II

34 GILOTE

Donqe ceste Johane un amy prist, Plus bel bachiler unqe ne vist; E corne Gilote la oui eynz dit, En totes choses issi le fit.

Johane se cocha ou cel bachiler Corne pucele prest à soun voler , E il se entrcmisl de son mester; Là gist un holio e un teyser.

Donqe dit Gilote, à chief de tour,

« Cornent vus resemble de le gu d'amour? »

— « Certes, Gilote, c'est dreit gu; Unqe en terre meilour ne fu

A reigne ne dame ne autre vivant; Par mon ami ai-je trové taunt , Tant juay ou ly ou seine plat, Qe par un simple eschek si ly di mat. »

Donqe dit Gilote, e parla à Jone :

«Cornent vus resemble, est la vie bone?

— * La beneson Dieu e sa douce mère Puissez-vus aver, corne bone counsilére!

Car je su en joye, en jolyf chère,

E su molt amendé en meinte manère ;

Si fu bien foie et mal avysée,

Qe j'ay pucele tant demorée

E perdu mon temps en vidueté,

Mes si ne fray-je mes, en ma léauté ! »

Tant ad Johane aie par Wyncestre

ET JOHANE. 35

E Gilote sa compaigne, qe fust chef mcslre

De dire cesle aventure e de prêcher,

Qe à peyne une puet-um trover

Que ne s'entremettra de tiel mestier ;

Si ele soit requise de jeouene bachilcr,

À peyne si ele savera son amour déneyer.

Si corn il alèrent un matyn déduant,

Une jeuene espose lur vient acontrant ,

E quant vist Gilote, si la salua ,

E counsail e aye ly demaunda ,

Et dit qe un chivaler ly aveit counté

Qe Gilote fust femme bien enloquyné,

« E dit qe il out oy la desputeysoun

Qe vus venquistes l'autr'er à grant rcsotin,

E que vus avez Jehane ensi consiliée

Qe c'est grant joie e grant dentée. »

Gilote assez bien la entendist ,

E tauntost après la demaundist

Quei fust la chose qe ele coveytoit,

Sur totes choses, qe rien ne celeroit.

«Moût y ad à dyre, c'est vérité,

Mes à vus, Gilote, ne serra rien celé;

E molt est à dire e à mostrer,

Mes bosoigne fet la voie deforcer :

Je su jeouene espouse, si ay un baroun .

Mes trop est-il fieble en sa mesoun ;

Ce est la vérité, il ad un vit

Trop est-il plyant e trop petit,

E je su molt près, si me tient clos,

E son vit est touz jours derère mon dors,

E pur fin anguisse me toud mon repos,

E me fet palyr e frémyr le cors ;