DU VILLAIN DE BAILLEUL

Et si avoit le chapon cuit, Et li gastiaus, si com je cuit, Esloit couvers d'une touaille.

Êz vous le vilain qui baaille Et de famine et de mésaise; Celé li cort ouvrir la haise : Contre lui est corant venue, Mes n eust soing de sa venue; Miex amast autrui recevoir.

Puis li dist por lui décevoir, Si com celé qui sanz ressort L'amast miex enfoui que mort :

« Sire, fet-ele, Diex me saint !

Con vous voi or desfet et taint ; N'avez que les os et le cuir. »

— « Erme, j'ai tel fain que je muir, Fet-il. Sont boilli li maton? >»

— « M orez certes, ce fêtes mon ; James plus voir dire n'orrez :

Couchiez-vous tost, quar vous morez .

Or m'est-il mal, lasse chétive, Après vous n'ai soing que je vive.

Puis que de moi vous dessamblez.

Sire, com vous estes amblez.

Vous dévierez à cort terme. »

— « Gabez-me-vous , fet-il, dame Ernic?

Je oi si bien no vache muire.

Je ne cuit mie que je muire, Ainz porroie encore bien vivre. »

— « Sire, la mort qui vous enyvrc Vous taint si le cuer et encombre Qu'il n'a mes en vous fors que l'ombre;