DE BAILLEUL

N'iwoit seing do commander Fàme.

Par le poing a prise la dame; D'une part vont en une açainte, Desloïe-l'a et desçainte.

Sor le fuerre noviau batii Se sont andui entrebatu, Cil adenz et celé souvine.

Li vilains vit tout le couvine Qui du lincuel ert acouvers, Quar il tenoit ses iex ouvers; Si véoit Lien l'estrain hocier, Et vit le chapelain locier; Bien sot ce fu li chapelains.

« Ahi ! ahi ! dist li vilains, Au prestre! Filz à putain ors!

Certes, se je ne fusse mors, Mar vous i fussiez embatuz ; Ainz hom ne fu si bien batuz Com vous seriez jà si, prestre. »

— « Amis, fet-il, ce puet bien estre, Et sachiez, se vous fussiez vis, G'i vcnisse mult à envis Tant que l'âme vous fust au cors; Mes de ce que vous estes mors Me doit-il bien estre de miex.

Gisiez-vous cois, cloez voz iezj Ne 's devez mes tenir ouvers. »

Dont a cil ses iex recouvers; Si se recommence à tésir, El li prestre fist son plésir Sanz paor et sanz resoingnicr.

Ce ne vous sai-je lesmoingnier