DE L'ENFANT QUI SAUVA SA MÈRE

La mère respondi : « Biaus filz , lessiez m'ester ; Je n*ai cure de prestre ne de moi confesser. » Quant ses filz l'entendi, si commence à penser: Bien sot que li malvais le voloit enchanter.

Lors li dist doucement : « Confessez-vous à moi ; Nulz ne doit desconfez morir en nostre loy : Je vous cèlerai bien, par la foy que vous doy. » La borjoise respont : « Biaus filz, je te Totroi. »

Adont se confessa la dame à son enfant; Tout son fait li conta , ne li vait riens celant. Si dist : « Ma douce mère, je vous pri et commant Que le prestre venist à vous tout maintenant. »

Tant li a dit son filz qu'ele li otroia : « Filz, puisque tu le veulz, si le m'amainnes çà. » Cilz s'en va chiez le prestre, tantost amené Ta. Tantost li ennemis au lit la dame ala.

Pour ce qu'il ne volt pas qu'ele fust confessée A bouche de provoire ne à Dieu recordée, Par la gorge le prent, errant l'a estrangléc; t quant son filz revint si l'a morte trouvée.

Le filz à la borjoise fu forment corroueié; Le prestre, d'autre part, si fu moult esmaié. « Sire, ce dit li enfùs, por Dieu, me conseilliez, Par coy ma mère soit quite de ses péchiez. »

Li prestres respondi : « Par ma foy, je ne sai. » — « Sire, dist li vallés, et je le vous dirai :