CI COMMENCE
£t Bit k ilTcrlin iWfllot
Ms. 498 N.-D.
Pour ceulz qui se desroient trop outrageusement Quant li Sires des ciex, qui ne faut ne ne ment, Des avoirs terriens leur preste largement, Vous dirai un example à tous généraument.
Mais il sont moult ceulz qui n'i veulent entendre, Ains veulent en cest siècle si grantorgucil emprendrc Que par leur avoir veulent tous leurs amis souprendre Et ne leur samble pas jamais puissent descendre,
Jusqu'à tant que Fortune de sa roe l'abat, Ou Diex par maladie de sa verge le bat. Lors vaut pou son déduit, son avoir, son barat; Ainz est triste et dolent, humilieus et mal.
Fortune tu es ruste : maint orgueilleus asommes; Se nous sommes hui sain, demain pas ne le sommes. De cest proverbe-ci descendrai sur .ij. hommes Qui aloient au bois bûche quérir leur sommes.
Ces hommes que je di estoient artiier, Et s' estoient voisin au temps çà en arrier.
Chascun avoit .i. asne qui leur out grant mestier : Leur somme ne povoient vendre que .vj. denier.
Li uns de ces âniers femme et enfans avoit , Par quoi plus grant despens faire li convenoit. 11 se levoit matin et moult tart se couchoit; Du soir pour le matin riens ne li demouroit.
Cil qui n'ot nulz enfanz si forment se hasta Qu'il ot avant sa somme, dont son asnecharga. Tost et isnelement à la ville s'en va; L'autre remesi el bois, qui fort se dementa.
L'autre remaint el bois, triste, pensîs et mas; Moult souvent se complaint et claime vilain las; « Diex! que porrai-je faire, sire saint Nicholas? Ma femme et mes enfans auront povre soûlas.
« Je méisme et ma beste si morrons hui de fain, Et si ne puis tenir ma sarpe de ma main. Laz ! et si n'ai denier de quoi nous aions pain ! Certes, c'est grant douleur au jour que naist vilain!
« Certes, vilain sui-je gatéis comme un ours. De touz les temps du monde sui-je nez en dccours : Ma femme et mes enfans aront povre secours; Quantm'enyraisanzbûcheduel auront et courons.»
Ainsi con li vilains par lui se démentoit, Une voiz l'apella qui pitié en avoit , Et li a demandé pourquoi se complaingnoit; Le vilain li raconte son estât orendioit.
130 LE Drr DE MERLIN MELLOT.
La voiz li respondi, qui en ot grant pitc: « Se je t'avoie jà de povreté geté, Serviroies-tu de cucr la sainte Trinité Et ameras les povres en fine charité? »
— « Oïl, dist le vilain, sachiez certainement. ^
— « Or va à ton hostel tost et apertement : Au bout de ton courtil souz .i. séu vraiement Trouveras grant trésor; voirs est, pas ne te ment. »
Quant l'entent le vilain, si li a fait enclin :
« Sire, quel non avez? » — « On m'apelle Merlin. »
— « A! mon seigneur Merlin, je me met au chemin: Je vôtis commant à Dieu, qui de l'yaust fist vin. »
— « Va-t'en; or y parra comment te maintendras Et comment Jhésu-Grist à servir entendras. D'ui cest jour en .i. an yci à moi venras;
De toi, de ton estât le conte me rendras. »
— « Monseignour , granz mercis! Je vendrai volentiers.» Lors s'en parti du bois sanz bûche li âniers. Quant sa femme le voit, contre li va luiliers;
Le vilain li a ris, qui n'en fu pas rentiers.
Quant elle le vit rire, à poi que n'est dervée ; Elle li dist: «Vilain, as-tu bourse trouvée? Que mengerons-nous hui tout en ceste journée? Quant tu t'en viens sanz bûche, ci a fort destinée. »
— « Ma suer, vous me blasmez ; ne faites pas savoir: Par temps arons richesce, se Dieu plaist, et avoir;
Les sommes à porter porront bien remanoir. »
— « Et où sera ce pris? di-le, je veul savoir. »
— «Au bout de cest courtii, droit dessouz .i. séur; C'est .i. arbre qui est en septembre méur. »
— « Devant que le verrai ne serai asséur. > Lors pristrent pic et houe pour quérir leur éur.
Tant fouirent en terre que le trésor trouvèrent. Quant il orent trouvé, grant joie démenèrent: Cel an tout coiement bêlement s'eslevèrent ; Mais onques pour ce Dieu ne povix3 plus n'amèrent.
L'ânier, par couverture, le mois au bois ala. Une foiz quant fu riche cliascun forment l'ama ; Tel ne li apartint qui cousin le clama. Au chief de l'an après à la vois retourna.
Ainsi est-il du monde à la journée d'ui;
Car le povre homs n'est connéu de nului,
Mais quant il devient riche, maint s'en viennent à lui
Que li dient : « Cousin, de vo lignage sui. »
Li âniers va au bois, souz le buisson se boute; S il oïst la vois moult oreille et escoute :
— «lia! mon seigneur MerHn, où m'espérance est toute, Venez parler à moi ; moult vous aime et redoute. »
~« Vez meci, biaxamis. Que veulz-tu? comment t'est? »
— « Bien , monseigneur Merlin ; moult m'avez biau conquest Donné, dont ma maisnie moult bien nourri et vest; Monavoir, ma richesce,trestouz les jourz mecrest. *
i32 LE DIT DE MERLIN MELLOT.
—tCeveul-je, biauz amis. Que ^'eus-tu ? di-le tosl. »
— «A! monseigneur Merlin, que je fusse prévost De la ville où demeure.» — «Tu le seras tantost, Dedenz .xl. jourz. Soiez douz et dcvost. »
— « Monseigneur, grant mercis ! ci a noble secours. » Le vilain à la vile s'en est venuz le cours :
Eslut fu à prévost dedenz .xl. jours,
Mais envers povre gent fu despiteuz et leurs.
Les riches honnoura, si estoit son cousin. Le povre ânier foula, qui estoit son cousin; Pardespit l'apella souvent vilain mastin, Que jamais ne cuidast qu'il venist à déclin.
A la seconde année se remist au chemin ; Et quant il vint au bois, si dist: « Sire Merlin, Venez parler à moi ; je vous aim de cuer fin. Où estes-vous alez, je vous pri de cuer fin? »
— a Yez me ci ; que veulz-tu ?» — « Je vous veul déprier Que mon filz, qui est clerc, que j'aim moult et tieng chier. De Blanqueberque évesque fust; je le te requier. Que l'évesque en fu mis en terre devant ier ;
« Si ra'aras à touz jourz délivré de grant paine. »
— « Va-t'en; il le sera dedenz la quarantaine. » Le vilain s'en retorne qui grant joie demaine; Mais il ne pot laissier sa coustume vilainne.
Qu'il ne fust vers les povres enfrun, rudes et leurs : Son filz si fu évesques dedcns .xl. jours.
Lors sembla au vilain , quant il ot tel secours, Que jamais n'averoit ne paine ne doulours.
La voiz vint au vilain briément sanz demourée, Et li a dit : « Preudons, que te plaist et agrée? >>
— « Je vous pri que ma fille puist estre mariée Au (ilz du grant prévost que Ten dit d'Aquilée,
« Qu'elle est belle et plaisant et gracieuse et sage, Courtoise à toute gent, en li n'a point d'outrage. »
— « Dedenz^ .xl. jours iert fait ce mariage,
Dist la voiz au vilain ; sert Dieu de bon courage. »
Tout ainssi li avint comme la vois li dist : Dedenz .xl. jours à femme la requist.
Volentiers li donna, point ne li contredist ; En celui mariage grant lignage conquist.
Ce quant lé vilain vit que il fu si montez, Onques n'en rendi Dieu ne grâce ne bontez ; Ainçoiz dist à sa femme : « Or sui-ge surmontez. Car mon filz est évesque, sus touz sui honourez. »
Le vilain meschéant fel fu et plain de rage; Si a dit à sa femme : « Plus n'irai au boscage Pour parler à la vois : j'ai assez héritage, Si sui riche d'amis, d'avoir et de lignage. »
> Je crois qu il manque ici une strophe : c est celle dans'laqucUe le vilain appelait son prolecleur I^erlin tout court.
i34 LE DIT DE MERLIN MELLOT.
— « Si ferez, dist sa femme; vous en yrez au bois Quant l'an sera passé pour parler à la voiz.
Bel et courtoisement à li congié penrois, Et li dites moult bien à li plus ne venrois. »
Le vilain, qui nul bien ne nule honour ne sot, Quant l'an si fu passez, au plus tost que il pot Monte sur .i. cheval, .ij. serjanz o li ot ; Au bois s'en est venuz, si apella Mellot.
Par grant outrecuidance Mellot l'a appelle;
La voiz saut sur .i. arbre, si à lui a parlé.
Le vilain li a dist : « Pourquoi es haut monté? »
— « Pour ce que ton cheval m'éust tost défoulé. »
Le vilain li a dit par sa maie aventure, Com cil qui estoit plains de mauvaise nature : « Mellot, je pren congié; je n'ai plus de toi cure. Car je sui riches homs d'avoir à desmesure. »
La voiz li respondi : « Vilain fus, vilain soies. Il ne t'anuioit pas quant tu au bois venoies. Ton asne devant toi , et tes sommes vendoies Chascune .vj. deniers, plus avoir n'en pooies.
« A la première année venis moi faire enclin ; Doucement m'apellaz : Ha ! mon seignour Merlin; Mais la seconde année fu ton cuer si mastin Que tu me déis sire por moi mètre à déclin.
« Ton fel cuer orgueilleus plus celer ne se pot : Puis m'apellas Merlin, or m'apelles Mellot,
LE DIT DE MERLIN MELLOT. ÏS^
Je te di de certain, briémcnt à .i. seul mot, Conques en toi bonté ne courtoisie n'ot.
« Or samble que tu soies roy d'une royauté. Vers Dieu et vers les povres as fait desloiauté ; Tu as esté vilain plain de grant cruauté : Briément te ferai povre. Ce sera loiauté* »
Le vilain s'e» retourne, à qui il n'en chalut; De ce que la voiz dist, certes riens il ne crut ; Mais sa fille et son filz en poi de temps morut ; De la mortalité durement se dolut.
Onques son grant orgueil pour cela n'oublia, Car en sa grant richesce durement se fia. Son seignour terrien .i. autre guerroia : Son meuble y despendi , dont moult li anuia.
Quant sa guerre ot finée, si li failli deniers f Ses celiers trouva vuis et trestous ses greniers. Lors si fu endité que son prevost Reniers Si en avoit assez, mes n'estoit pas maniers
De faire courtoisie à nului ne bonté.
Le sire respondi : « Du mien est haut monté. Il n'a pas de mes rentes s'anée à moi conté ; Mais je l'aurai tantost s-'il me plaist desmonlé.»
Le sire le manda ; m. livres li requist. Le vilain respondi voiant touz , et H dist Qu'il n'avoit nus deniers, que ailleurs en quérist. Le sire fu dolant quant il le contredist;
Car il li toli tout, mueblcs et héritages. Quant ce voit le vilain à poi que il n'esrage; Car il li toli tout , et rentes et mainnages : Lors se plaint tout à droit de son vilain doniage :
« Hélaz , dit le vilain, j'ai perdu mon avoir! Et mes enfanz aussi, dont fusse en grant pooir. N'ai pas créu la voiz , si n'ai pas fait savoir : Je m'en puis orendroit trop tart apercevoir.
« Je voudroie morir quant de moi me souvient : Car l'un meschief sus l'autre soudainnemcnt me vient . Pour faire mon labour .i. asne me convient: Maudite soit la vie qui sus terre me tient! »
Le vilain meschéant (ist tant qu'il ot deniers Dont .i. asne acheta; s'ala au bois arriers^ Car tel a voit esté son usage premiers; En celle povreté se morut li âniers.
Je puis bien tele gent au chien comparagier : Quant lechienacharoigneplusqu' il n'en puetmengier L autre ne lairoit par-devant li rungier, Ainz l'abaie et rechine com déust esragier.
En cest example-ci doit bien chascun entendre Ceuz qui grant orgueil veulent en cest monde entreprendre 5 Car Diex les fait tantost du haut au baz descendre : Qui bien sages seroit, il devroit à entendre.
Et por ce se doit-on mener si sagement ,
Quant Diex des biens nous donne assez et largement,
Que nous ouvrons au monde et vers Dieu sagement: Jhésu-Crist ait nos âmes au jor du jugement!
Explicit Merlin Mellot.
£t Bit bu |Î0urt Cl)fuûlter.
Ms. 198 N.-D.
Tous ceulz qui volenliers oient de Dieu parler,. Et de sa douce Mère, qui tant a le cuer ber, A ceulz qui le reclaimment fet paier loier Dieu, Qui ne se puéent plaindre au départir du lieu ;
Por ce que Nostre-Dame scet paier largement, Yirge, metez-m'en tète à monstrer plainement Les miracles qu'il fait à tous communément Qui la veulent servir de cuer parfaitement.
Un chevalier fu jà qui ot grant héritage : Tout l'avoit despendu, gasté et mis en gage; En folement despendre mestoit tout son usage ; Mais sa famé espousée estoit tout d'autre usage.
Sage fu et cortoise et de bêle manière ;
De servir Nostre-Dame n'estoit onques lanière :
Povre gens saluoit et fliisoit bêle chière;
De faire des aumosnes estoit bien coustumière.
Le chevalier faisoit du tout cestui contraire. Tant haoit sainte Yglise qu'il ne s'i vouloit traire;
LE DIT DU POVRt: CHEVALIER. 139
Ains alast au bordel une folie faire,
Ne féist une chose qui à Dieu péust plaire.
Quant ot tout despendu, povres fu et chélis; Il fu de ses amis â merveilles hays.
De son pays se part dolans et esbahis : A rencontre de li revint li ennemis
En guise d'un bel homme et moult très bien vcstu. Le chevaher apèle: a Biaus amis, que quicrs-tu? Bien pert à ton samblant que tu es irascu. Je croi que tu es povres; le tien as despendu.»
— « Certes, vous dites voir. Je ne sai que je face : Je n'ai si bon ami qui forment ne me chasse
A noier ou à pendre; chascuns d'eulz me menace. Tant sui povres et las ne puis lever la face. »
Respont li ennemis : « S'afier me voloies De ce jor en avant que tu m'ameneroies Ta famé espousse issi en ces .ij. voies: (sic.) Plus que n'as despendu en petit temps aroies.»
Respont le chevalier : « Et je le vous créant, Car je l'i amenrai trestout certainement. »
— « Or vas à ton hostel; ne t'esmaic noient: Assez y trouveras et rouge et blanc argent.»
Le chevalier s'en torne, qui plus n'i demora; De venir à Tostel durement se hasta.
Deniers, chevaus et robes à grant plentc trouva: Quant l'avoir aperçoit forment li agréa.
Des despens qu'il mena fu grant la renommée; Chascims s*en merveilla par toute la contrée. L'autr'ier estoit si povres, c'est vérité provée, Ne li créust de pain .i. boulengier denrée.
Une nuit fu alez le chevalier couchier; Du terme li souvint, qu'il véoit aprochier. Lors se prist en son cuer forment à esmaier : « Hélas! dolant, dist-il, com porrai esploitier? >^
La dame Tentendi qui ne se dormoit mie. Son seignor apella qui menoit maie vie: « Sire, porquoi plorez toute nuit anuitie? Avez- vous se bien non? ne le me celez mie. >^
— « Demain aura .i. an, bien vous en puet membrer,. Si com je m'en cuidoie de cest païs aler,
A rencontre de moy se mist .i. bacheler: Cest avoir me donna, ne le vous quier celer.
« Par yceste manière li ai ma foy plevie
Que je vous y menrai sans plus de compaignie.
Ce fu li ennemis, ne le mescréez mie,
Qui vous cuide destruire et traire à sa partie. »
— « Or ne vous estuet plus de cest fait esmaier, Car g'irai avec vous por vo foy aquitier.
Je pri la mère Dieu qu'ele nous veille aidier Encontre l'ennemi qui nous cuide engingnier. »
Le chevalier se liève lendemain par matin 5 Entre lui et sa famé se metent au chemin.
LE DIT DU POVRE CHEVALIER. iU
Cilz Sires le conduie qui de Tyaue fist vin, Car se'l ne les deffent, trouvé ont mal voisin.
Si comme il chevauchoient ambedeus seulement, La dame regarda devant li .i. pendant.
Et vit une chapelle cortoise et avenant Où le prestre chantoit la messe hautement.
Quant la dame l'oy, forment li agréa;
Le resne du cheval celé part trestourna.
Son seignor li demande: « Dame, où alez-vous là?»
— « Je vais au sacrement, assez tost fait sera.
« Or venez avec moy, si vous deffendrez miex Encontre l'ennemi, qui tant est enviex. » Respont le chevalier : « Le convenent fu tiex N'entcrroie en moustier, ne baiseroie autiex.
« Dame, alez-y tost et ne demorez mie : Priez la mère Dieu qu'el nous soit en aye. S'ele ne nous deffent, la chose est si baillie De nous .ij. défaudra en ce jor compaignie. »
A ce mot, descend! la dame de la celé; Tost et isnelement entra en la chapelle. Dieu pria de bon cuer et la Yirge pucelle Que contre l'ennemi li garde sa querelle.
Si com la bone dame estoit en oroison, Nostre-Dame descent, tout dans celé façon Comme la dame estoit; ne la connut nulz hon. Au chevalier a dit: « Faites tost, si mouton. »
i42 LE DIT DU POVRE CHEVALIER.
— « Dame, moult volentiers; mais j*ai moult grant doulance Que de nous .ij. ne soit j^ar temps la dessevrance. »
— « Vous n'estes pas bien sage, s'avez foie créance; Diex nous y aidera, g'y ai moult grant fiance. »
Le chevalier chevauche, devant li Nostrc-Dame ; 11 ne la connut mie, cuidast que fust sa famé. Grant pièce chevauchièrent, n'encontrèrent nuleâme En trestout leur chemin c*un homme et une famé.
Tant chevauchent ensamble qu'il vindrent assez prez Du lieu et de la place où estoit li mauves. Qui de grever la dame estoit forment engrez ; Mais il ne l'aura mie ; courroucié ert de prez ;
Car Nostre-Dame vient, mais il ne le scet mie; Non fait le chevalier qui li tient compaignie. En la place descendent où la foy fu baillie : Quant li mauvais les voit, à haute vois s'escrie ;
Au chevalier a dit à moult grant alenée: « Hostes-moi ceste famé que tu m'as amenée. Car ce n'est pas la dame que tu as espousée. Seur toute riens la hé : tu m'as ta foy faussée ;
«Mais soies tous certains tu t'en repentiras, Et bien prochainement, si que tu le verras. » De la place s'en tourne, que n'i demora pas; Par son manoir s'en torne, si le gete en .i. tas.
Le chevalier s'en torne, durement s'esbahi : « Dame, qui estes-vous? de mort m'avez guéri.
N'estes-vous pas la dame qu'espousai et plevi ? »
— « Nennil, faus chevalier; por s'amor vins issy. »
— « Où estdonques la dame? pour Dieu, rendez-le-moy; Je vous jur et créant jamais mal ne feroy
Dont me puisse garder tant comme je vivrai. » Et respont Nostre-Dame.cEt je la te rendrai.»
De la place s'en torne, n'i fait plus demorée; En la chapelle vindrent, où la dame ont trouvée, Qui pardevant l'ymage estoit agenoilliée; De l'yaue de son cuer ot sa face moilliée.
Nostre-Dame les lesse, es ciex s'en remonta. La Dame se relorne, son seignor regarda. Quant lès lui l'aperçut tantost li demanda : « Sire, demeuré-je por vous aquiter là ? »
— «Certes, dame, nennil; moult bien m'a aquité La douce mère Dieu por la vostre amisté; El-méesme son corps a avec moi esté.
Dont le mal vais m'a dit que j'ai fait fausseté.
« Si me veille-el aidier ! Je ne 1' savoie mie Qu ele fust avec moy ne en ma compaignie; Mais puis qu'ele m'a fait si très grant cortoisie, Je la vouldrai servir tous les jors de ma vie.»
— « Sire, vous avez droit et si est bien raison, Car qui la sert de cuer il a bon guerrcdon; Mais qui sert l'ennemi , qui ne fait se mal non , Il en a en la (in le honni du baston.»
iAA LE DIT DU POVRE CHEVALIER.
—«Certes, vous dites voir; bien m'en sui aperccu; Car por la vostre amor m'a grant mestier héu Encontre l'ennemi qui m'avoit decéu, Se ne fust le service qu'el' a de vous héu. »
Ainsi fu garanti le povre chevalier Qui de folie faire estoit bien coustumier. Que l'ennemi cuida décevoir par deniers ; Mais la Dame n'ot cure, tout H rendi arriéra.
Or prions de bon cuer à la Virge Marie, Qui au chevalier fist bonté et cortoisie, Que chascuns et chascune l'ait si à gré servie Que nous aions des ciex la sainte compaignie. Anien,
Explicit le Povre Clievalier.
£t Bit àfs À\. (!tl)cualtcr9,
Ms. 198 N.-D.
A toutes bonnes gens ne devroit pas desplaire Oyr de Noslre-Damebon example relraire, Car on y puet des corps les âmes sauves faire ; A ceulz à qui desplest doit torner à contraire.
Par bon example oïr se puet l'en amender 5 Et vous en voudra dire, se V volez escouter, Comment la douce Dame sot ses amis garder Du mauvais, qui les veult tous prendre et engignier.
Quant plus est home et famé vers Dieu humilieus Et vers sa douce mère de grâce gracieus. Plus est li ennemis d'engingnier curieus; Ne si n'en sera jà jour ne nuit oublions.
Il nous est tesmoignié en la sainte Escripture Ij. chevaliers estoient : li uns, plains de luxure. En amer Dieu ne saint ne mist onques sa cure. Ne à la mère Dieu, qui est et nete et pure.
Certes mal l'en avint, ainsi com vous orrez Se je en sui de vous créu ne escoutez. I. 10
De Fautre chevalier avant parler orrez ,
Qui moult estoit preudoms de Nostre-Dame amcz.
Il estoit moult vaillant et plain de bone vie^ Si avoit Nostre-Dame honorée et servie.
En son vivant li fu sa grant bonté aïe Encore miex assez que s' âme en fu guérie.
'Ces .ij. chevahers furent andeulz de grant renon : 11 s*entr'amèrent moult , si furent compaignon ; Mais li preudons à Tautre mouvoit souvent tençon, S'il le vousisl croire, de sa salvation.
Entre les .ij. maisons près d'une liue avoit De bois grant et foillu qui à eulz .ij. estoit; Mais li preudoms souvent par grant amour venoil A Tautre : de bien faire souvent l'admonestoit.
Un jor furent ensamble andeus li compaignon. Li preudoms dist à l'autre par bone entention : « Sire compains, por Dieu qui souffri passion, Muez vostre corage à bien comme preudom. »
Et l'autre respondi une folie grant :
« Sire compains, dist-il, qui m'alez préechant,
Tant com serai jones m'irai-je déduiant,
Et quant je serai viel m'irai convertissant. »
Li preudoms respondi : « Or est-ce trop mal dit ; Nous n'avons de nos vies .i. seul jor de respit, Se la mort nous queure sus, de nos biens fais petit De monstrer devant Dieu. » Lors ot cil grant despit.
Moult corrouciez li dist : « Trop sarmonez de fable; Taisiez-vous, de par Dieu ou de parle déableî Vostre sermon hui mes ne tendrai à estable. »
— « Ce poise-moi, dist l'autre, par Dieu l'espéri table! »
Le preudon chevalier à son hostcl ala ; A Dieu son compaignon doucement commanda j De ce qu'il li ot dit point ne s'en corrouça, Ainçois prie por li, car moult forment l'ama.
Le preudom chevalier s'en ala maintenant-, Son compaignon lessa qui ot cuer de tirant. Tondis en sa jonece cuidoit estre vivant; Mais el li dura po, si comme orrez avant.
De sa maufarse vie forment li meschéi.
11 acoucha malades : point ne se repenti , N'il à prestre nis .i. ses péchiez ne jéhi , Ne à Dieu n'a sa mère ne cria-il merci.
Quant son compaignon ot dire qu'il fu au lit, A li s'en vint tout droit, qu'il n'i a pris respit :
— « Sire compains, por Dieu! li preudons li a dit, Confessez-vous, biau sire, recevez Jhésu-Crist. »
Une vois au malade si a dit erramment : « Ne te confesse pas, tu vivras longuement. » Le preudom chevalier ne l'entendi noient ; Car c'cstoit li malvais, qui de bien n'a talent.
Lors a dit le malade au chevalier preudon :
« C'est merveille de vous! lussiez vostre sermon.
Quant je serai guéris, miex saurai ma raison Dire à vostre curé et ma confession.
« Lcssiez-moi rejwser, si ferez c|uc cortois. * — « Volentiers, ce dit l'autre, car orendroi t m'en vois: Jhésu-Cris, qui fu mort por nous tous en la crois, Vous doinst tel repentance que n'en aiez ennois! »
Li prcudoms chevaliers s'en torna tout errant; A son hostel s'en vint, l'autre lessa gisant, Qui sousglout à la mort, et le va si hastant Que jamais à provoire ne s'ira confessant.
Tant le hurta la mort qu'il trespassa de vie; Chascun de ses parens le pleure et brait et crie. L'ennemi fu moult prez, qui l'âme en«a«aisie; Moult liez fu et joians quant en ot la mestrie.
Li parent ont le corsiantost enseveli ; Si fort a l'en sonné li bois en retentit. Le preudom chevalier/de son hostel l'oy : Lors se porpensa bien que c'estoit pour celi
Que il avoit lessié dedens son Ijt gisant. Lors dist en son corage, doucement souspirant : « Mère Dieu , je vous pri , faites por moy itant Que de l'âme de U sache le convenant. »
Lors s'apparut à lui la Virge Dieu Marie, Qui des anges avoit moult bêle compaignie Clers luisans comme flambe, jet, la Virge Marie Comme soleil sus lune par dessus eulz flambie.
LE DIT DES .II. CHEVALIERS. liO
Quant li preudoms les voit, si s'esbahi forment, Et la Virge pucele i'apele doucement :
« Amis, tu t'esbahis, mais monte isnelement Dessus ton palefroy, si t'en va errammentj
« Parmi ce bois, amis, tout droit chevaucheras : L'âme ton compaignon de certain trouveras. De chose que tu trueves tu ne t'esbahiras; A tous jors bon example prendre tu y porras. »
— « Dame, dist li preudons, benoîte soies-tu ! A toi m'âme et mon cors commans et à Jhésu. » Lors monte isnelement, ne s'i est arrestu; Parmi le bois chevauche, qui fu grant et foillu.
Li preudons si n'ot pas demie-lieu aie Qu'il a enmi le bois le malvais encontre En guise d'un noir moine, sachiez de vérité. Quant li preudons le voit, si l'a hajult salué
De celé sainte Dame (jui le cors^ Dieu porta. « Tès-toi, dist li mauves, ou il te mescherra; Ne veil point ton salu. » Li preudons se saigna. « Or n'ai pooir vers toi, » Tennemi dit li a.
Li preudons li demande : « Et (juele créature Es-tu, qui du salut Nostre-Dame n'as cure? « Dist li mauvais : « Je sui de la maison obscure Qui a à non Enfer, où tant a de laidure. »
— «Comment! dit li preudons; j'ai souvent oy dire Que qui entre en enfer, il n'a meslier de mire
Qui l'en puisse geler; et il a tant martyre
Cuer ne 1* porroit penser ne main de clerc escrire.
« Comment es-tu issus de Tinfernal maison? »
— « Par foy ! disl li mauves, jà ne t'en menliron : Enfer portons o nous partout où nous alons, Aussi cruel et plus que se nous y fussion;
« Et que tu miex me croies, \ois-tu or mon chapel, Qu*a .iij. piez et plus du bas dusqu'au coupel? Plus est pesant d'assez que la tour de Babel. »
— « Par foy ! dist li preudons, sy a pesant fessel! »
— « Tu dis voir, chevalier ; le faissel est pesant : Sueur me fait suer chaude com pions boulant. »
— « Hé Diex ! dist li preudons, cy a merveille granl, Car le pions quant il bout si est trestout ardant. »
Li mauvais li a dit : « Or met ta main de çà. » Li preudons li tendi, une goûte en vola, Par le fons de la paume tout oultre li passa. « Cy a povre sueur, » le preudons dit li a.
« Encor, dist li mauvais, ne scés-tu le lorment Qui est dessous ma chape, que je sueffre gricment. » Lors a levé le pan de la chape erra m ment : Feu et flambe en sailli si très crueusement
Que la moitié du bois devant lui embrasa; Fueille, branche ne tige onques n'i demoura. C'estoit le bois au mors que déables emporta, L'autre fu au preudomme, onques feu n'i toucha ;
LE DIT DES .H. CHEVALIERS. i51
Le malvais a le pan de sa chape avalé, Et li preudons li a maintenant demandé Porquoi il a le bois son compaignon gasté. « Par foi! dit li mauves, et je le te dire,
« Onques ton compaignon ne fist bien en sa vie; L'âme de li si est à la moie baillie : Pour ce ai-je sa part du bois toute grégie; La toie t'ai laissié, n'i claing point d'avorîe;
« Et si te dis-je bien, volentiers te nuiroie En toutes les manières que je onques porroie, Por ce que ton compains voloies mètre en voie De sa vie amender : nul gré ne t'en saroie;
« Mais la Dame des ciex moult bien le me deffent Que grever ne te puisse, car tu fais son talent. En li as bon escu, je te di vraiement, Et tous ceulz qui la servent de cuer entièrement *.»
Li preudons li respont : « Donc doi bien aourer Ycele sainte Dame qui si me veult garder. » — « Voire, dist li mauves; mais or te veil monstrer L'âme ton compaignon que soloies amer. »
Lors li a monstre l'âme qui fu son compaignon : L'une partie en fu noire corn mort charbon. Et l'autre plus rouge que n'est li vermeillon. Li preudons s'esbahi quant voit tele façon ;
A Tâme a demandé de la noire partie, Porquoi elle est si noire, ne qu'ele séncfie,
De la rougeur ausi que maintenant li die. L'âme li respondi : « Ne t'en mentirai mie ;
« De la voir, ce dit-elle, te dirai , chevalier : Je sui en ténébreur, à celer ne t'en (juier. Avec la ténébreur mon martyre est si fier Cuers ne le puet penser ne bouche devisier.
t De la rougeur ausi, scés-tu que sénefie? Le feu d'enfer m' art tout devers destre partie. Tant comme Diex sera j'aurai ceste haschie; Aumosne ne m'i vault ne prière c'on die.
« Se mon cors t'éust creu n'usse pas ce torment , Que tous jors soufferrai enfer crueuscment; Issi pués-tu bien prendre moult bon chastiement. 11 n'est nulz qui me puist racheter sauvement.
« Se ceulz qui sont au monde, grans et petis,estoient Prestres messes chantans, et chascun jor chantoienl Por moi .xxv. messes, et faire le pooient. De ceste grant doleur ne me rachateroient.
« A mes parens diras, je t'en pri , chevalier. Que ne facent pour moy messe dire en mousticr : Aumosnes ne prières ne m'auroient mestier. Or t'en vas; je m'en vois reçoivre mon loier. »
Le mauvais comme foudre maintenant s'en torna ; Le preudons chevalier aus parens s'en ala, Toute l'aventure dure leur raconta, Puis vint à son hostel,que il plus ne tarda.
LE DIT DES .11. CHEVALIERS. i53
Le preudons chevalier y pi ist grant exaniplaire De sa vie amender :ausi doit chascuns faire; Puis honora-il tant la Dame débonnaire Qu'il deservi la joie qui à tous bons esclaire.
Or prions cele Dame qui est et fille et mère De la prison nous gare qui tant par est amère, Que nous veille emporter à son Fil par prière, Et nous aions la joie qui tant est bêle et clère. Ainsi soit-il, amen; si ferons grant misère. Que Diex nous doinst venir es ciex avec no père! Amen,
Explicit le DU des Jj, Oievaliers.
£a Cl)acf îrou Cerf '<.
Ms. 7615.
11 sont aucun qui s'entremettent De rimer et grant paine i mettent:
Li un le font pour miex valoir, Et li autre pour miex avoir.
A amors se mellent li auquant % Mcint revont au tornoiement Chevaliers pour aus avancier :
L'uns vuet trère, l'autre lancier.
En plusors choses se déduit Loiaus cuers; sa foiz le conduit.
Tex i a qui aimment faucons, Espriviers et esmérillons ; Mes tex les porte sor son poig Qui au cuer en a pou de soig.
Cil qui de déduit s'entremet, Se il n'aime ce que il i met, Puet pou profitier et valoir .^ S'il estoit qu'il vousist savoir D'un déduit qui les autres passe:
Qu'il bien aprent, petit se lasse.
1 A la fin du tome II de la copie du Ms. 7615 (bibliothèque de l'Arsenal ) on trouve une traduction en prose de ce dit.
2 Quelques-uns ; en espagnol algun.
Je vous vuel bien faire à entendre,
N'uns n'enpire de bien a prendre :
Li déduiz est si souverains
Qui n'est roi ne cuens ne gaavains ',
S'il estoit vis et bien l'amoit,
Qui plus honorez n'en ceroit
De touz ciaus qui s'i enlendoient.
— Biau sire, se tuit le savoient, Yaudroit-il mains qu'il ne fet ore?
— Certes, ains vaudroit miex encore, Biaus dous amis, bien le sachiez.
— Dont vous pri-je que vous voilliez Dire devant touz quex il est.
— Certes, biaus douz amis, ce est Déduiz c'en a de chiens courans.
— Sire, mult seroie joians S'il vous plesoit à deviser Coument il en convient ouvrer; Mult volontiers l'escouteroie.
Se vous voliez aasantir '
A moi dire à coi il courront, Et comment il cognoisteront Quel beste je vourai chascier, Je vous an auroie plus chier Et vous an voudroie servir.
— Et je n'en quier jà mentir.
Car j'en sai bien la vérité :
Quant il auront l'iver esté
« Gaavains, Gauvain, héros c(;'lèbrc dans les romans, et dont le nom esl pris ici comme un tilrc de dignité, a Consentir.
i50 LA CHACE DOU CERF.
Au sangler, si les anreirai
Devant karesme, et si les fai
Bien séj orner et aasier ;
Et se tu trueves biau chacier,
Enz el karesme et sec et dur,
Au lièvre par aucun éur,
Si gart (jue n'i soit refusez;
Car il en auront niillors nez
Et l'alaine en amendront.
Et quant li arbre floriront ,
Que li prinstens aprochera,
Lors prens tes chiens et si t'en va
Là où tu Guideras trouver
Miex le serf, pour a us encharner ' ;
Et lor aie à ton pooir
Du serf à prendre et à avoir;
Et la cuiriée lor en fai
Mengier. Ancor le te dirai
Comment il te convient ouvrer:
Il te convient querre et trouver
