I. lit de fuerre et de pesas

Et de linceus de chanevas;

Puis le despoille, si le couche.

Les iex li a clos et la bouche,

Puis se lest chéoir sor le cors :

« Frère, dist-ele, tu es mors.

Diex ait merci de la teue âme!

Que fera ta lasse de famé

Qui por toi s'ocirra de duel ! »

Li vilains gist souz le lincuel,

Qui entresait cuide mors estre,

Et celé s'en va por le prestre.

Qui mult fu viseuse et repointe.

De son vilain tout li acointe

Et entendre fet la folie.

Gil en fu liez et celé lie

De ce qu'ainsi est avenu.

Ensamble s'en sont revenu

Tout conseillant de lor déduis.

Lues que li prostrés entre en Fuis

Gommença à lire ses saumes,

Et la dame à batre ses paumes ;

Mes si se set faindre dame Erme

Qu'ainz de ses iex ne chéi lerme ;

Envis le fet et tost le lesse,

Et li prostrés fist corte lesse ;