D'ENGLETERRE ET DE FLANDRES. T
Tel ne sont mie possesseur, N'estre ne doivent successeur En chose de la fleur de lis.
Estre puet que tu qui ce lis Pour roy demander ne porroies, Et je te prie que sus ce m'oies.
Quant le liépart à lyon cure,
En lieux a par deçà demeure,
Ou fait de génération.
Là prent le lyépart nacion ,
Dont fault de ceulz que lyépart nesse,
Que le lyon ou lyonesse
Se mesface en parc ou en parde.
Et par tel mesfait les resgarde.
Que le lyépart ainsi compost
Faire bien ne puet ne ne post ,
Ne ne porra quant sa nature
Vient d'aventreuse maîsfaicture.
Engleterre les lyépars porte ;
Le lyon à Flandres raporte j
Ces .îj. en leurs seigneurs mesprislrenl,
Quant les assaillirent et prislrent,
Leurs seigneurs sires des natures.
Comme traîtres et parjures,
Et les téinrent en prison.
En ce appert lor mesprison
Et leur avoutire malvaise.
Dont il ne fait pas qu'on se taise.
Ainsi d'Engleterre et de Flandres
Avons-nous véu les esclandres
Contre leur seigneur primerain ,
78 LE DIT DE LA RÉBELLION, etc.
Et puis contre le souverain Le roy de France le greigneur, Des règnes temporel seigneur, Et que vers li ont si mesfait , Ne doit estre acort jamais fait, Que par leur grant iniquité, 11 ne soient déshérité De ce qui est du lis tenu.
Se ce mot, Roys, as détenu Que je r'ai dit en po 4e glose.
Et par ce, raison as et chose, Angleterre de là se vengne, "Que tel lyon et tel lyépart Plus ne traie de celé part :
Deçà seignorier ne viengne^ Flandres, ausint deçà soit vostre.
Que riens n'y aient li avoltre ; Car qui autrement le fera Puis que durais n'i sera , Mais passera chascun son temps En celés noises et contans.
Eœplick.
£e Bit it la ^mr\o96t k Hommt^
Ms. 498 N.-Dl
A la douce loenge de la Vierge Marie Veîl dire .î. bîau dit qui est sanz vilenie, Por prendre bone essemple en ceste mortel vie De confesser touz cens qui ce n'ont en envie •
Un moult bel essemplaire vous vodrai recorder Gomment la douce Dame sait ses amis sauver Encontre Fanemi qui nous veust craventer Et nos desvoie touz que n'aillons confesser.
Jadis fu une borgoise demourant à Romme ; Moult estoit bêle dame et son mari jonne home ; Il s'entir'amoient moult; d'avoir orent grant somme; As povres genz donnoient assez de biens par Romme.
De leur biensfez estoit partot le renon grant. Il orent de .ij. ans A. moult très bel enfant; Il estoit valelon, si l'amèrent forment.
Li preudon n'en ot plus en trestot son vivant .
Une nuit jut malades en son lit li borgois :
C'est le lit de la mort dont nuUui n'a defois.
A sa famé ala, si li dist maintes fois
Plusiex mos qui sunt molt à Jhesuerist cortois.
« Dame, dit li borgors, por Dex je vous requier, Donez aus povres genz qui en ont grant mestier. Vous avez bien de quoi; Diex devez mercier.
De vostre enfant pensez, et si le tenez chier. »
— « Sire, dist la borjoise, tout à vostre talant Aus povres genz donrai assez et largement ; De vostre enfant aussi penserai voirement ; Jà pis n'aura de moi, sachiez certainement. »
Cil l'en à marcié; puis manda son curé,
Qui ses droiz li donast quant l'ot bien confessé.
Lors a-il le morsel de la mort enduré
Qui n'espargne nuUui fort, foible, n'aduré. '
Grant duel ûst la borjoise, sachiez, de son mari, Car moult pert en cest siècle qui pert un bon ami. A tant me voudrai taire, plus n'en parlerai ci ; De son fil vous vueil dire comment il fu nouri.
La dame l'ama moult, mentir ne vous en quier; Tant l'ama que le fist avesques lui couchier, Il crut, et en barmi grant fu fort et legier. De li ne vost sa mère tant ne quant esloignier.
Li valez devint granz, si fu en bon aage De soi apercevoir; si dit en son courage :
« De gésir o sa mère certes c'est grant folage. » De ce qu'elle le seufre ne la tint pas à sage.
Il s'en vint à sa mère et si l'aressonna :
« Mère, dit li valez, entendez à moi çà.
Faites-moi faire .i. lit ailleurs, où coucherai; Ne gerraî plus o vous, par Dieu qui tout forma!
« Je vous dirai por quoi. Ce seroit grant folie; Nature me semont, de ce ne doutez mie, A péchié de luxure par aucune foie :
Si veil ailleurs gésir sanz faire grant détrie. »
Sa mère le regarde, si l'en pesa forment, Car ele Tama moult, sachiez certainement; A nul mal n'i pensoit; si li dit erraument :
« Ailleurs n'iras gésir, par mon commandement.
« Bien sai à quoi tu penses, de ce n'estuet douter : Tu veus aus folles famés aler et abiter Por destruire ton cors et du tout affoler.
Je te couroucerai se plus t'en oi parler. »
Li fil dît à sa mère que plus n'en parlera ; L'anemi les escoute, qui moult grant joie en a : A péchié de luxure trestoz .ij. les metra, Dont la borjoise à mort, se il puet, traitera.
La nuit , que il durent au lit aler gésir, L'anemi fu moult prest , qui les voudra traïr : Le fil fîst à sa mère etigendrer sanz mentir. Quant ot fait son malice en li n'ot qu'esjoïr.
Encor leur fera pis, si com orrez conter.
La borjoise engroissa 'f lonc tens prist à penser
Et la tint Faneini; ne s'osa confesser :
Honteuse fu forment et dolente en penser.
La borjoise de robe vesti à son vouloir :
Nuluî de sa groissece ne se pot parsevoîr.' Si la tint l'anemi et la sot décevoir Que d'ele confesser n'avoit point de povoîr.
Mes se devant ot fait aumosnes laidement, Plus en fist-ele après, sachiez certainement; Et son péchié plouroit sovent moult coiement ; La mère Dieu prioit au moutier doucement.
Elle fist tant de biens , si corn dit li escris^ Li renon en fu grant par trestot le paîs ; Grant honeur li portoient li granz et li petis. De son péchié ne s'est nul âme garde pris.
Li anemi en fu corrooié et dolant.
Le terme aprocha que dut avoir enfant :
Le jor vint sanz demeure, le mal li prist errant}
Oez com l'anemi la déçut plus forment*
En «i. vergier entra quant son mal engoissa : Loing fu de tote gent, toute seule i ala, Et la tige d'un arbre par destrece embraça.
D'un biau fiz en la place tentost se délivra*
Moult fort se démonta quant elle tint l'enfant; L'anemi fu delez : forment la va tentant.
« Lasse! dit la borjoise, que ferai maintenant? Je l'estrangleré jà; n'ir^ plus en avant. »
DE ROMMë. 83
L'anemi fu moult près qui forment la basta :
L'anfant prist en ses mains, tentost le dévora; Et quant elle ot ce fet à terre le bouta.
L'anemi ot grant joie, et celle s'en torna.
La dame fu cessie des las au maufé vis; Se devant ot fest mal, encor fist-ellc pis ; Et de ces .ij. péchiez, si com dit li escrrs, Ne s'osa confessier, par foi le vous plevis.
Blés des aumosnes fist assez plus que devant ; De son péchié ne sot le monde tant ne quant.
 trestoz et à toutes fist dehors biau semblant, Mes son cuer va souvent por son péchié plourant.
La borjoise lonc temps en cel point demoura : L'anemi voit moult bien que enginée l'a.
Ne que de ses péchiez nus bons riens n'en saura Se n'est par lui; oez cornent Tencusera.
En semblance se mist d'un home crestien, Et va disant par Romme qu'il est fuisicien.
Et mires autres!, si bon qui n'i faut rien; Tantost ot entor lui maint enfers crestien.
11 garisoit moult bien ce qu'il entreprenoit. Tant fist que grant renon partout de lui aloit. L'emperière le sot : grant joie en auroit Se il en sa court demourer i voloit.
Tant fist li emperière que cil en sa court vint Demourer avec lui; moult joiant en devint.
Moult garisoit malades, à grant honor le tint; Tant fist que delez lui chevaucher li convint.
L'emperère le tînt à tout le plus privé Qu'il éusl en sa cort. Tant li a sens montré Que trestot li empire estoitpar lui mené; Presqu'autant comS sires fu cremu et douté.
Ert tant c'unne jornée s'aloient déduiant, Bêlez lui ce grant mestre que il aloit prisant. D'unnes choses et d'autres vont ensemble parlant; Lors ne se pot plus taire Fanemi souduiant :
« Sire, dit l'anemi, plest vos à escouter
Une moult grant merveille que je. vous voeîl conter.
Terre devroit issir et parlir et crever
Par péchié qui fet murtrir et avouter.
« Il a telle bourjoise meignant en la cité Où l'en cuit qu'il ait moult grant humilité; Mes s'en savoit de li la pure vérité, L'en diroit qu'en li a moult grant iniquité.
« Sire, j€ vous dire, elle a fait avotire De son fil proprement, dont n'en ne doit pas rire. Celle le vouloit nier, de prouverai matire; Encor plus grant mesfet orrez-vous de li dire.
« Son enfant engendra en li certainement.
Mes de l'engendréure avint trop malement.
Quant elle fu délivre, je vous di vraiement Que elle à ses .ij. mains Teslrangla erraumenl. ♦^
DE ROMMÏT. 85
— « Sainte Marie Dame! ce dît li emperère, Qui sauroit qui elle est, maie justice amcre Seroit fête de li, par le baron saint Père;
Nus ne l'en garderoit, se a'est Dieu ou sa mère. »-
— « Je la vous nomeraî, que- mentir ne vous quier: Cest cdle qui le monde fait ainsi foUoier
Des aumosnes qu'a fait, mes sachiez sanz cuidier Qu'elle a bien déservi que en Tardé en brasier. »*
L'emperère Fesgarde, qui forment se merveille:; « Mestre, ne dites ce, je vous lo et conseille^ N'a dame ne borjoise entre ci et Marseille, Je crois, qui envers lui de bonté s'apareille. »
— « SirCi dit Tanemi, droit vous covient jugier. Faites faire .i. grant feu devant toz voz prisier : Se seullement le nie, faites m'i balencier,
Et s'elle le connoist si l'i foites fichier. »
— « Par foiîditremperère, contre ce jugement Ne pui-je pas aler ne bien ne loiaument. »
Tant haste l'anemi le feu (îst erraument :
La borjoise ont mandée tost et délivrement..
En son ostel entrèrent maintenant li message: El n'i fu pas^ ains fu au moutier com sage. Et ses péchiez plouroit devant la douce ymage O celle qui le jor la délivra de rage.
Les mesages i vindrent sanz nulle demeurée ;; Il ont prise la dame, si Ten ont amenée
La mère Dieu dessant, si est au pape alée; Toute celle besoigne li a dit et contée :
« Vas tost, dist Nostre Danie^ si li sauves la vie : Les aumosnes qu'a fait ne veil que perde mie. Gonfesses-Ia tentost; je li ferai aïe. »
L'apostoille s'en torne; la nuit plus n'i détrie.
L'anemi et la àsune furent jà en estant.
Li anemi s'escrie : « Geste vois encusant D'avotire, et de murtre qu'a fait de son enfant; S'elle vouloit nier, je l'iroie prouvant. »
Là ûst moult biau miracle Nostre-Dame Marie.
L^apostoille estoit là, mes on ne le vit mie: « As-tu fait ce mesfet? eonfesses-toi, amie. * La borjoîse li dit bêlement en l'oïe.
Quant elle vit le pape, si s'ala confessant.
Nus qui fust en la place ne le vit tant ne quant; L'anemi qui l'encuse ne s'en va percevant :
L'apotoire l'aso^, puis s'en ala à tant.
Quant elle fu confesse devant toz se dreça;
Une parole dit qui à toz agréa^
Fors que à l'anemi : « Or se traie en çà
Qui m'encuse de rien; vien me desfendre jà. »
L'anemi la regarde, si fu tôt aveuglé.
Et si a dit devant, que bien fu escouté :
« Certes, ce n'est pas celle que j'avoie acusc. »
— « Si est votr,dit chascun; vous seroiz mis ou ré.
Dolant fu ranemi quant einsi la perdi ;
Mes quant ea le dut prendre, tentost s'en est foui.
Se il fust bons charniex, il féust jà broï.
Geus qui iluec estoient en furent esbahi. .
Lors fu plus que devant la borjoise honorée.
Mes elle prist en li moult très bone pensée : Tantost lessa k siècle, nonnain devint veillée ^ Là servi tôt son tens celle qui Tôt sauvée.
Hé, Diex! tant est benoist qui Ëi sert et honeure^ Et qui à confessier bien toz ses péchiez pleure, Certes cil n'est pas sage qui en péchié demeure. Car nous n'avons respit semaine, jor ni heure.
Or prions touz la Dame qui le cors Dieu porta> Qui des mains l'anemi la borjoise osta.
Les euvres nous doint fère par quoi nous soions là Où Jhesu-Crist sanz fin et règne et régnera.
Ea:plicii la Borjoise de tUmme..
CI COHUENCB
£t Bit ht Monrtnct ht l^ommt.
Ms. 198 N.-D.
Pour ce que de bien faire ne puet nul mal venir, Yeil d'un fait merveilleus ma parole tenir.
La Vierge, qui de grâce set les siens raemplir, Gart trestouz ceulz et celles qui nous voudront oïr.
Douce gent, es croniques de Saint- Denis en France Voit-on moultde merveilles; mais sachiez sans doutance Celles de Romme sont de trop plus grant sustance : S'en orrez, s'il voua plaist, bdle senéfiance.
Une noble pucelle plainne de grant biauté Fille fu Temperère de Romme la cité, Oui soufTri en cest siècle tant de grant cruauté ; N'est nulz , si Toit retraire, qui n'en ait grant pitié.
Celle gentil pucelle fu nommée Flourence, Qui moult ot à souffrir de cruel pestilence.
En Dieu servir avoit bien mise s' espérance ; Dès que n'ot que .x. ans ot bonne conscience.
Et voua à Jhésu-Crist que jamais en sa vie N'auroit à homme nul charnelle compaignie.
Puis fu-ele parjure; s'en ot tant de hachie Que Tescripture dit, de ce ne doutez mie^
Conques n'en ot tant femme. Elle fu esléue A la plus bêle chose qui adont fu véue :
Comment qu'elle feust d'or et de soie vestue, S'avoit-elle la haire tout enprès sa char nue.
Avecques la bonté et la vraie pensée Li ot Nostre Seigneur si grant biauté donnée Par toutes terres fu de li la renommée.
