DE L'YVER ET DE LESTÉ

À cui je doins grysil e glace, Et quant me plest si lur faz grâce De coliner un jour ou deus, E pus après reposer trois ; E n'est-ce donqe grant seignorie D'aver touz tant en ma baylye, Que nul ne passera le soyl Santz anuy, si je ne Y voil?

Et qui purreit donque desdyre Que Yver ne fust mestre e syre? »

Esté respound: «Je ne l' grant mye, Ne jà ne le froy en ma vie;

De moie part, La chose serra plus oye, Et quant ele ert mieux asye,

Seit sur esgart.

Ce n'est pas honour ne corteisie Ne guères le tienk à mestrie

De vassal, Pur une petite bailie, De prendre à nulle rien atye

De fere mal; Mes pus qe dire le vus dey, Avauntez estes de grant effrey

Apertement.

Uncore frez-vus plus mal, ce crey,.

Qe dit n'avez, ne fust pur mey,

Qe vus défent.

Tant estes de grant démesure Qe de belté n'avez cure,

A vostre vueil ;