DE BAILLEUL

N'avoit soing de commander l'âme.

Par le poing a prise la dame; D'une part vont en une açainte, Desloïe-l'a et desçainte.

Sor le fuerre noviau batu Se sont andui entrebatu.

Cil adenz et celé souvine.

Li vilains vit tout le couvine Qui du lincuel ert acouvers, Quar il tenoit ses iex ouvers ; Si véoit bien l'estrain hocier, Et vit le chapelain locier; Bien sot ce fu li chapelains.

a Âhi ! ahi ! dist li vilains.

Au prestre! Filz à putain ors!

Certes, se je ne fusse mors, Mar vous i fussiez embatuz; Ainz hom ne fu si bien batuz Com vous seriez jà si, prestre, »

— « Amis, fet-il, ce puebbien estre, Et sachiez, se vous fussiez vis, G'i vcnisse mult à envis Tant que l'âme vous fust au cors; Mes de ce que vous estes mors Me doit-il bien estre de miex.

Gisiez-vous cois, cloez voz iez; Ne 's devez mes tenir ouvers. »

Dont a cil ses iex recouvers; Si se recommence à tésir, Et li prestre fist son plésir Sanz paor et sanz resoingnier.

Ce ne vous sai-je tesmoingnier