LE DIT DE LA RÉBELLION

Mais bien tenir ne les vaiidroit.

Tréstous ainsi le vous feront :

Des pais, y aras-tu souvenl

Qui ne tendront foy ne couvent,

Car mal tailliées sont et cousues ;

Tele pais ne sont pas tenues

Des Anglois, où il n'a ûance.

Or sachiez dont , Roys, sans doutance,

Que tant comme Englois te sauront

Prez d'eulz , que pais à toy n'auront ,

Ne ne te donront convenant.

Por coy penses durement

Aquerir, ne jà ne le lesse ;

De cause et raison as expresse,

Qu' Englois ne facent leur devoir.

Fai leur tantost apercevoir

Que Gascoingne est de toy tenue.

Soit, ce n'est pas descovenue.

Et te fais seigneur droit clamer

De tout ce qui est deçà mer.

Soit la mer borne et dessevrance

De l'Engleterre et de la France}

Car nul qui atent que soit fait,

Tu n'auras bonne pais de fait j

Ne doit avoir succesion ;

Au lis n'avez li portion,

Liépart, por ce qu'en avoutirc

11 prent sa sustance et ma tire.

Non fait aussi que le lyon

Qui ne garde discrétion

En son sexe corporelment

En parlant esperitolment.