I. petit du chanoinne vous leron à parler
174 UN DIST QUE ON GLAMME RESPON.
Assés prochainement i voudron retorner:
D'un chevalier gentil vous voudré recorder.
De Normendie estoit, ce est vérité fine; 11 avoit une dame loialle et entérine.
11 en ot une fille de si bonne doctrine Que de son cuer servoit la très haute Roïne,
Mes la Vierge Roïne l'en rendi bon louier De ce que fist son père, qui estoit chevalier. Tant sui les tournois par son grant encombrier^ Qu'il ne li demoura palefroi ne destrier.
Tant fist par sa folie qu'il ot tout despendu; En toute Normendie n'ot vaillant .i. festu.
Nul n'ot mes de li cure quant il ot tout perdu : Sachiez qui n'a argent il est trop vil tenu.
La dame à son seingneur s'en vint et li dist: « Sire, Vuidon ceste contrée : tout le cuer me font d'ire. * Le chevalier respont : « Foi que je doi saint Sire, Nul n'a cure de nous; plus ne vous ssu que dire.
« Nous passeron la mer ; s'iron en Engleterre : Je serai soudoier. Il l'i ara grant guerre. » — « Faites tost ,dist la dame .Trestout le cuer me serre. » Lors passèrent la mer, vindrent à seque terre.
A Rippon-le-Chastel le chevalier entra, Li, sa femme et sa fille, que de son cuer ama. El milieu de la ville le chanoine trouva:
Doucement le salue, et puis li demanda*
UN DIST QUE ON CLAMME RESPON. 175
Moult belle corapaingnie ovecques lui avoit : Frère au conte Nicole li chanoinnes estoit.
Le chevalier du sien por Dieu li demandoit Aucune courtoisie, quar mestier en avoit.
Quant le chanoinne entant qu'il li a demandé, Il li donna du sien, si en ot grant pitié.
Sa fille regarda, qui ot tant de biauté :
En son cuer la convoite, mes il n'a mot sonné.
Le chanoinne repaire arrière en sa meson ; Mes l'anemi li met el corps tenptacion D'avoir la damoisselle. S'apella un garçon; Le chevalier manda, si le mistà raison.
« Sire, dont estes-vous? » — « Je sui de Normendie. J'é le mien tout perdu, et tout par ma folie. » — «Or, pès, distle chanoinne; ne vous esmaiez mie; Se vous me voulez croire, vous en aurés partie.
«Distes qui ert la dame que je vi avec vous.
Et celle pucelete qui le viaire adous?»
— « C'est ma famé et ma fdle, par Dieu le créateur . Sic.
— «Orentrés en ma chambre, je vueilparleràvous. »
Le chanoinne, qui fu moult très forment temptés. Au chevalier a dit qui vit en pouvretés :
« Prenez de mon argent tout à vo voulenté.
Mes que j'aie vo fille à faire touz mes grés. »
Le chevalier respont, qui estoit mandiant :
« Donnez-moi .ij. c. livres d'argent tout maintenant:
476 UN DIST QUE ON CLAMME RESPON.
Je la vous iré querre, s'en faites vo talent. »
— «Aies, dist le chanoinne, tost et apertement;
« Les deniers sont tous près, mes que la m'amènes. » Le chevalier retorne, à Tostel est aies.
A sa famé dist : « Dame, envers moy entendes: Certes nous serons riches se croire me voulés :
<i Je vien d'un gentil homme qui a à moi parlé; Il veult avoir vo fille tout à sa voulenté; 11 m'en a .ij.c. livres d'argent sec presanté: H faut que je li maine, car je l'ai créante. »
Lors respondi la dame : « Es-ce par mariage?
— « Nenil: c'est un chanoine de moult riche linage. » Quant la dame l'entant , si ot au cuer grant rage, De l'iaue de son cuer arousa son visage.
Sa fille vint à li, et li dist: « Douce mère,
4x Dame, pourquoi plourés? Vous a férue mon père? »
— «Nenil voir, douce fille; la chose est plus amére, Car vous estes vendue, dont je fais mate chière. »
— « Voir, dist la pucelle, j'é voué chaasté Au très dous Jhésu-Crist, le Roy de maesté; Je pri sa douce mère, où tant a de bonté.
Car elle gart mon corps d'ordure et de vil té.
« Très douce mère Dieu,- qui estes souveraine. Qui vostre chaasté gardastes, c'est bien chose certaine, Et si estes des vierges dame et souveraine, De grâce et de vertus le puis et la fontaine,
UN DIST QUE ON CLAMME RESPON. 177
« Dame, deffandés-moy de l'ordure mondaine, Par quoi m' âme ne soit en la prison parfonde , Et mon père et ma mère gardez de mort seconde. » Le chevalier li dist: « Or çà, Dieus vous eôofondel
« Venez-en avec moy, et si ne lessiez mie. »
— « Sire, dit la pucelle, je ne vous desdi mie. » Hautement s'escria : « Douce Vierge Marie, .
« Je vous requier merci, que ne m'oublie2 mie. »
Le chevalier sa fille au chanoinne mena ; Ij.c. livres reçut, moult joiant retorna.
Pleurant la demoiselle illecques demoura; Le chanoinne tantost doucement Tapella.
« Belle, pourquoi pleures ne par quelle raison ? »
— « Sire, dist la pucelle, j'ai au cuer marisson D'estre ainsi violée. Or savez la raison. »
— « Tessiez-vous, belle suer; nous vous marieron. »
11 couchièrent ensemble; lorssouflent la chandelle. A moult très fort pleurer se prist la damoisselle. € Dites-moi , fait-il, belle, comment on vousapelle. » — « Sire, j'ai non Marie, » se respont la pucelle.
Quant le chanoinne entant ledous non de Marie, Tanptacion se fu tantost de li partie Pour l'amour Nostre-Dame, qui est nete et polie. « Jà mon cors, se Dieu plest, ne fera vilonnie.
« En l'onneur Nostre-Dame, qui le cors Dieu porta, Mon cors vilainement à vous n'atouchera. »
