée. Adonques s'est Flourence hautement escriée Que touz ceulz qui voudroient garir celle journée

Faut que touz leur péchiez dient oiant la gent. A son serourge Mile a di premièrement : « Vouz qui en la brouete gisiez enflez forment, Commenciez tout premier. » Le gloul dist bassement:

il4 LE DIT DE FLOURENCE

« Dame, plus volenliers en secré le diroie. » Flourence dist : « Amis, il faut que chascun Foie. » — « Par foi! dist le traître, pourquoi le celeroie? Je ne lis onques bien en chemin ni en voie,

« Combien que mesîaus soie, de certain je sui frère A Esmère, qui est des Rommains emperère; Sa femme li emblai, et li fis tant de hère Conques tant n'en souffri, je crois, fille de mère;

« Mais onques ne poi faire que fusse bien de li ; Au derrain par les tresches en .i. bois la pendi. » Quant son frère Toy, à poi du sens issi ; Adonques se leva le chastelain Tierry,

rf

Et dist à haute voiz : « Par la Vierge absolue. Je trouvai une dame à .i. arbre pendue : De mort la garanti; trop estoit derompue; Mais la bonté m'en fu trop malement rendue.

« A grant honnour l'avoie tenue en mon hostel , Mais à .i. main trouvai en sa main .i. coutel. Dont elle ocist ma fille; mais onques ne fu tel Que la féisse ardoir, tant avoit le cors bel.

« Par foi! je ne vi onques plus belle créature. Sa mule li rendi et toute sa vesture Qu' avoit quant le trouva. Diex et la Vierge pure, Se elle est vive, la veille deffcndre de laidure! »

— « Chastelain, dist Flourence, autrement a esté.» Au séneschal fist dire si com il ot ouvré;

DEROMME. il5

Maquairc, qui cuidoit moult bien avoir santé, Cria : « Je ne fis onques ne bien ne loiauté. »

Puisdist: « Franc cliastelain, pour Dieumercidemant: Voir, j'ocis vostre fille d'un grant coutel trenchant; En la main à la dame le mis en son dormant. Ardoir la cuidai faire, mais Diex li fu garant,

« Pour ce que s'amistié ne me vouloit donner. » — «Glout, dist le cliastelain, Diex te puist mal donner! Jamais ne mengerai si t'arai fait liner. » Le larron qui estoit espris du feu d'enfer

Se dreça sus ses piez et parla à haut ton,

Et dist : « Je ne fis onques aussi jour se mal non;

Mais sachiez celé dame dont il font mencion

Me fist moult grant bonté: s'en ot mal guerredon;

« Car on me vouloit pendre quant par sa grant franchise Me requist au prevost et m'osta de justice: Moi et mon oste aussi l'éussons à mort mise Se ne fust nostre ostesse; mais puis, par convoitise,

« L'alasmes sus la mer vendre tous .ij. as mariniers. Bien avoir en cuidasmes .i. plain sac de deniers. Mais en chetis meriaus fu nostre argent changiez. » Lors parla le marchant qui ot enflez les piez.

Et dist: « Je Tachetai et changeai vostre argent; Mais, quant je li cuidai tout faire mon talent, l. orage leva par la mer et tel vent Que trestout mon avoir y pcrdi et ma genl.

« Fendre convint la nef et en pièces froer. A chevauclions me mis pour ma vie sauver Sus .i. fust; moult de paincs me falut endurer. Sus .i. sac de ferine vi la dame floler;

« Pas n'eschapa, je croi, dont ce fu grant domage. » — « Si fist, dist l'abéesse; là jus en ce rivage, La nous envoia Diex. » Flourence, qui fu sage, Ne se voult plus celer ; tout bas en son langage

Lors dist à l'abéesse: « Souffrez-vous un i)etit. » Puis vint à son ami, qui ot si grant despit Que parler ne povoit : sa main sus son chief mist; Jhésu-Crist pour Flourence bêles vertus y fist,

Car la pointe du fer du dolereuz quarrel Que l'emperère ot fichie près du cervel Sailli hors sanz main mètre. Le miracle fu bel^ Flourence fu moult lie. Lors jeta jus ynel

Le cuevrechief de quoi elle estoit atournée; L'emperère le vit, errant l'a avisée :

Entre ses bras la prist, estroit l'a acolée, Puis dist à haute voiz : « J'ai Flourence trouvée

« Pour qui j'ai tant souffert de dolour nuit et jour : Mon frère le m'embla, le murdrier traïtour; Mais je me vengerai, par Dieu le créateur! Devant touz le ferai morir à déshonneur :

« Miex a déservi mort que nul autre murdrier. » Flourence li requist, pour Dieu le droiturier,

Qu€ il li pardonnast, qu'assez ol d'encombrier ; Mais onques l'emperère ne le voult otroier,

Ainz fist .i. giant feu faire en une praerie: Son frère et les .iiij. autres furent ars à haciiic. Le chastelain Tierry retint de sa partie, Et puis donna biau don à ceulz del'abaïe.

Puis n'orent povreté à nul temps les nonnains; L'emperère de Homme et le franc chastelains Enmenèrent Flourence. Estre povez certains Que pour s'amour menèrent grant joie les Rommains.

La feste c'on li fist dire ne porroil hoh*, Puis ot .ij. enfans maries en petit de saison. Flourence souffri moult de paine sanz raison, Mais ceulz qui mal li firent en orrent guerredon.

Jusqu'à la fin mena Flourence sainte vie. Moult de bonnes genz sueffrent à grant tort vilonnic, Mais Diex les venge puis, combien que il destric. Prions Dieu qu'il nous veille touz traire à sa partie.

Explicil de Florence de Homme.

CY APREZ SENSU ir

JTc Bit au €\]cmlxet et it V<&^c\xxtt.

Ms. 198 N..D,

Moult est bone acointance d'estoire, bone gent *'î Bien m'en puis percevoir et en maint lieu souvent Que quant je dis .i. dit à tous généraument , Car il nous convient vivre des bons premièrement.

Jadis .i. chevalier fu moult nobles et biaus; Riches bons fu de villes et de nobles chastiaus, Et ot en sa jonece assez de cens aniaus; 11 ne li eschapoit ne tournois ne cembiaus.

Quant il n'ot que despendre on n'avoit de li cure, On le tenoit por vil, con garçon qui escure. En folement despendre avoit mise sa cure : Sa joie li torna à grant dolor obscure.

Du leu Tesluet partir, qu'il n'i pot plus remaindre^ Sa char li commença à pâlir et à taindre. Lors se prist en son cuer durement à complaindre ; N'ot vile ne maison où il péust remaindre :

' C'csi-à-dire de raconter des histoires à des auditeurs généreux.

« Hélas! dolans, dist-il, corn dure destinée Quant m'en convient fouir en estrange contrée l Et si ne métrai hors ne lance ne espée : Vous me veilliez aidier, sainte Virge honorée! »

Toute jor chevaucha ; bien H dut ennuier. Dedens .i. bois entra grant et lonc et plenier^ El mileu de ce bois r'ataint .i. escuier Triste etdolant de cuer, n'i ot que corroucier.

Le chevalier l'apelle, et si l'araisonna : ♦ Amis, celi te gart qui le monde forma! » Respond li escuiers : « Il ne m'aidera jà; Bien me sui percéu que onques ne m'ama.

« Tai le miea despendu et gasté par folie;

Si ne m'en est reniez vaillant une aillie.

Or m'en convient fouir tous seulz sans compaignie,

Et si ne sai mestier dont me chevisse mie.

« Larron et murtrier me convient devenir : Je ne me puis mie de fain lessier morir. Bien sai que par ce tour me convendra venir : Se je truis compaignon, bien me cuide chevir. »

Respont le chevalier : « Compains avez trouvé. Aussi ai-je le mien despendu et gasté; Or m'en convient fouir tous seulz par povreté : Nous serons compaignons quant je t'ai retrouvé. »

— « Sire, dist l' escuier , vous soiez bien venus! Vos compains voudrai eslre, vos amis et vosdrus. »

i20 LE DIT DU CHEVALIER

Toute jor chevauchièrenl tant (jue jor ert faillus : Sous .i. arbre herbergent, ne chevauchièrenl plus.

Ne li uns ne li autres celé nuit ne menja. Prez sont de despérer; chascuns se dementa. L'ennemi les escoute, qui prendre les vouldra; S'il les puet acrochier, moult Joians en sera.

Devant eulz s'apparus, si les a à raison mis: « Seignor, comment vous est? ce dit li ennemis. "Vous avez tout perdu, et avoir et amis, Mendier vous convient. . . . *. *i^4 .

« C'est grant meschief à faire quant apris ne l'avez. Se vous me volez croire, je vous donrai assez. Que vous prendrez avoir partout où vous voudrez Ne jamais en prison retenus ne serez :

« De tous les leus du monde je vous dëliverrai.» Si dit le chevalier : « Et je vous servirai. Et de cuer et de corps homage vous ferai . » Et l'ennemi respont : « Et assez te donrai ;

« Mais que Dieu et sa mère te convient renoier ; Tous sains et toutes saintes, il ne t'aront mestier. » — «Sire, dit l'escuier, de gré et volontiers Je les renoierai tous, qu'il ne m'ont mestiet*. »

Moult fu fol l'escuier et de mauvais coragc ; Quar l'ennemi a pris, ce fu par son outrage. Au chevalier a dit : « Vien, si me fais homage Et je te rendrai tout tantost ton héritage. »

ET DE L'ESCLIER. 121

Respond le chevalier: «Volentiers lieiiient. »

— «Renoie Dieu, fait-il, trestout premièrement. Tous sains et toutes saintes tost et isnelement ; Fais-le, se tu m'en crois, et tantost erramment, Et je te renderai trestout ton tenement ' . »

— « Je les renoie tous, je sui de ta mesnie. » Respont li ennemis: « Tu ne fais pas folie; Je le donrai honour et grande seignorie

Se tu as renoié aussi sainte Marie. »

Respont le chevalier : « Ce ne ferai-je jà, Que je renoie celé qui le cors Dieu porta, Qui la perte du monde par son corps restera Et la pais et l'amour de son Fil nous donna.

« H te doit bien souffire quant j'ai Dieu renoié , Tous sains et toutes saintes; je sui jà en péchié. Et de cuer et de bouche je le t'ai otroié: Lesse ester Nostre-Dame ; trop m'auras engingnié. »

Respont li ennemis : « Tu seras mendians ; Se tu ne la renoies, seras povres truhans : Et s' as Dieu renoié qui te sera grevans. »

— « Sire, dit l'escuier, faites-li ses convans. »

Respont le chevalier : « Par ma foy ! non ferai ; Jà jor de ma vie ne le renierai ; La Royne des ciex, jà tant ne mefferai. Se j'ai Dieu renoié, à celé me tcnrai :

> Celle slrophc a cinq vers au Ms. comme ici.

C'est celé qui puet tous à son Fil r'acorder. » Li ennemis voit bien qu'il ne le puet mener A ce qu'il la renoie; ne le puet engignier. De mal talent s'en torne, si le lessa ester.

Dolant fu l'ennemi quant ainsi le perdi : Si emmena celui qui à li se rendi.

Le chevalier demeure, qui cuer ot esbahi ; Tout droit à l'adjorner, hors du bois s'en issy,

Quant il fu hors du bois devant lui esgarda Et vit .i. biau chastel ; une chapelle y a. Au plus tost que il pot celé part s'en torna; Por saluer la Yirge ileques s'arresta..

Quant il y fu venu, si issi de la celle, Son palefroy atache au rai d'une saucele,. Tost et isnelement entra en la chapelle, Et a véu l'y mage de la Yirge pucele.

Devant li s'agenoille, et merci li cria,

Et de cuer et de bouche forment le réclama.

Li sires du chastel par matin se leva,

Et lui et sa mesniée en la chapelle entra.

Quant il vît le cheval si se va merveillant; Le chevalier entent mult tendrement plorant.

L po se trest arrières por véoir son samblant.

Le chevalier esgarde qui rcqueroit merci. « Douce Dame, fait-il, aiez merci de mi!

ET DE L'ESCUIEU. 423

J'ai vo Fil renoié, l'ennemi m'a Irai;

Tous sains et toutes saintes ay renoié aussi :

« Ne sai où retourner se je n'ai vostre aieuë ; Que j'ai Dieu renoié, si ai m'âme perdue. » A yceste parole a sa corpe batue; L'yaue du cuer li est parmi les yex courue.

L'ymage de son lieu maintenant dévala , Et de son euevrecliief le vis lui essuia ; Maintes lermes reçut qui du chief li coula. Le sire du chastel le vit et esgarda.

Il a véu l'ymage devant lui en présant

Qui le reconforta bel et cortoisement :

« Amis, dist Nostre-Dame, ne t'esmaie noient ;

Je te r'acorderai à mon Fil vraiement,

Et si auras par tans honour et richeté. » Puis remonte en son leu quant l'ot reconforté. Li sires du chastel a tout ce regardé : Bien pense que en li a aucune bonté.

Un po se trest arrière, et tousi et parla : Le chevalier l'entent, sus ses piez se leva : Li sires l'araisonne et si l'en apela.

Et cil li respont bel, qui très bien apris l'a.

Li sires l'en apelle, si l'a mis à raison :

« Amis, dont estes-vous? N'i faites restoison. »

Et cil li respondi bêlement à bas son :

« Sire, .i. chevalier sui de moult povrc rcnon ;

« Je suî .i. chevalier du tout déshéritez. »

— « Amis, ce dit li sires, gardez ne me celez. Fcustes-vous onques à famé mariez? »

— « Nennil, sire, dist-il; onques n'i fu doncz. »

— « Et si avez dès jà vostre terre perdue? Est passée l'anée que elle fu perdue? »

— « Nennil, sire, dist-il; bien seroil secorue Se j'eusse deniers dont féust secorue. »

— « Amis, ce dist li sires, je vous en bailleré,. Et avoir et deniers à plenté vous donrai; S'ay une belle fdle qu'à famé vous donrai.

Et de toute ma terre chevetain vous ferai. »

— « Sire, pour Dieu merci, fait-il, ne me moquiez Je sui tristes de cuer, dolans et courrouciez. »

— « Amis, ce dit li sires, or ne vous esmaiez : Vous estes, se Dieu plest, à bon port arrivez.

« Soiez certains et lis envis vous moqueroie. Laissiez ester le duel, et si démenez joie En l'onnor Nostre-Dame, qui si bien vous avoie. Et de cuer et de bouche le don vous en otroie. »

Cil si l'en mercie, qui la raison agrée : A iceste parole a sa fille mandée ; Si li donna à famé et il l'a espousée. Et l'onnor de sa terre li a toute donnée ;

Et avoirs et deniers à plenté li bailla ; Dont sa terre reçut et si le rachata,

ET DE L'ESCUIER. i25

Et fu hoir de sa terre. Li sires trespassa : La Roy ne des ciex ces biens li pourchaça.

Pour ce qu'il la servi ot-il bon guerredon ; Cil qui la renoia fist trop grant mesproison, Com vous orrez conter à petit d'achoison, Comment li ennemis li fist la traïson.

Lonc temps ala par terre, des maulz ot-il assez ,

Et tant que il fu pris à .i. fait atrapez,

Et fu estroit liez, et fu emprisonnez.

Et fu jugiez à pendre, que il fu pris prouvez. .

Quant il fu en prison durement se doubla Que il ne fust pendus, l'ennemi appella. Et le mauvais y vint tantost qu'il le hucha : <( Maistres, car aidiez-moi ou l'en me pendra jà. »

Kespont li ennemis ; « Je te déliverrai. Vez cy le hanap d'or que je te baillerai , Et .iiij. besans d'or aveques te donrai. Tien, met tout en ton sain, fai ce que te dirai.

« Quant le bailli t'aura devant li en présent Et il te voudra prendre por faire jugement, Donne-li cest avoir pour ton délivrement; Et il est convoiteus et d'or fin et d'argent,

« 11 te (Jéli verra, saches par vérité. » Cil a pris le hanap, en son sain l'a bouté, Et les .iiij. fermaus forment l'ont agréé. A iceste parole l'a li bailjis mandé.

i26 LE DIT DU CHEVALIER

« Amis, dist H baillis, il te convient niorir; 11 n'est bons, fors que Diex, qui t'en puist garantir; Dis-moi tost tes meffais, tu les dois bien gcbir. * Au borriau le bailla qui le doit mainburnir.

« Sire, dist l'escuier, ains m*en lairez aler; l. jouel ay moult riche que je vousveil donner: Il vault .Ix. livres, ne vous estuet doubter. Je le vous baillerai, faites-moi délivrer. »

— « Or tost, dist le baillis, fait errant, monstre çà. » Cil mist main à son sain et trouver le cuida,

Et il trueve .i. chevestre; de son sain le sacha; Quant li baillis le voit il s'en rit et gaba.

« Hélas! dist l'escuier, l'ennemi m'a trahi. »

— « Par foy ! dist li baiUis, et tu m'as bien servis ! » En son col le laça, au bourriau le tendi

Qui le mena aus forches et puis si le pendi.

L'ennemi se tint prez, ne le vault esloignier; Quant Fâme issi du corps, il ne la volt lessier: Il la porte en enfer là-dedens herbergier. Ainsihques vouldroit-il tout le monde esloignier.

Or fu de son service à duel et à doulour. Ainsi est-il servis qui sert mauvais seignor; Mais qui sert Nostre-Dame, celé dame d'onour, Il ne puet en ce siècle certes servir meilleur.

Jehan de Saint-Quentin dit qu'elle en doit servir; On puet de son service à grant honor venir :