ET ALTRES PIÈCES INÉDITES

DES xn% xni% xiv^ et \t siècles.

£t Bit îif9 2lnelfg '.

Ms. i^m. N.-D.

Dieu et sa douce mère, que cliascun doit amer, Et le baron saint Jaque, de qui je veil parler, Veille sauver touz ceus qui voudront escouter I. merveilleus example, où bon feroit penser.

D'une moult noble dame, famé de chevalier, Que l'ennemi d'enfer fist soutilment glacier Enmi consentement de mortelment péchier, Mes ne fist pas le fet ou ne li voult laissier.

Non pourquant fait l'éust, mais n'en out pas laisir. Trop laidement vouloit son droit seigneur traïrj

• Ce dit est ainsi nommé parce qu'il y est question de petit» anneaux ( anelés).

*i LE DIT DES AiNELIÏS.

Mes puis s'en repenti; si l'en convint soufirir Crueuse pénitance, com vous porrez oïr.

^ ITlT/ .X J

Vous savez bien c'on dit en reprouvier souvent : « Qui est bien ne se mueve; mes qui à mal se sent, Tantost s'en doit getcr s'il est en aisément. » Je le vous di pour tant, belle très douce gent,

Que qui est en péchié tantost s'en doit issir : A cbéoir n'a pas bonté si grant comme en grsii'. Aucuns se laissent si en pécbié endurcir Que la grâce de Dieu ne puéent revenir.

En la guyse c'on dit du roi Antiocus, Qui cuidoit plus valoir que Dieu (iui est lassus : De trestous maus estoit garniz et revêtus, Ne prisoit tout le monde valissant .ij. festus.

11 voult les scrjanz Dieu en touz lieus tourmenter; Plus fausse créature ne povoit-on trouver. Jbérusalem cuida une foiz graventer, Mes le douz Roys des roys ne le voult endurer.

Dieu laisse bien régner à la foyz faus gloutons Et leurdonne des biens temporielz plusqu'aus bons; Mes en la fin ont-il de leur fais guerredons Ainsy comme le roy de qui nous vous parlons,

Qui fist parmi sa terre mander toute sa gent , Car le pueple de Dieu cuidoit mètre à torment. On dit (jue ceux qui suefrent assez et longuement, Que quant ce vient au fort trop ouvrent cruelment.

Tout en ce point fist Diex du roy que je vous dis : <iuant vit qu'en son malice estoit si endurcis, Un mal li envoia dont il fu si acquis Qu'il n outen tout son ost garson tant fust chetis

Qui s'aprochast de li pour nule riens vivant, Car son corps, qui estoit moult bel et avenant. Devint si très mesel et tant forment puant Que touz ceus d'entour li oloit enpulenlant;

Li méismes au cuer si grant meschief avoit De la propre puour qui de son corps issoit Qu'il li estoit avis que d'angoisse crevoit; Les vers de touz costés de li issir véoit.

Quant le meschéant roy tel destrece senti.

Bien crut que Diex estoit plus grant mestre de li.

Adonc de nostre Sire avoir cuida merci;

Mes donques n'en ot point : trop tart se repenti.

Ses membres li chaïrent trestouz par pourreture; Au déable fu s'âme et mourut en laidure. Touz ses meilleurs amis virent sa mort si sure Conques ne li aidicrent à avoir sépulture.

Es fosses fu getés en la guise d'un chien; Plus a .i. bons honnor, plus doit savoir de bien. Le chetif perdi s'âme et son corps et le sien : Ainssi va de celui qui Dieu ne prisent rien.

Qui orgueiileus se portent pour biautéou pour sens, Pour avoir ou pour force, ou pour leur fors parens.

Si voit-on au jour d'uy grant quantité de gons Que, quant il sont malades ou ont autres tormens.

Il croient trop bien Dieu et le vont réclamant , Et promctcnt qu'iront assez de bien fesant; Mes quant se sentent aise, sachiez il vont disant En la guise c*on va d'un bon homnie contant.

Qui en la mer estoit en grant i)éril mortel : A saint Michiel promist sa vache et son véel; Mes dès ce qu'il perçut qu'il fu en son hostel, 11 dist à saint Michiel ne vache ne véel.

Le païsant sont bien saint Michiel apeler Au fort, mes n'en tint conte quant fu hors de la nier; Et pour cela dit-on : « Promettre sanz donner Ne vaut rien, se ce n'est à fol réconforter. »

Mes Diex n'est mie fol, voir : quant nous li prometon A fiiire bonnes ouvres et nous ne les faison, Nous nous mocon de li ; si nous en sentiron S'a vraie péni tance en la fin n'en venon,

Ainsi comme fist celle de qui je vous vueil dire, Qui pour son péchié vout endurer grief martire. Le navré ne doit pas avoir honte de myre, Ainsdoit monstrcr sa plaie : plus couve, plus empire.

La dame de qui j'ay la raison pourposée /,

Estoit de Bouloignois, de moult noble gent née. L chevalier la prist de bonne renommée : De li ot .ij.enffans jumeaus d'une portée.

Li sires ol grant joie; Dieu loa boniieinent Et le baron saint Jaque, qu'il requeroit souvent. I. jour dist à la dame qu'il avoit grant talent Dealer au saint apostre en Galice briefment.

La dame, qui avoit son mari forment chier, Lidist : «Mon chier seigneur, por amour vous rcquicr Que je voize avec vous; bien me vueil traveiilier Pour l'amour de saint Jaque : j'en ay grant desirrier.

Li sires, qui amoit la dame de cuer An,

Li dist : « Trop estes tendre pour faire tel chemin :

Il se faut tart couchier et lever bien matin;

Pas n'ont toutes leur aises li loyal pèlerin. »

La dame respondi : « Bien vueil mal endurer Pour l'amour de saint Jaque, qui nous vuille sauver . » Le chevalier dist : « Dame, bien m'i vuel acorder; Voslre dévotion ne vous vuel pas oster. »

La dame fist grant joie quant oy l'acordance; Mes puis l'en y avint doulereuse grevance. Par l'art de l'ennemi on n'a que decevance, TiOm vous orrés, se Dieu m'en donne la puissance.

Trop vilainement fu la dame decéue;

Il li vausist trop miex (|u'ele ne fust méue.

Le chevalier, qui ot sa chose pourvéue,

Droit lendemain de Pasquos s'esmut sanz attendue.

O li mena sa famé; miex li vausist laissier. Moult bien furent montez , s'orent .i. escuiei',

r> LE DIT DES AiNELÉS.

Et .i. loial vallet qui nienoil le sommer; Mes ou chemin trouvèrent .i. autre chevalier.

De leur pais esloil; n'ont qu'un garçon trotant: 0 cens s'acompaigna dont je vous voiz parlant. Au premier leur monslra d'amistié grant samblant. Mes puis les tourmenta corn vous orrez avant.

S'en out-il en la fin très doulereus louier, Corn vous pourrez oïr bien briefment prononcter. Très douce gent, on dit souvent en reprouvier Qu'à paine se puet-on do traïson guetier.

Le jonne chevalier, qui icavoit point de famé, Toutes foiz qu'il povoit aprouchier de la dame S'amour li requeroit, de quoi c'estoit disfanie ; Mes celle, qui pensoit au sauvement de s'âme,

Li disoit à briez mos : « Vostre paine perdes : Se raonseignour sa voit ce que me requérez 11 vous en mescherroit, jà ne vous en doubtez : Comme fauz pèlerin, par foy, vous maintenez. »»

Icelui, qu'estoit chauz et plain d'art d'ancmi, Li disoit : « Chière dame, dessus terre langui , Et'tout pour vostre amour; se n'en avez merci, Mourir me convenra, loialment le vous di. »

Le mari à la dame à ce pas ne pensoit : Pour son loyal amy l'autre touz jours tenoil Qui de tout son povoir sa honte pourchassoil : A décevoir sa lame moult grant paine metoit ;

LE Dii DES ANELÉS. 7

Mes la dame n'avoit de faire maie envie; Tant qu'à Saint- Jaq ne vindrent .i. soir après compile. Lendemain, quant il orent la sainte messe oye Et faites leur offrande ne se targèrent mie;

11 prinrent leur ensaignes, si ont fet leur retour. €elui qui requeroit la dame de folour La pria si souvent que il avint .i. jour Qu'ele li dist : « Amis, trop souffres de dolour

Ce c'est voir que me dites ; mes fere n'oseroie Ce que me requérez, carne puis trouvoir voie, Se je le fès, qu'errant encusée ne soie. » Quant celui l'entendi moult outau cuer grant joie;

Liement li dist : «Dame, de ce ne vous doubtés^:^ Bien vous conseilleray, se croire me voulez^. Jà à vostre seigneur après disner direz Qac vous estes malades; fort vous doulosercz

« Et direz qu'il vous faut bêlement chevaucher. Devant l'envoierés lui et son escuier Pour atourner les choses qui nous aront mestier ; Mon garçon s'en ira avec eus sans dangier :

« Nous dirons que après irons tout bêlement^ Et que truisson tout prest jà à l'avesprement : Et nous iron couchier bien et privéement En tel lieu où feron tout à nostre talent;

« Et puis demain matin, au point de l'ajournant , Chevaucheron vers euz : bien les iron trouvant ;

s LE DIT DES ANELÉS.

Lors à vostro seigneur feron fort entendant Qu'ennuitmourircuidûtes en droit souloilcouclianly

« Et que de certain fustes si très mal atournée Qu'entre bras ou chastel fustes par nioy portée. »- La dame qui s'cstoit longuement bien gardée, Pu par art d^anemi laidement enchantée.

Elle crut le traître, dont fist grant foleté; Puis Ten convint sousfrir assez de povreté. Quant vint qu acomplir durent leur foie volonté. Forment leur mesavint, si comme je dire.

La dame, qui avoit le corps plaisant et bel, Estoit par son droit nom apelée Ysabel. Li et le glouton vindrent droitement au chaste! : Errant se herbergièrent dedans .i. grant ostel.

Mes le mari la dame, qui s'en estoit aie Pour retenir l'ostel, dès qu'il ot commandé D'atourner au souper, Diex li mist en pensée Qu'alast contre sa famé : jà orés grant pité.

Quant ne rencontra pas il fut tous esperdus; Mais il trouva .i. homme qui estoit louz clianns A qui il demanda s'avoit tiex gens véus, Et il li dist ; « Biau sire, par Dieu qui maint lassus,

« Grains les vit aler droit vers ce chastel-là. » Le chevalier l'oy, forment esperonna, Car près estoit de nuit; Dieu si bien li aida, Qu'en l'ostel où estoient trestoût droit ariva.

De mautalent verti et dist sanz remanoir : <f Ferray le faus glouton et la fausse douloir î C'est ma famé espouse, je le vous di pour voir : Fêtes; monstrés-ïe-moy : il les me faut véoir. »

L'oste et l'ostesse à l'uis de leur ostel séoient : Le chevalier enquistse tiex genz y estoient, Et il li respondirent que couchier se vouloient ; 11 fu touz esbahis de ce que li contoient.

L'oste li requist : « Biau sire, par amour vous rcquicr Que chéens ne leur faites ennuy ne destourbicr. Le juge de la ville est bon et droiturier : Se despit vous ont fet, bien vous fera vengier. »

On manda le baillif, qui mie seul n'estoit. Si comme li traîtres ou lit entrer devoit, Qui son mauves désir bien acomplir cuidoit , Le mari à la dame vit, qui haut li disoit :

•< Fauz, mauves desloiaus, au trenchanl de m'espcc Vous sera celle teste prochainement couspée; La fause sera arse; bien l'ay prise prouvée. » Pour Dieu, or entendes, douce gent honnourée!

La dame, qui estoit ou lit trestoute nue. Pour honte de la gent fu si fort esperdue Qu'à son mari a dit , com foie malostrue. Que rien ne li estoit : trop fort fu decéuc,

Car elle renioit son droit loyal mari Pour l'autre, qui n'avoil onciues géu à ly.

iO LE DIT DES ANELÊS.

Ouaiit le inauvôs glouton son parler cnlendi,

11 prist grant hardeinent; devant touz dist ainsi :

« Biau seigneurs, vous véés ci endroit en présent Que couchier mo vouloie bien et paiseblomenl; Mes cel chevalîer-ci y met empéeschoment El dit que j'ai erré contre li fausement ;

« Mes il ne dit pas voir: Dicx en scet mon courage.. H n'a rien en la dame; je l'ay par mariage ; Et se desdirc l'ose, contre li tant mon gage. » Lors le mari la dame, qui estoit prcuz et sage,

D'aïr ' bailla son gant: au baillif l'a tendus,. Puys a dit en tel guyse : « Se ne l'en rent confus, J'acort que je soie com recréant pendus ; Et se il avient chose que par moy soit vaincus,

« Qu'à mon talent me puisse de ma famé vengicr El la puisse mener en mon païs arrier. Et li glouz soit pendus qui m'a voulu trichier. » LorsTautredistenhault : « Bien m'y vueilotroier. »■

On list lever la dame; en prison fut menée Dedens une fort chambre, où moult bien fu gardée,. El son mari et l'autre tindrent prison fremée Tant qu';\ tous les seignours d'environ la contrée^

Pour voir la bataille et pour le droit jugier, Le mari à la dame manda son escuier

' D'aïr, de colère; ira, ire.

LE DU DES ANELES. If

Et le garson aussi qui menoil le sommier : Bien se pourquist de ce qui H estoit mestier.

L'autre, qui out la dame par son parler muée Sanz ce c'onques l'éust charnelment adesée, Fu noblement armés quant vint à la journée, Mes il a la bataille moult forment redoutée;

Car de certain savoit que siens estoit li tors; Non pourtant il estoit biaus et jonnes et fors, Et si prisoit forment la force de son corps; Mes quant ce vint au jour que il furent hors

Pour la bataille fère qu'il orent esméue; Mes la dame, qui fu en la prison tenue, Estoit si tormentée et si fort irascue Qu'elle voulsist bien estre dedens terre fondue.

Elle disoit : « Douz Diex! que m'est-il avenu? Bien est mon las de cors en grant vilté chéu Par ce faus losengier, qui puist estre pendus ! Mais, Diex merci, pas n'a ovecques moy géu.

« Non pourquant de louz poins m'y estoie acordée : Mon mari renoiai com famé forsenée; Mais se je dévoie estre dedens .i. feu gelée. S'en dirai-je le voir : n'i a mestier celée. »

Ainsi se dcmentoit la dame toute jour.

Par une des fcncstres qui estoit en la tour Vit armé son seignour pour alcr en l'estour, Qui se dcvoit combatro contre le traïtour,

Qui (i*aulre part se fist moult richement armer. On aporta les sains pour culz faire jurer ' : Cil (jui oui droit s'ala à genoulions geter; Tantost qu'il vit les sains il prist haut à parler,

Etdist: « Seigneurs, je jure parles sains qui sont ci Et par trestouz les autres dequoy Dieu est servi Que cest mauves glouton qui ci est m'a Iray Et fortraite la dame à qui je sui marr.

« Je pensoie que fust .i. loial pèlerin Qui rcquerist Saint-Jaque où j'ai fait le chemin;. Mes pire l'ai trouvé assez qu'un Sarazin. Regehir le ferai ains que jour pringne fin.

« En bonne loyauté à compaignie l'avoie : Autant que à mon frère en son corps me (ioie; Ma famé m'a toUie et tournée en tel voie Qu'à tort et sanz raison par son art me rcnoic;

« Onques mes ne la vi mauvôse ne sauvage : Par amours mandés-la, si sarai son courage. » Lors la fist-on venir sans nesun arrestage; Mes n'osoit créature regarder el visage.

Elle estoit si hideuse que ne savoit que faire. Quant son mari la vit, haut li dist par contraire :

» On appelait jurer sur sains faire un senncnl sur les ossements des saints. Dans la Tapisserie de Bayeux llarol«l est représenté jurant sur un reliquaire fidélité à Guillaume. — Voyez l'édition que j'ai donnée de ce monument de concert avec M. de Sansonctli (Paris, 1837).

ft A! dame pèlerine, moult semblés débonnaire: Devant les bonnes gens levez haut le viaire. *

Tantost comme la dame son parler entendi, A nuz genous se mist par devant son mari, Et dist : « Merci requier : bien connois que je di Oue je vous renioie; ce fu art d'anemi.

« Bien connois que vous estes mon droit loial espous Et que j'ai .ij. bianz fiux en Boulonnois de vous ; Mes cel losengier-là, qui est foux et estons, M'avoit souvent requise par moz courtois et douz ;

« Mes onques n'out à moi charnele compaignie. Bien connois que du tout m'y estoie otroiée Quant Diex vous amena et la Virge Marie : Bien vueil mourir en l'eure se j'ai mort deservie. »

Son mari respondi : « Pas ne fustes bien sage Quant ovecques moi venistes ou saint pèlerinage Pour moi fère tel honte ; vous i ares domage. >» Lors l'autre chevalier dist haut en son langage :

« Seigneurs, or entendez, pour Dieu, granz et petiz : Je jure sus les sains qu'avez en présent mis Et sus trestouz les sains qui sont en paradis, Onques de vilanie la dame ne requis,

« Ançois me requeroit et menu et souvent. » Les gens qui là estoient s'esbahirent forment; Bien pensèrent qu'ot fet desloyal serement. Lors le mari la dame li dist moult fièrement :

14 LKDiT ni:s ANELr:s.

« Faus desloyaus, mauves, vous y avés mcnli! Autres choses dires ains que partes de ci : Congnoistre vous ferai comment m'avez tray; De Dieu et de saint Jaque l'apostre, vous déli. »

La dame, c'on avoit en la tour remenée, Maudisoit forment reure(|u'oton(|ues esté née; Dévotement prioit la Virge couronnée Qu'el vousist son mari sauver celle journée.

Celle, qui en la tour forment se démentoit, Pramist à Jhésu-Crist , se son seigneur sauvoit , Que jamès en sa vie son col ne passeroit De rien qui mort goutast. Douz Diex! pas ne pensoit

Au doulereuz tourmena ne au crueus despis Qui ii fist en présent de ses meilleurs amis. Onques niés corps de famé vilaine ne gentis Pour si petit mesfait ne fu en tel point mis.

Ainssi com vous orrés, se tout mon dit recort. Le jonne chevalier, qui avoit moult grant tort , Pour ce que se sentoit légier, hardi et fort, Guida bien mater l'autre, mes Diex li list confort

Et le baron saint Jaque, en qui out grant fiance. A celui qui out tort avint tel meschéance Que quant il fu el champ son cheval n'ot puissance Dealer encontre l'autre. C'estoit grant demonstrance;

Car touz jours reculoit, et prist à regiber

Si fort qu'il list son raaistre contre terre verser.

Lors le mari la dame ne le vont déporter, Ains li ala son glaive parmi le corps bouter.

Quant cil senti le coup , lors dist à haute voiz : • Sire, pour Dieu merci, ma mauvestié conguoit: Vostre famé requis d'amer par pluseurs foiz. De mal cure la vi : pour li à ma fm voiz.

« Non pour quant elle m'ot au derrain en couvent

Oue feroie de ly du tout à mon talent:

Si éussé-je fait, mes je n'en fis nient;

Car trop sourvenistes : avecques vous grant gent,

« Quant couchier me voloie ou lit la dame virent. » Lors, quant nobles hommes s'arraison oïrent. Traîner au gibet et puis pendre le firent ; Toute quite la dame à son seigneur rendirent,

Et li prièrent tant qu'il la vousist quiter; Mes onques le seigneur ne s'i vont otroyer, Ains dist qu'il s'en sara bien par raison vengier Quant venra au pais qu'avoit à habitier.

De la ville parti ; la dame fi st monter Sur, un povre roncin que out fet acheter; M-ès onques en chemin ne vont à li parler Ne il ne la daignoit (pi'à paines regarder.

Dealer en son pais li sire se hasta : Onques avec la dame ne but ne ne menga , Ne ne jurent ensamble. Celle, qui se doubta D'aver grant vilanie, forment se dementa;

1G LE DIT DES AINELftS.

Mes giièrcs de pilé n*en avoit li preudon, Ains pensoil qu'il pcnroit de li venjoison. Aussi tost que il fu en sa i>ossession, Tous les amis la dame manda en sa maison ,

Et si i list des siens venir à grant plenté. ]

Or entendes qu'il fist, pour sainte charité: 11 apela sa famé, qui avoil grant biauté; Moult bien la fist vestir, puis li a commandé

Qu'elle alast en la sale les bonnes genz véoir Qui estoient venuz digner en son manoir. Cel jour fist un niengier qui cousta grant avoir : La dame se laissa devant ses piez chéoîr;

En soupirant du cuer a dit à moult grant paine : « Douz sire, pour la grâce, qui ne fu pas vilaine, Que Diex fist à la douce Marie Magdalaine, Aiez merci de moy ! Bien voy et sui certaine

« Que vous voulés de moy devant chascun vengîer; Mes trop miex, s'il vous plest, emporrés esploitier. Fêtes secrètement vostre cuer esclarier, Si que nos .ij. enfans n'i aient reprovier;

€ Car vous les engendrâtes, chier sire, par ma foy ! N'onques homme que vous ne jut onques à moy- Combien que m'otroiasse à fère le desroy Par fart de fanemi, ne plout à Dieu le roy.

« Metez-moi en tel lieu, se vostre cuer l'otroie, Où lune ne soleil jamès nul jour ne voie;

LE Dfr DES ANELÉS. 17

Moult ay promis : c'est drois que fort pugnie soie. » — « Fause, dit lors li sires, trop trouvas maie voie :

< Quant tu me renias, ce fu grant estoutie. Je ne say gré qu'à Dieu et à Virge Marie Et au baron saint Jaque de ce que suy en vie : En grant péril de mort fu par ta lécherie.

« Va de ci, et te digne avecques tes amis ; James ne les verras, sur Dieu le te plevis. » Lors fu le cuer la dame si fort espoùris Que elle se pasma tlessus le marbre bis.

Son seignour la leva, puis la sist sanz séjour A la plus haute table et ses amis entour. De vins et de viandes orent assez cel jour : Le seigneur de rostcl qui fu en grant tristour,

Dés qu'il orent lavé dist haut: « Or entendes : Seigneurs, ne savés pas pourquoi vos ai mandés : C'est pour .i. jugement que, c'il vous plaist, ferés D'un fait qui vous sera maintenant recordés.

« Un chevalier erroit il n'a mie granment Avecques li sa famé, qu'il amoit loyalment; Mais .i. autre jonne homme la requist si forment Qu'elle acorda du tout à fère son talent.

« Mes voir, il ne povoient lieu ne place trouver, Tant que hors du chemin s'allèrent destorner : La fause à son mari s'alla tant dolouser De mal, que l'cnvoia pour hasler le souper.

in LE DIT DES ANELÉS.

« Mes courage n'avoit que ce soir la véisl, Ançois se lierberga et coucha en .i. lit. Son ribaut s*i vouloit couchier sans nul respit, Quant le mari la dame i sourvint , qui tout \it.

t Tuer cuida la fause et son ribaut aussi ; S'avoit-il amené pluseurs gens avec li ; Mais celle, qui avoit en son corps l'anemi, Devant ceus qui là furent renoia son mari.

« Si fort fu par sa famé tenu le chevalier, Que gage de bataille li en convint baillier Contre l'ami la dame; mais Diex le droituricr Vout sauver le preudomme et nuire au losengier;

t Car ou champ fu vaincu et encroué au vent. Lors r'ot le chevalier sa famé quitement; Tant a fet que elle est dedens son tencmentj Mes bien vous di que jaime le chevalier graument;

« Car privé suy de li moult a longue saison , Conseil m'a quis comment penra la venjoison De celle qui a fet vers li tel traïson : Chascun de vous en die ce qui l'en semble bon. »

Lors le père à la dame, qui estoit touz flouris , Qui ne sout pas pourquoy tiex moz estoient dis, Respondi : « Voir s'estoie de tel famé garnis Qui m'aroit fet tel honte, son corps seroit bruis. »

A son dit s'acorda la compaignie toute. La dame fu entr'eus, qui estoit en doute :

El n'osoit dire mot , ains soupire et escoute ; De honte vousist estre confundue et desroute.

Lors parla son mari , qui estoit preuz et sage, Et dist : « Seigneurs, ma famé est de vostre lignage: Sachiez bien que c'est celle qui m'a fet tel domage; Mes ne sera pas arse, car je n'ay courage :

« Et s'en penrai venjance crueus par autre tour. » Lors les amis la dame requirent par douçour Qu'en tel point s'en venjast ne fust leurdeshonnour, Et il leur respondi que jamès à nul jour

Ken orroient parole. Un soir la fist mander : Droit au port de Ooissent ' bien s'ala confesser De trestouz ses péchiez que elle pout penser : Bien cuida qu'en la mer la vousist-on geter.

Elle avoit .i. anel de fin or seulement : Son mari li osta de son doy rudement ; En la mer le geta et dit qu'acordement N'ara à li se Diex l'anel d'or ne li rent.

H ne pensast jamès en nesune manière A revoier l'anel dont la pierre fu chière; Mes puis le vit-il et ot la dame chière Plus que devant ; mes lors out volentè si fière

Qu ennelés ot fet fère gros et rudes de fer: Es .X. dois à la dame les a fot .\. bouter

» Ooissent, Ouessant; VxantHs.

Si fort qu'il n'cstoit homme qui les poïst oster; Es puis la commença forment à ramponer

En disant : « Belle dame, de liez anés avés Dont toute vostre vie en saisine serez. » Elle respondi : « Sire, fêles \o volentez. » 11 la prist par le bras et dist : t Oullre passez. »

En .i. batel la mist où il n'avoit riens née, Puis la bouta en mer de moult grant alenée. La dame s'escria : « Sire, s'il vous agrée. Pensés de vos enfans; leur mère est adirée.

« Je vous commant à Dieu. Puisqu'ainssi departon, De mes péchiez me face Nostre Seigneur pardon ! » Le seigneur s'en revint tout pensant en maison. .1. petit de la dame, se il vous plest, diron

Qui estoit u batel, seule, sanz nul soûlas. Les ondes la fesoient aler puis haut puis bas ; Elle dist : « Très douz Diex, qui sauvâtes Jonas El ventre à la balaine, car ne m'obliés pas.

ff Et s'il vous plest ainsi que soie noïe, Aiez merci de m'âme, qu'elle ne soit périe , Et sauvés monseigneur et toute sa mesnie! » Adonc vint .i. vent devers destre partie,

Et au plaisir de Dieu le batelet mena

En .i. ille de mer où âme n'abita.

Lors prist la dame terre; tout partout regarda :

Ne vit homme ne famé, dont moult se deraenta.

En celle ille de mer n'ot borde ne maison. Pain ne blé, ne farine, ne autre garnison '; Mes poumetes sauvages y avoit grant foison, Rouses et aube-espine et maint espès bisson.

La dame sospira; Dieu prist à reclamer, Car si grant (paor) avoit que ne povoit durer. Des poumetes sauvages commença à casser, Car .ij. jours et .ij. nuys Fout falu jéuner,

Des herbes et des pommes que par l'île trouvoit Vesqui .xl. jours; de citernes bevoit Qui estoient en l'île, et puis, quant il plouvoit En .i. creus d'un viex arbre à garant se boutoit.

Bonne gent, pour .i. mot qu'elle dist par folie Et pour soy consentir au mal que ne (îst mie Souffri moult de douleurs, mes ains que perdit vie Out, si com vous orrés, pès à sa compaignie;

Mais ainçois li convint pluseurs maulz endurer. Des aneles de fer vous vueil .i. poi parler Que son mari par force li fist es dois bouter : Tant li firent d'angoisse que fort est à conter ;

Car les .x. aneles si très estrois estoicnt Que les dois et les mains aioult forment li enfloient; Le cuir et la char tendre de touz poins li rompoienl: Poi de gent en bon gré telle douleur prendroienl;

» Garniion , approvisionnement. — Voyez , pour ce mot , page i'i . note 2, de mon 1»^ volume des OEuvres complètes de Rulcbeuf (V;u\s . I»38; chez i:d. Pannicr j.

Mes celle avoit au cuer si ferme repen tance Tant plus sentoit de mal et de dure puissance^ Lors baisoit les aneaus en dévote plaisance Et prioit Jhesu-Crist par sa digne puissance

Gardast de mal celui par qui li furent mis, Et disoit : « \oir, mon corps déust estre bruis Quant reniai celui qu'estoit mon droit maris Et le mis en péril d'estre vilment fenis. »

Quant celle eut dedens Tile esté .xl. jours, Qui estoit tout adés en lermes et en plours, Li très douz Jhesu-Crist li envoia secours; Si souffri-elle puis assez d'autres doulours,

Si comme je dirai, s'il plest à Dieu le père. Vous n'oïstes pieçà plus piteuse matère : La nuit d'une Saint-Jaque, que la lune fu clère. S'agenoulla la dame qui souffroit grant misère

Et dist : « Glorieus Diex, qui vousistes aler XI. jours entiers ou désert jéuner, Donne-moy en cest monde tiex paines endurer Qu'en la parfin me puisse envers vous acorder

« Et à mon bon mari, qui me hait et droit a. Saint Jaque, douz apostre, vostre feste sera Demain, je le sai bien : l'anemi me tempta Quant de vous revenoie; en griés las me bouta ;

• Vueillez prier pour moy à^la Virge pucelle Qui porta le douz fruit qui pécheurs rapele

Qu'en cest monde çà jus face penance telle Qu'après ma mort soit m'âme devant J hesu-Crist belle;

« Car du corps ne me chaut. » Bonne gent, or oez Comment le Roy des roys est plains de grans bontez . A paines ot la dame ces parlers definés Quant elle vit venir droit vers l'île .ij. nés;

Car .1. estourbellon leva en haute mer Qui fist les .ij. vessiaus dessous l'île ariver. Il dit voir qui le dit, moult l'ay oy conter, Que jà ne périra ce que Diex veult sauver.

En l'une des nés ot .i. conte palazin

Qui avoit pluseurs villes dessus le grant chemin

En Espaigne, par où passent li pèlerin

Qui vont droit à Saint-Jaque; moult ot cuerpuret fin.

Premier perçut la dame ; adonc dist à sa gent : « Je voi là une dame qui moult a le cors gent. » Hors de la nef issi, vers li vint hastiment. Et puis la salua bel et courtoisement.

Après dist doucement ; « Qui vous amena ci? » Elle respondi : « Sire, voir une nef péri En la mer où j'estoie en cel batel sailli: Au gré de Dieu ving çà; de noicr me gari.

« XL jours est plus ci que je ne vi pain. » Le seigneur l'emmena, qui fu bon et certain. En la nef. Bien pensa que elle éust grant fain : H list devant li mètre de viandes tout à plain ;

Mes qu'à pain et à eve ne vout omiues touchier. Si resforçoit souvent le seigneur de mengier; Mes quant perçut les mains fort se prist à seignier Que les aneaus li orent trop fort fet doraagier.

Lors li dist doucement celui qui fu courtois : « Dame, se Diex me gart, ce seroit grant desrois Se ne fêtes oster ces anelés estrois Qui ainssi vous afolent et les mains et les dois.

« Il a si ens .i. mire qui bien les ostera : D'une petite lime souef les limera; De la doulour qu'avez tantost vous garira. » La dame respondi t « Sire, jà n'avenra

Que les anelés chient hors de mes .x. dois jus; Se n'est pas le vouloir de Dieu qui maint lassus. » 11 partirent de l'île quant Fore fu cliéus; A .1. des pors d'Espaigne sont à ville venus.

Le conte vout la dame en son païs mener. Mes elle li proia qui li vousist prester Lieu sus le grant chemin où péust demourer, Afin qu'elle péust as pèlerins parler

Qui travaillent leurs corps pour la saint Jaque amour. Li sire respondi : « Trop souffres de doulour. » Celle dist doucement : « Servir mon créatour Vueilde tout mon povoir; n'aysoing d'autre labour. »

Au conte, qui estoit douz et loial et sage, Plesoit moult de la dame le corps et le visage.

n li dist : « Voir, je'croi qu'estes de grant lignage; Volentiers vous penroie par loyal mariage.

« Tantost seroit le mal qu'avez es mains garis ; Après moy, s'il vous plest, tenrés tout mon païs. Moult suy riche d'avoir qu'en m'effance conquis; Onques n'espousai famé, ne n'ai fille ne filz. »

La dame dIst : « Sire douz, de basse gent sui née: Ai grant part de ma vie corn pécheresse usée : Penance me faut faire; pour estre racordée Voué que jamais d'omme ne seroie privée;

Mes, pour Dieu, fètes-moy ce que vous ai requis I Je prierai pour vous et pour tous vos amis. » Li sires, qui estoit plain de certain avis, Li fist ou chemin fère .i. biau lieu et faitis.

Xij. famés i mist qui béguines estoient, Et leur amarti ' rente de quoy elles vivoient. Li pèlerins de çà qui à Saint-Jaque aloient Par devant celle ostel dont je vous di passoienl.

La dame, qui avoit en Dieu servir la cure. Combien qu'éust mol lit gesoit à terre dure; Bonne vie pour l'âme menoit, mes moult fu seurc % A son corps pas n'avoit apris tel nourreture.

Le conte, qui avoit tel lieu fet ordonner, Venoit souvent la dame véoir et visiter;

' Amarti pour aimrti . amortir une renie.

Car loyaument l'amoit sans nul vilain penser : Mes la mort, qui tout prent, vint au seingneur hurter.

Quant il perçut sa fin et sout qu il se mouroit, La rente de la ville, qui .v.c. mars valoit, Vout laissier à la dame qui saintement vivoit. Lors trespassa li sires, qui moult amés estoil.

La dame de la rente fist fère .i. biau moustier Et .i. bon hospital pour povres herbergier. Chascun parloit de li et avant et arrier ; De conforter les povres ne se povoit targier.

Par le pais aloit de li grant renommée; De pénitance faire n'estoit onques lassée. Souvent requeroit Dieu et la Yirge loée Qu'en vers son droit seignor péust estre acordée.

Dévotement prioit aussi por ses .ij. ûex , Qu'encore les véist sains et saus de ses iex. Pour Dieu, or entendes trestous, jonnes et viex; S'orrés les grans vertus que fist le Roy des ciex,

Par quel point il donna talent au chevalier De retrouver sa famé que il en fist chacier. En .i. quaresme avint, .i. pou devant mengier, Que li sires ala véoir son cuisinier

Qui atornoit poisson; mes dedens l'un trouva L'anel qui fu la dame qui par mer s'en ala. Le seingneur le connut, tendrement le baisa: Pour l'amour de sa famé de pitié lermaia.

«Très douz Diex, dist li sires ; certes se je cuidoie Que trouvasse la dame, voulentiers la querroie ; Mes de perdre ma painne forment me douteroie. Voir, de cest anel-ci doy bien avoir grant joie,

« Car je pence que Dieu le m'a fet envoier Pour avoir remembrance de ma lasse mouUier Qu'en .1. batel laissai en doute de noier; Mes peust-estre que Dieu li a voulu aidier. »

Le chevalier s'ala à Saint-Jaque vouer, Et dist qu'il li fera ses .ij. enfans porter Afin qu'encore puist sa famé retrouver ; Adonc fist ses .ij. fiex pardevant li mander.

Ceulz i vindrent tantost, qui leur père doutoient. De trestoutes faitures moult bien li resembloient : Vij. ans tant seulement de droit aage avoient ; Encore de leur mère nulle riens ne sa voient.

Quant leur père les vit, fort prist à souspirer : Ses choses ordenna pour à Saint- Jaque âler. Dedens une litière fist ses enfans porter ; De conter leur journées ne me quier jà meller f

Mes herbergier se firent .i. soir ains l'anuitier, A .ij. lieues de là où estoit sa mouUier. La dame après souper parloit à son portier : Entant devant la porte passoit .i. messagier.

La dame le hucha , qui avoit grant envie Do savoir s'il vcnroit amc de sa partie.

Au niessagier a dist : « Frère, di, je te prie ; Sès-tu s'il vient nului de devers Picardie? »

— « Dame, dist-il, oyl ; demain passera ci Uns lions de Boloignois, bon clievalier hardi , Qui ses .ij. filz amainne à Saint-Jaque avec li. ^ Lors dist la dame bas : « Bien croy c'est mon mari.

Lors n'en fist nul semblant, ainz prist Diex à loer : Lors d'un soutil engin la list Diex aviser : A sa gent coumanda c'on ne laissast passer Pèlerin lendemain s'a li n'aloit parler.

Lendemain, par matin, si com prime sonnoif. Vint là le chevalier qui ses enfans menoit; Mes les serjans li dirent qu'avant ne passeroit S'a la dame du lieu congié n'en demandoit.

Li sires, qui n'estoit outrageus ne estons, Leur dist : « Ne vueil pas désobéir à vous. » Son escuier hurta en disant : « Frère douz, Aies droit à la dame parler pour nous trestous. »

Lors à l'ostel la dame s'en ala l'escuier.

Elle dist quant le vit : « Dont estes, frère chicr ? »

— « Voir, de Boulonnois, dame, à .i. tel chevalier Qui .ij. iilzjumeauz mainneau Saint-Jaque mouslier

Afin qu'il puist la mère aus enfans retrouver. I. anel qu'elle avoit geta dedens la mer Pour ne sai quel despit; il le r'a sans fausser. » Lors oommenoa la dame forment à souspirer.

Non pourtant elle dist : « Amis, or entendes. Je sai bien qu'on vous a là devant arrestés : Se passer voulés outre, vous me creanlerés Que vous et vostre mestre par <îi repasserez

« Et si ferez à moy parler le chevalier ;

De véoir les enfans ai moult grand désirier. »

Adonques respondi doucement Tescuier :

« Dame, je le vous jure sur Dieu le droiturier. »

L escuier retourna à son seingnor tantost : Moût bien li recorda de parler qu'oy ot. Tous en fu esbahis, mes que dire ne sot; Adonques se mirent el chemin à brief mot.

Il esploitiérent tant que à Saint-Jaque furent: Bien firent leur offrendes et ce que fère durent. A oste n'a ostesse nule chose n'acrurent : Quant il en fu seson à retourner se murent;

Car d'aler en son lieu a chascun désirance : Mes le douz Jhésu-Crist qui sur tous a puissance, Vout monstrer à la dame belle sene fiance ; Car bien sout qu'ot soufferte crueuse pénitance.

Une vois li vint dire: « Ton seingnour sera ci Et tes .ij. fdz dimenche, .i. pou devant midi. Va-t'en celle journée humblement contre li : Quant tu l'enconterras si li requier merci. »

La dame fu moût lie quant la vois escouta : Tous les clers et les prestres de la terre manda

30 LE DIT DKS AINELÈS.

Le jour que son seingnour ou pais arriva : De processions fère doucement leur proia.

Ceulz, qui Tavoienl chière, bonnement racordèrentj Encontre le seingneur dévotement alèrent ; Ch.^sses et saintuares dévotement portèrent Et loenges de Dieu gracieuses chantèrent.

L'évesque du pais, qui savoit bien la guise Par la confession qu'ot oïe en l'église, Coument la dame fu vers son seingnour mesprise, Vint droit au chevalier, et li dist par franchise

Que, se il li plesoit qu'il li donnast .i. don. Li sires, qui estoit à merveilles preudon, Respondi : « Je l'otroy, se fère le poon. » Adonques vint la dame en grant dévocion;

Au piez de son mari se laissa jus chéoir

Et li dist : « Très chier sire, vueilliés merci avoir

De celle qu anemis cuidèrent décevoir. »

Le chevalier l'ala lever sanz remanoir.

Quant il vit qu' estoit celle qu'il avoit espousée, L'eaue du cuer li est jusques aus iex montée ; Mes quant il vit ses mains la couleur ot muée, Car il n*i avoit celle ne fust trop mal menée;

Car les petis anneaus, qui trop estrois estoient, La char jusques aus os usée li avoient. Toutes les bonnes gens qui la chose véoient Pour la pitié d'elle tout tendrement plouroient.

LE DIT DES AjNELÉS. 31

Lors pardevant le piieple la dame recorda Comment son batelet en Tille la mena, Et la granl povreté que dedens endura, Et la guise coument le conte Ten jeta.

Son mari li dist : « Dame, bien avez achetée Yostre foie parolle, qui trop mal fu getée. Or le vous pardoint Diex et la Virge loée, Et je si fais aussi par dévote pensée. »

Pour Dieu, or entendes trestous, grans et petis, Tantost com Taquita ses drois loyaus maris. Belles vertus i fist le Roy de paradis, Car de ses dois chaïrent les anelés tous dis

Pourquoyavoitsouffertespluseursdouleurstrès grans. Lors acola la dame ses .ij. petis enfans Et baisa tendrement; moût fu son cuer joians. Lors ataînt son mari qui fu preus et vaillans,

L'enel que par despit jeta dedens la mer ; A sa famé l'ala doucement présenter Et li conta coument Dieu li fist retrouver ; Mes sachiez que la dame ne se vont remuer

D'aler en Boulonnois où ot grant seignorie. Onques puis n ot à homme charnele compaingnie : Quant son mari le sont ne l'en efforça mie, Ainz voua chaasté et mena sainte vie.

Douce gent, les personnes que je vous ai nommé Usèrent si leur vies, que Diex par sa bonté

Voul recevoir leur âmes en la digne clarté, Laquelle nous otroit la sainte Trinité.

Amen.

Eocpiicit le Dit des Anelés.

Cf$t It Bit it la &ov\om it tHarbonne <

Ms. 498 N.-D.

Toutes bones gens doivent oyr le bien retraire De Dieu et de sa mère qui tant est débonnaire : Oster s'en puet-on bien de péchier, de mal faire; Or vous dirai bon dit, qui ne me fera taire.

Vous savez tous et toutes qui sert sainte Marie De bon cuer et de vrai sans point de vilonnie. Ou à l'âme ou au corps quant la char est porrie, A .c. doubles li rent en ceste mortel vie.

Un mult très bel example issy vous en devis Comme la Dame rent loier à ses amisj Elle scet bien hors traire des mains aus ennemis Qui tous jors est en paine d' oster nos bons avis.

Il avint à Narbonne, qui est riche cité, Une bourgoise y ot plaine de charité ; Mais l'ainemi, qui est si plain d'iniquité, L'agrapa et li fist paine et adversité.

La bourgoise estoit riche; si ot .i. bel enfant : A l'escole fu inis^ si com le truis lisant. I. :i