DU PLAIT RENART DE DAMMARTIN

— Je ne puis. Tu m'as dit que donéor sont mort : Je sui cil qui par force à sa vielle se dort.

— Bien voi que mon service mauvèsemenl emploi : Tant m'alez ramposnant que je les jambes ploi.

Jà n'en perdrez jornée por ce se j'afebloi ,

Que porter ne vous puisse chascun jor à Trambloi.

— Vairon, nem'aimésgaires, ainsi commeilraesamble, Qui me vas ramposnant que la teste me tramble; Mes se je por denier demain ne te dessamble, N'auras pas longuement et cuir et char ensamble.

— Et que ferez-vous donques, dites-le-moi se viaus? — - Volentiers; mes li dires ne te sera pas biaus :

Je te ferai venir un ouvrier de coutiaus,

A trenchier les ataches à qoi tient tes mantiaus.

— Sire, vous soliiez 1ère de moi tel feste.

— Voirs est. Or en ferai com d'afolée beste.

Ton cuir ferai oster des piez et de la teste, Si c'on porra veoir à descouvert le feste.

— Sire, dont vendra ce que li vilains retret, Quar li vilains seut dire de bien fère cou fret. Se preniiez bien garde aus biens que vous ai fet, Si me devriiez-vous un an garder contret.

— Honis soit,disl le mestre, qui vous tendra en mue! Puisque derrier devez corner la recréue, Vostre char ert aus chiens, moi ne chaut qui li rue. J'aurai argent du cuir, la paume me menjue.