LE DIT DE LA BORJOISE

Parfondement du cuer en tirant souspira : Les cloches fort sonnèrent, car Diex les espira.

Quant de tirer se fu la borjoise lassée, Lors corut à Tymage de la Virge honorée : A li tance com famé qui estoit forsenée : « Dame, dist la borjoise, or oez ma pensée :

« Dame, je t'ai lonc temps honorée et servie. Et au besoing voit-on qu'est amis et amie : Rent-moi tost mon enfant, que ni perde la vie, Ou je ferai tantost une grande folie.

. Tous jours te servirai

A mon loial pooir, et ta serve serai. »

Celé qui est plus douce que novel miel en rée Sot de la borgoise le cuer et la pensée. Et sot que Tennemi Tavoit désespérée.

A lui se demonstra sans nule demorée.

Nostre Dame li dist : « Ne t'esmaies, amie : Des biens qu'as fait por moi te rendrai-je partie L'autre part aura t'âme; de ce ne doubtes mie; Ton enfant te vois querre en santé et en vie. »

Jointes mains, à genoulz, celé l'en mercia; Toute nue en plorant dist Ave Maria.

Nostre Dame s'en part, que plus n'i demora; Celé se revesti et Dieu forment pria.

A la justice vint la glorieuse errant : La corde estoit jà mise cns el col son enfant. Estes-vous .i. brandon de feu ardant chéant : Les gens s'esparpeillièrent, de paour vont criant.

La Virge a Tenfant par les mains combié ; Les cordes li desneue et si Ta deslié. La gent qui furent loing ont tout ce regardé ; Au baillif s'en coururent : tout ont dit et conté.

Quant toute gent le sorent, forment se merveillièrent ; Les cloches de la ville par elles si sonnèrent, Et les pourcessions tantost s'appareillièrent : Chantant vont Tenfant querre et sa mère menèrent.

Le pueple vit la mère le roy Jhésu puissant Monter en paradis et leur lessa l'enfant. Le clergié vont partout et hautement chantant; La bourjoise son filz va doucement baisant.

Par la Virge pucelle fu le vallet guéris Des mains à l'ennemi qui si l'avoit trahis; Puis ama-il forment la mère Jhésu-Cris : Qui de bon cuer la sert, il n'ert jà desconfis.

Ceulz et celles qui ont ce miracle escouté, Diex leur sauve leurs corps et doinst bien et sanic A tous nos bienfaiteurs, et aient la clarté En paradis lassus avec les trespassez.

Explicit le dit de la Borjoise de Nar bonne.

Cl COMMENCE

£î Bit bu êvitt

Ms. 198 N.-D.

Pour donner exemple , prouesce et hardement, Péchéeurs, pécheresses qui pèchent mortelment, Veul recorder un dit à touz communément , Où chascun porra prendre moult biauchastiement

Pour lui hardiement geter de ses péchiez , Qu'il ne soit des déables u puis d'enfer sacliiez : Regardons comment Diex fu pour nous clolichiez Et par piez et par mains en la croiz atachiez.

De très parfaite amour loiaument nous ama Quant pour nous tel tourment et tel mort endura, Pour nous brisa enfer et hors nous en gota , Paradiz et sa gloire tout nous abandonna.

Dont quant il nous créa et fist en sa semblance, Et pour nous fu clolîs et férus de la lance, Nous ne devons pas mettre tel oevre en oubliance, Ainz devons vers li querre et pais et acordanco ;

Car li anemis est soutil de nous susprendre, Et en sez laz nous fait Irebuschier et descendre.

LÉ Dlï DU BUEF. 43

Nous nous poons moult bien encontre li clefrendre : Par confession vraie li poons granz coups rendre.

Si tost corn le déable a le pécheur féru Du baston de péchié et il l'a abatu , Le péchéeur doit prendre Tespée de vertu : Jà puis par l'anemi ne puet estre vaincu.

L'espée de vertu c'est confession pure,

Qui des mains au déable gete la créature.

Celui qui par confesse se nestoie et escure

Fait à Dieu grant honnour et aus mauvais laidure.

Que ce soit vérité je le vous prouverai Par .i. moult bel essample qu'orendroit vous dirai. En sarmon Toï dire : moult bien retenu l'ai ; S'entendre le voulez je le recorderai.

Et pour ce que mon dit soit plus ferme et estable, Je pri la mère Dieu , la roze déli table , Et son très douz enfant, le père espérilable, Qu'à vos âmes puist estre ce biau dit proulitable.

Amenl que Diex le veulle et sa très douce mère! Sus oevre d'anemi me faut prendre matère; Mais combien que celle oeuvre soit honteuse etamèrc, S'est la lin bonne et belle, plaisant à Dieu le Père.

Ou temps qu'il fu jadiz, .ij. bonnes gens estoienl; Par loial mariage bonne vie menoient.

A. moult biau valeton orcnt que moult amoient, Et pourFamour de Dieu moult d'aumosnesfaisoienl;

Car il estoient riches, manaiis et assasez ; Dicx cstoit de leurs biens servis et hoiinourez, Les povres souslenuz, malades confortez, Dont Tanenii estoit dolent et aïrez*

L'anemi les tempta tant corn Tomme vescjui. Mais ne le pot deçoivre vallissant .i. espi; L'omme, qui estoit sage, trestouz péchiez guerpi Si bien qu'en nul péchié vilain ne s'embati. .

Cil vesqui jusqu'à tant que Diex le vout avoir. La mort vint qui le prist , ne pot plus remanoir, S'esclaiz li convint faire et partir son avoir : Sicom il apartint Dieu en fist son devoir.

Ce preudons trespassa , s'ala de vie à mort; Sa femme en fu dolente et en grant desconfort; Pour son seignour plouroit souvent nuit et jour fort, Mais louz jours le tempta l'anemi qui ne dort.

De cors et de visage le filz sambloit au père , Et pour ce Tamoit moult et tenoit chier la mère. Touz jours leurpourchassoit l'anemi honle et hère, Qu'il convendra par force que chascun la compère.

Pour l'amour que la mère avoit à son enfant , Le coucha avec lui tant qu'il fu bel et grant. Anemi, qui touz jourz va le mal enortant. Pourchassa tant qu'il furent l'un à l'autre abilant.

Ou péchié de luxure tous .ij. les embati;

Lonc temps les y iist estre d'eulz, .ij. se départi.

La dame devint grosse et son enfant senti; Quant s'en perçut à poi le cuer ne li parti.

Le filz, qui ot sa mère ensainte et engrossie, Ot tel à son cuer, bien vousist perdre vie. Adont promist à Dieu et à sainte Marie Qu'il s'amendera de celle grant folie.

Le varlet et sa mère se vont apercevoir Du péchié où dèable les a fait remanoir. Chascun son péchié pleure, tart, tempre, main et soir; Mais l'anemi fait joie, qui les cuidoit avoir.

L'anemis, qui touz diz au bons décevoir tire, Guida bien filz et mère avoir sanz contredire Et le fruit qu'engendré estoit en advoutire; Mais onques n'i ot part, dont il ot duel et ire.

Ains les ot le vrai Dieu en son saint paradis, Aussi com vous orrez ainz que le dit soit dits. Grant pénitance en firent, si com dit li escris : Oez com le filz fu de sa mère partis.

« Mère, dit le varlet, trop mal avons euvré; Moi et vous ont déable laidement encombré, Ou feu d'enfer serons et ars et desmembré; Nous avons Dieu perdu et dyable recouvré;

« Mais se Dieu plaît le Père, jamais ne finerai. Si serai confesser; pénitance ferai, SeDiex plaist, ainz que muire, par quoi sauvéserai: Je vois à nostre preslre; mon peschié li dirai. »

Or se départ l'onfcs; sa mère dcmoura.

Tant fist qu'il vint à prestre; tout son fait li conta. Le prestre respondi qu il ne l'assoudroit jà, Qu'il n'en avoit pooir; au pappe l'envoia.

Quant le varlet vit ce, si revint à l'ostel : Bien sot qu'il avoit fait trop grant péchié mortel. Tant (ist qu'il ot monnoie de son meilleur chatel : Lors jura en pleurant le sacre de l'autel,

A nus genoulz, mains jointes, jamais ne (ineroit

S'aroit parlé au pape et confez li seroit.

Sa mère brait et cries qui pitié en avoit,

Qui estoit si ençainte qu'à paines son pié voit.

La mère respondi, dolente et esplourée : « Biau (ilz , je demourrai pensive et esgarée. Jamais hounour n'arai , ains serai diffamée. Et de trestoute gent serai au doi monstrée. »

Le varlet respondi : « Ma mère, or entendez : Vous avez tant d'avoir que nombre n'en savez; Donnez-cnt pour vostre âme, vers Dieu vousamendez, Et r fruit de vo ventre soigneusement gardez.

« Se déable vous a en péchié embatue Et il vous a navrée, gardez qu'il ne vous tue. Aiez dorénavant en Dieu vostre atendue, Et vous serez par li aidie et secourue.

« Du fruit que vous portez faites vostre devoir; Encor par aventure le porra Diex avoir.

S'anemis a grant force, Diex a plus grant pooir. » — « Biax filz, ce distla mère, certes vousdites voir. »

Tant parlèrent ensamble et la mère et le fiex Des raisons moult piteuses et des biax mos ytiex Qu'il se départirent pleurant de leur biax yex. L'un l'autre commanda au vrai Père des ciex.

Or demeure la mère et H enfés s'en va. Tant fist que vint à Rom me et au pappe parla. Touz ses péchiez li conte, que riens ne li cela, Comment jut à sa mère et comment l'engroissa.

De si grant repentance s'est Tenfès confessez Que fondoit tout en lermes; moult estoit esplourez; Mais il fu doucement du pappe confortez, Et dist: « Diex t'aidera, soiez asséurez.

« Diex est misericors : de toi aura pitié ; Se li anemis t'a enbatu en péchié, Pour ce ne t'a-il pas de touz poins gaaingnié. Diex, qui te rachata, ne t'a pas oublié.

« Puis qu'en ta plaine vie quiers absolution , Ferez vous pénitance en grant dévocion.

Diex, qui por toi souffri et mort et passion, Contre les anemis sera ton champion.

« Je, qui sui Diex en terre, ange de Dieu le Père, Et sui en la chaicrc de l'apostre saint Père, Te met en nostre garde et retieng comme frère. Car tu es filz de Dieu et de sa douce mère.

« Sainte Eglyse a grant joie quant tu es i clournez Du grant chemin d'enfer où tu ères entrez. Paradis te sera ouvert et deffermez Qui à vrais repentans est touz abandonnez. »»

Ainsi li apostolle le pécheeur conforta, Mais point de pénitance adont ne li donna. Moult bel et gracions le vit, puis dit li a Que s'il le veult servir avec li demourra.

« Sire, dist le varlet, volentiers demourrai. Doucement de bon cuer et bien vous servirai. » L'apostoile respont : « Et je te retendrai ; De ma chambre où je gis chambellent te ferai.

« Mes chambellens seras jusqu'à ma volenté : Robes,, chevaus, deniers aras à grant plenté. » Cil fu liez du biau don c'on li a présenté ; Or est drois que vous die la pure vérité

Pourquoi li apostoiles le retint de maisnîe Et pourquoi ne H a pénitance baillie.

Le saint pappe douta c'anemi plain d'envie Ne féist le varlet renchéir en folie.

S'il éust au varlet pénitance donnée

Et il fust retournez arrière en sa contrée,

Anemi par péchié r'éust fait l'assamblée

De li et de sa mère : lors fust leur mort doublée.

Assez plus que devant fust le péchié vilains ; Et s'estoit bien li pappe et séur et certainz

LE DIT DU BliEF. 49

Que la mère au varlet vendroit o derrainz A Romme, pour avoir soute de ses mehains.

Pour ce ne vout le pappe qu'il r'alast vers sa mère, Qu'il douloit c'anemis ne leur baillast matière De rentrer en l'ordure puant, orde et amère, A la fin que perdissent l'amour de Dieu le Père.

El pour ce fist le pappe le varlet demourer, C'a sa mère n'alast par pèchié rassambler. Si lairons du varlet .i. petit à parler j De sa dolente mère vous voudrai-je conter

Sa vie et son estât et treslout son couvine, Et comment l'anemi la tint en sa saisine X. anz trestouz entiers, mais la haute Roy ne Servoit de tout son cuer et amoit d'amour iine ;

Car des lettres sa voit assez et largement: Heures et oroisons disoil soigneusement; En l'ounour Nostre Dame vivoit moult asprement lij. jourz en la semaine, et si donnoit souvent

De moult belles amosnes, que Diex par sa pitié Li vousist garder s'âme et mètre à sauveté; Mais, combien que du sien féist grant charité. De confesser n'avoit cure ne volenté;

Car elle ot .i. déable sus l'espaulle senestre: Confesser li dcffent; nuit et jour y voult estre : Et s'avoit .i. bon ange dessus l'espaulle destre Quidisoit : « Seur, va-t'en confesser à ton prestre. »

Mais si le sot dcable tenir et décevoir

Que de li confesser n'avoit point de pooir.

Le termine aprocha que dut enfant avoir:

Tiex maus pristrent la dame (juVlle dut recevoir.

L*anemi, qui estoit touz jourz delez s'orcille, D'estrangler son enfant nuit et jour la conseille; Mais la Vierge Marie, qui pour ses amis veille, Pour li briément secourre s'esmut et appareille.

La bourgoise estoit jà en une chambre entrée : Ses griés maus la destraint : si s'est haut escriée; Au premier mot a dit : « Royne couronnée, Je muir! Sauvez-moi Tâme, que ne soie dampnée! »

L'anemi ot grant duel au bon mot qu'elle dit. Tourmenter le cuida et H faire despit; Mais la Vierge Marie, en qui sont tout délit , Li a dit : « Anemi, va-t'en sanz nul respil!

« Va-t'en en sus de li , anemi Sathanasî Elle n'aproche jamès! fui-t'en isnel le pas! C4ar tu n'as riens en li; folz fu quant le temptas. » Lors s'enfui l'anemi assez plus que le pas.

Lors s'enfuit l'anemi couroucié et dolent: Onques puis en l'ostel n'osa estre habitant. La pécheresse aloit doucement dépriant La douce mère Dieu qu'elle li soit garant.

Quant son mal la prenoit, haut prist Dieu à prier Et sa très douce mère que li vousist aidier;

Celle qui au besoing veult ses amis garder Entra dedenz la chambre s'amie conforter.

Quant Nostre-Dame fu dedenz la chambre entrée Devers la péclieresse a sa chière tournée : Adonques fu la chambre trestoute enluminée D'anges qui avec li vindrent sanz demourée.

Et quant la pécheresse aperçut la clarté Qui fu dedenz la chambre, de cuer a reclamé La Roy ne des ciex, où tant a de bonté, Que briément la déHvre s'il est sa volenté.

Nostre-Dame s'en est de la chambre tournée; Chiés une femme vint qui l'ot lonc tans amée. De la clarté de li fu toute enluminée L'ostel la bonne dame; ne s'est lors arestée.

A genoullons se mist la bonne femme errant; La douce mère Dieu va du cuer saluant. Nostre-Dame li dist : « Va-t'en apertement Chiés tel femme, et soies à son delivrement. »

Dès ce que la bourgoise Nostre-Dame entendi Doucement de bon cuer errant li respondi : « A vostre plaisir faire trestout mon cuer otri. » Lors s'en part Nostre Dame, ses anges avec li.

La mère Dieu s'en part , es sainz ciex remonta : La bourgeoise s'entourne tantost qu'elle vint là. Celle d'une fillete maintenant déHvra; Au mouslier fu portée et on la baptisa.

5i LE DIT DU BUEF.

Elle ot à non Philippe. Quant vint au baptisier Touz ceuz de la paroisse se vont trop merveillier De celle vaillant femme c'en soloit tant prisier, Mais nus ne sot du père parler ne tesmoingnier.

De sa groisesse nul ne pot apercevoir, Car elle avoit des robes du tout à son vouloir: Ne privée n'estrange n'en sot onques le voir. Vous orrez jà merveilles moult granz ramentevoir.

Quant la bourgoise fu de Tenfant délivrée Partout fu la nouvelle espandue et alée. Pour autres aventures fu la chose oubliée : La dame après son mois est à confesse alée.

A son curé s'en vint en grant dévotion : Ses péchiez li conta par bonne entencion; Mais elle ne pot avoir point d'asolution : S'elle ne va à Romme, n'en pot avoir pardon.

La bourgoise fu moult dolante et esbahie : Bien dist que maintenant aler n'i porroit mie. Mais bien promist à Dieu et à sainte Marie Qu'elle yra çà avant, se Diex li donne vie ;

Et, se sa fille vit, avec li la menra. Par devant l'apostoile son péchié monsterra. La bourgoise .x. ans en ce point demeura; La fille devint belle et crut et amenda.

Sitost qu'elle ot .xj. ans à l'escole fu mise: Ainz qu'elle en éust .xij. fu sage et bien aprise;

N'avoit de son aage si sage jusqu'en Frise : En Dieu amer avoit toute s'enlenle mise.

La douce mère Dieu de tout son cuer servoit : ,Quant ce venoit à Pasques moult bien se confessoit Et le cors Jhésu-Crist doucement recevoit ; Mais elle ne savoit mie qui ses îxjres estoit;

Car s' elle le séîist, à ce qu'elle estoit sage, Jamais jour n'éust bien ne joie en son courage. l. jour fu la pucelle devant le douz y mage De la Vierge Marie, qu'elle i avoit usage.

A celle pucelete vint une avision Qui li dist : « Belle fille, va-t'en en ta maison , Doucement em pitié met ta mère à raison; Prie-li que te die comment ton père a non. »

A tant s'en part la voiz et celé est demouréc. De ce qu elle a oy fu forment trespensée : A son hostel s'en vint ; s'a sa mère trouvée, Qui emplourant se claime : « Lasse! maléurée! «^

La pucelete fu pensive et esperdue

De celle voiz qu'elle ot oie et entendue,

Et quant trouva sa mère pleurant, le sanc li mue :

De Dieu le salua, devant li est venue 5

Puis li dist : « Douce mère, c'avez-vous à pleurer? Onques mais ne vi femme si souvent duel mener; Onques ne vous vi rire n'entre gent déporter, Ne moi , Umt fusse jone, baisier ne acoler.

« Touz jourz a vostre cuer duel, tristresce et anuî. Ma mère, d'une chose trop merveilleuse sui : Onques ne vous oy dire de qui fille je sui, Ne onques de mon père parler ne vous oy

« Si com ces autres femmes parlent de leurs maris. Dites-moi de mon père s'il est ou mors ou vis. » Quant la mère ot sa fdle, le sanc li est frémis ; Tel destrece ot au cuer, à poi qu'il n'est partis.

Cil estargié fu aussi comme pasmée :

Quant elle pot parler si s'est haut escriée : « Fille, mes cuers, mes enfès, la voie a désirée Que péusses savoir qui t'éust engendrée;

« Belle très douce iille, et je le te dirai. J*avoîe .i. moult biax fdz qu'avecques moi couchai Dès qu'il estoit petit pour ce que tant l'amai , Et puis quant il fu grant à li m'abandonnai.

« 11 t'engendra en moi : onques puis je n'oi joie. Tu es fdle ton frère, dont à poi ne marvoie, Que je dont qu'en enfer déable ne me convoie. Et moi et toi et li, se Diex ne nous r'avoie

Et la Vierge Marie, en qui j'ai grant fiance. * Quant sa fille l'oy moult mua contenance; De perdre cors et âme fu forment en doutance. Lors apela sa mère, et li dist en oiance ;

« Mère, pierà dist-on, et c'est bien chose clère, La truie fait bien tant sou pourcel le couqière.

Le pechié est trop grant quant sui fille mon frère; Maisc'à Dieu ne desplaise, niarfusiez-vousma mère!

« Lasse! po\Te dolente, que porrai devenir? Terre devroit partir et mon cors trangloutir. lia, Royne des ciex! par vostre douz plaisir A si vilain péchiez ne me laissiez partir!

« Certes, or doi-je bien estre desconfortée Quant es oeuvres du déable sui concéue et née! En aucun grant désert m'enfuirai esgarée : Là ferai pénitance dont je serai sauvée.

« Mère, chascune beste par son pié peut (sic) : Pensez de vous, je vois quérir mon sauvement. Se je vous puis aidier ne faire alegement. Je vous destournerai d'aler h dampnement,

« Des biens que je ferai je vous fais parsonnière. Car jamais en ce monde n'aurai joie plenière Puis que je sui issue de si orde matière ; Tenir m'en doi plus vil et moi mains avoir chière.

« Je m'en vois à confesse pour ma vie amender. » Lors s'en va la pucelle à son curé parler : Trestoute l'aven turc li va dire et conter. « Fille, ce dist le prestre, ne te puis conforter.

Au saint père le pappe aler te convendra : C'est cil qui de tes maus l'asoute te donra. >• Quant celle vit (ju'à Komme au pappe s'en yra, A l'oslcl s'en revint, moult tendrement ploura.

« Douce mère, dist-clie, en tourment m'avez mise. A Romme m'en yrai, la voie y ai promisse; Mais je ne sai la voie ne je ne l'ai aprise. Diex me veille conduire par sa douce franchise ! »

— « Fille, ce dist la mère, entre nous .ij. irons. De l'or et de l'argent assez emporterons,

Et de touz nos péchiez nous nous amenderons. »

— « Mère, dist la pucelle, faites; si nous hastons.

« Mandez des plus preudomesdetout vostre lignage : Metez-leur tout en garde, meubles et héritage, Et si faites cri3r par trestout cest rivage (Une belle dounée vous ferez comme sage) ,

« Et si faites chanter vostre messe au mouvoir.^*

— « Fille, ce dist la mère, en toi a grant savoir. » Lors manda ses amis pour garder son avoir,

Et fîst moult grant dounée pour à Dieu miex vouloir.

Quant la bourgoise ot bien ses choses ordenées, Et leur messe fu dite et fait belles dounées, Entre li et sa ftlle se sont acheminées; Droit vers Romme la grant errant s'en sont alées.

Or les conduie Diex, le Roy de tout le mont! . Jamais en leur pays elles ne revendront; Car fille et mère et filz encore se verront, Et tout en .i. hostel en une nuit morront.

Or commence biau dit et plain de grant sustance : Comment ces .iij. personnes firent leur pénitance.

D'estre en enfer dampné furent en grant balance; Oez comment il (irent vers Dieu leur acordance.

La bourgoise et sa fille sont venues à Rom me Pardevant l'apostoille, qui fu sainte personne. La damedist au pappe de ses pécbiez la somme; Le (Hz connut sa mère, mais point ne l'araisonnc.

Cil l'escouta parler tant qu'elle ot tretout dit. Le bon pappe n'ot mie la bourgoise en despit Pour l'orible péchié; mais moult bien li enquit Tout le fait et la somme; li dit sanz contredit,

Tout aussi c'au péchié s'estoit abandonnée.

Adont a pris sa fille, au pappe l'a monstrée

Et li dist : « Geste lîlle a mon filz engendrée

En moi : j'en quier penance, que m'àme soit sauvée. »

Quant la mère ot au pappe sa confession dite Lors a parlé au pappe la pucelle petite : « Sire, de celle ordure qui de Dieu est despite Fu formée ma char : donnez-m'ent tel mérite

« Que m' âme ne puist estre du péchié parsonnière : Des oevres au déable me veu-ge traire arrière. » — « Fille, dist l'apostolle, tu fais bonne proière; Ta conscience est bonne, nele, vraie et entière. »

Le varlet vint au pappe et li dist : « Biau douz |x'3re, Certes, sire, dist-il , véez-vous ci ma mère. Et vez-vous ci ma (ille; nous sommes suer et frère. J'en ai fait le péchié, drois est que le compère. «

— - « Biau lilz ,cedist lepappe, j'ai moult bien entendu Le péchié où déable vous avoit enibatu : Pour quoi je t'ai lonc temps entour moi retenu, Qu'anemis ne t'éust de touz poins confondu. >►

Trois jours vont l'apostolle la dame retenir; Li et sa fille fist à sa court bien servir. Au tiers jours chanta messe, adont a fait venir La dame et ses enfanz. Vous porrez jà oir

Grant pitié recorder et chose merveilleuse. La bourgoise fu moult pour le pueple honteuse;. De bon cuer réclama la Vierge glorieuse Qui en ses flans porta la char Dieu précieuse.

Encor n'avoit la mère son fdz reconnéu , Car biau varlet estoit et fort et par créu; Mais adont le connut quant de près Tôt véu : Or sachiez que ses cuers fu forment esméu.

De paour de péchié et de honte elle tramble; Tout le cuer li sautelle comme fueille de tramble. Cardiniaus et liegaus sont laienz touz ensamble : Lors leur fu pénitance baillie à touz ensamble.

Moult fu leur pénitance hideuse à regarder, lij. cuirs de buef a fait l'apostolle aporter : A chascun en donne un pour lui envoleper; Dedenz les fist-on queudre et bien estroit serrer.

La mère fu cousue ou sien premièrement , Et le varlet après, puis la lille ensemeat.

Visage, piez et mains ont à délivréemenl ; Adont li apostolies leur list commandement :

« Bel enfant, dist le pappe , entendez à mes dis ; Je vous commant sus toutes vos pars de paradis Que jamais de ces cuirs ne soiez desvestis Si les aiez .vij. anz portez par le pays.

« Ne en chascune ville c'une nuit ne gesez, Se de grant maladie n'estes trop agrevez , Ne dusques lors les cuirs vous ne despoullerés Du jour d'ui en .vij. anz ci à moi revendrez.

« Je vous charge et enjoins et doins ceste penance, Car elle plaît à Dieu : déable en a pesance. De tretous vos péchiez je vous fais pardonnancc; Jamais par l'anemi vous n'en aurez grevance. »

Li apostolies list, par grant dévotion, Faire as clers et à prestres belle proucession , Pour convoier ces .iij. par bonne entencion, Que Jhésus les conduie à leur sauvacion.

A un chemin croisié le pappe les mena. Et à chascun par li doucement commanda : « Tu tendras ce chemin, et toi cet autre-là, Et tu tendras le tiers, et ne le change jà.

« Dusc*à d'ui en .vij. anz l'un l'autre ne verrez^ Et, s'aventure vient que vous vous encontrez, Je vous deffent que l'un à l'autre ne parlez; Et vivez des aumosnes que vous pourchasserez. »

Tout l'avoir que la mère et la fille aportèrent, Robes, or et argent, pour l'amour Dieu donnèrent, Et aussi list le filz; du tout se desnuèrent; Pain ne argent ne gages avec eulz n'enportèrent.

Touz nulz et touz deschaulz furent et nues testes, Fors que cousus estoientdedenzles cuirs des l>estes; Jamais plus n'i aront, tant soient hautes festes. Adont a fait la mère au pappe ses requestes :

« Sire, dist la bourgoise, pour Dieu je vousre<|uier : Donnez-moi le congié de mes enfanz baisier. * — « Non ferai, dist le pappe; gardez n'i atouchier Ne ton lilz ne ta (ille : bien porroies péchier. »

Le fdz prist son chemin devers soleil levant , Et la fdle le prist devers midi sonnant ; La mère prist le sien devers soleil couchant. Lors ot la mère au cuer doleur et pitié grant.

Quant elle vit sa fille qui d'eulz ainssi se part, Qui s'en va en essil, et si ne set quel part, Tel duel ot à son cuer à poi que ne 11 part, Et li filz et la (ille font grant duel d'autre part.

Adont a dit la mère : « Fille, à Dieu te commant : Pour toi ai tel destresce ne puis aler avant. » Lors mainent si grant duel la mère et li enfant Que touz ceuz qui les voient vont de pitié plourant.

« Enfant, ce dist la mère, quant de ci partirons En ceslui siècle-ci jamais ne nous verrons. »

LE DIT DU BUEF. Ci

— « Mère, ce dist la fille, grant joie avoir devons Quant pour .i. poi de paine paradis conquérons.

« Ma mère, vostre amour ne me puet riens valoir. Ne de la moie aussi ne vous puet-il chaloir : Penson à Dieu, qui voult por nous mort recevoir, Par quoi en paradis puissons nos lieux avoir.

« Mère, je voue à Dieu que chascun jour dirai Pour vous unes .vii . siaumes, que jà jour n'en faudrai, Et unes pour mon frère, bien les emploierai , Et touz nos bienfaiteurs vous acompaignerai.

« Pour moi en dirai unes, que Diex par sa bonté, En quel lieu que je voise, me maint à sauveté Et me doinst par sa grâce garder virginité, Si qu'en cest monde puisse faire sa volenté. »

— « Mère, dist le varlet, veilliez-moi pardonner Toutes maie façons, c'a péchié puet tourner. Par quoi il vous convient pénitance endurer. »

— « Filz, Diex letepardoinst, elpuistquite clamer! »

Touz .iij. vont li uns l'autre pardonner bonnement. Lors parla le varlet, et dist piteusement : « Fille, je t'engendrai ; ma suer es vraiement. Pardonner le me veille le douz Roy qui ne ment! »

La pucelle respont : « Adieu , mon très douz frère : Moi et vous a porté en son ventre une mère. Or ouvra tant nature en péchié d'adultère Que je sui vostre fdle et vous estes mon père. »

Quant chascun ot l'un l'autre doucement pardonné, Le nioustier Nostre-Danie a cliascun regardé. A nus genous, mains jointes, de bonne volenté, Prient la mère Dieu qui leur doinst sauveté.

Le pappe leur a dist : « Or tost départez-vous! D'ui tout droit en .vij. anz revendra ci à nous, Et lors vous serez quites de vos péchiez trestouz. Alez, que Diex vous soit débonnaires et dous! »

Tous .iij. devant le pappe se sont agenouilliez Et le pappe les a benéis et seigniés.

De l'yaue beneoite les a tous .iij. mouilliez. Après pour cheminer se sont appareilliez.

Li enfant et la mère l'un de l'autre sevrèrent. Chascunsprist son chemin, à Dieu se commandèrent. Or entrent en grief paine où moult se traveillièrent. L'apostoille et sa gent à Romme retournèrent.

Or se sont li enfant de la mère partis , Et la fdle du père et la mère du filz. Jamais ne se verront tant comme il soient vis. Grant fain et grant froit orent et des durs lis.

S'il n'avoient de mal que la paour des chiens, Et des gens qui leur getent et çavates et fiens Pour ce qu'il ne sambloient pas estre crestiens. Par leur granz piax velues aront-il poi de biens.

Meismes les granz genz leur firent moult anuis : Herbergier ne le voudrent si tost qu'il estoit nuis;

Mais leur chiens les huoient et clooient leur huis : Vij. anz trcstouz entiers n'orent autre déduis.

Mais si estoient fermes et en Dieu si créans Que, plus orent de maus, plus estoient joians. Enluminés estoieni, embrasez et ardanz D'amer Dieu, car riens plus n'estoient desirrans.

Sept ans trestous entiers menèrent ceste vie : Pour raprochiervers Romme ont leur voie aqueillie. Près de la cité vindrent entour lieue et demie, Que li uns ne vit l'autre ne n'ot nouvele oïe.

Trop tart fu , qu'il ne porent onques à Romme aler.

A .i. village vindrent, bien osteler.

Le varlet vint premier : .i. homme va trouver Au dehors de la ville ; si li va demander

Se pour Dieu trouveroit hui mais où herbergier. Cil à qui il parloit estoit riche ahannier, Et menoit sa charue. Si respont sanz targier : « Certes, biaux douz amis, ne sai quel osteler.

« Qui pour Dieu te herberge , mais se tu as argent Tu trouveras ostel. » Cil respont doucement : « Certes, sire, nenil. Je ne quier seulement C'un bien très pou d'estrain et le toit seulement. >»

Cil, qui onques pour Dieu n'ot bien fait en sa vie, L'envoie en sa maison et li a enseignie : n Va, disl-il, à ma femme; di li qu'elle ne lest mie Qu'elle ne te herberge sanz plus ceste nuitie. »

Le peneanl s'entourne; s*ala en sa maison. La bone dame trueve, si l'a mise à raison : « Dame, lierbergiez-moi , ce dist vostre baron. Que le vrai Dieu vous face de vos péchiez pardon ! *

Quant la dan)e le vit, si fu toute

Pour celle grande pel qu'il avoit afubiée. En la grange le maine , si li a deffremée, De blanc estrain li monstre plus d'une charetée.

Cil se boute dedenz , qui ot froit et fain. Malades fu et maigres : moult avoit le cuer vain. En ses oroisons prie le haut Roy souverain Qu'il reçoive s'âme à brief terme prochain.

Après revint sa fdle, qui l'ostel demanda A celui qui son père proprement herberga. Le prcudom le herbergc, à l'ostel l'envoia. Quant la dame le vit , forment se merveilla.

Onques mais en sa vie ne vil gens si estranges, Car il ont, ce li samble, vestu linge ne lange. La dame le hcrberge, si l'envoie en la grange, Où avant qu'il soit jour descendront mil ange.

Quant la pucelle fu en la grange enbatue, Ou tas d' estrain se boute, à tout sa pel vestuej A Dieu fist oroison , et sa coupe batue Que prochainement muire et soit s'âme absolue.

Après revint la mère foiblement apoiant.

Au preudomme demande l'ostel pour Dieu le grant.

Cil l'envoie à sa femme, qui F amena errant En la grange où estoient herbergié si enfant.

Quant la dame la vit , onques puis que fu née Ne fu si esbahye ne si fort trespensée, Pour ces .iij. gens qui ont pel de beste afublée. Adont s'est la mère ou tas d'estrain boutée.

Chascun des .iij. en doit laiens estre tout seux Dont pristrent à prier le doux Roy glorieux Qu'en celle nuit leur soit si doux et si piteuz Qu'en paradis leur doinst le repos déliteux.

L'ostesse s'emparti , à la clef frema l'ufs. Ses maris à l'ostel revint quant il fu nuis : « Sire, ce dist la dame, vous soûliez estre duis De ramponer les povres et faire assez d'anuis.

« Onques mais ne vous vi aumosne ne bien faire : Je croi vous saintirez; c'aviés ore à faire De tel gent herbergier ? » Lors ne se vout plus taire Le sire, ainz a dit : « Dame, Dieu puist-il plaire!

« Se je hay les povres et je les veul amer, Et poi leur ai valu et je leur veul donner, Encor le me porra bien Dieu guerredonner. On dist que c'est aumosne des povres osteler. »

Dusques après souper en ce point demoura. Lors le sire s'apense, sa meschine apcla : « Di, as-tu que porter à ces povres genz-là? » — « Certes, sire, dist-elle, nule chose n'i a. v

— « Par t'âme, pren-y garde ! » El celle va tanlost Jurer qu'il n*y avoit riens dedens le pot. Vuit le cuida inonstrer, mais, ainssi com Dieu plot, Le trouva trestout plain, dont grant merveilles ot.

« C'est bien fait, dist le sire : porte-leur et du pain, Car cil (jui est saoul et a le ventre plain Ne sent pas le meschief de celui qui a fain. » Lors s*en va la meschine; le pot prist en sa main.

Du pain des escuelles avec li enporte.

A la grange est venue, et vit parmi la porte Une si grant clarté, paour ot d'cstre morte. A Tostel s'en rafuit, quanqu'il portoit ra porte.

En tramblant de paour s'aventure a contée,* Et leur dist que la grange estoit toute embrasée. Le sire y acourut , la dame y est alée : Si ont parmi la porte la clarté regardée.

Si virent et bien sorent que ce n'estoit pas feux , Mais de la grant clarté furent trop merveilleux. Dedenz entrer ne porent; lors devisent entr'eux Qu'il ont herbergié .iij. sainz cors glorieux.

Certes, il distrent voir, bien le sauront par tans. De son mari la dame ot eu .ij. enfans : Li uns ot .xxvj. mois et li autres .x. ans : Onques n'avoit aie sus ses piez li plus granz.

Les jambes avoit molles tout aussi com drapel, Car nus os n'i avoit que la char et la pel;

Tout ainssi fu-il nez , sours estoit et muel : Vous porrez jà oïr .i. miracle moult bel.

E Tainznés fu aveugles : onques n'avoit véu j De santé li enfant furent mal pourvéu, Car péchié avoit si leur |)ère dccéu Qu'envers Dieu n'avoit de riens fait son déu.

Félon et despiteuz vers povre gent estoit , La disme de ses biens mauvaisemcnt paioit , De sarmon ne d'églyse nule cure n'avoit, Et Diex par ses enfanz exemple l'en monstroit:

Car à Dieu n'a sa Mère ne plaisoit point sa vie; Mais puis fu-il preudons sanz orguci , sanz envie, Et pour ce li ot Diex celé gent envoie, Pour quoi charité fust en son cuer desploic.

Puis fu-il moult preudons et plains d'umilité Et ama moult les povres en foi , en charité; Et par miracles orent ses .ij. enfans santé, Puis furent-il hermitez par la Dieu volenté.

De la clarté qui fu en la grange venue. Vous dirai par quel chose elle y est descendue, La grant grâce de Dieu y fu si espandue Que plus de mil anges descendent d'une nue.

Yces .iij. cors sainz cousus es cuirs de bestes, Chascun entour matines fist à Dieu sa requeste Que de ce monde Teste, on il n'a que moleste : Diex oy ceulz qui orent fait pénitance honnesle;

Car touz .iij. ii une heure du siècle trespassèren t. Granz congrégations d'anges s'appareillièrent , Qui les âmes des .iij. en paradis portèrent Et 0 douz Roy de gloire tantost les présentèrent.

Moult gloriouscment les sains anges chantoient Te Dewn laiulamus, et grant feste faisoient Quant les âmes des .iij. em paradiz portoient: Devant le Roy de gloire errant les présentoient.

Or furent les .iij. cors en la grange au prudome; Le preudomme bien matin se liève et \a à Romme. Devant le pappe vint , qui fu bonne personne ; De ceulz qu'il herberga li dist toute la somme ,

Des cuirs qu'il ont vestu et de la grant clarté, Et du biau chant des anges de la sollempnité Qu'il oy à matines; trestout li a conté, Et le saint apostolle l'a moult bien cscouté.

Des .iij. penans li membre qu'à penance il bailla; Les prélaz de sa court tout maintenant manda ; A grant procession alèrent tantost là Où les .iij. cors estoient; le preudora les mena.

Onques nul fors le pappe ne pot l'uis deffremer, N'onques avant que li ne pot dedenz entrer, Et le bon apostolle les fist touz encliner, A genoulz et mains jointes Dame Dieu réclamer,

A celle fin qu'il fussent dignes d'apercevoir Les cors pour qui Diex fist la clarté aparoir.