DES SIS MANIÈRES DE FOLS

Mes il dist à la dame un mot qui fu honteus : Qu'ele sambloit la leuve qui prent le soufreleus.

Encor di-je tel fol ne fu mie moult sage Quant il perdi la cort par son fol vasselage Et fist à son seignor, ce me samble, hontage. L'en fet tel norreture où l'en a bien domage.

Or avez-vous oï des sis fols tout le conte; Pou en est qui n'en soit de genz parmi le monde, Or jugiez entre vous, je define mon conte, Qui miex saura jugier et puis le me raconte.

Li premerains si fet par nature folie,

Et li secons le fet par sa mélancolie,

Et li tiers par orgueil qu'à maint homme se lie,

Li quars par fol regart qui entor lui colie,

Li cinquièmes si Test par sa grant négligence, Et li sisième après par foie contenance ; Adès ne rist-on pas de ce qu'il fet la dansse, À la foiz est-il fols par foie contenance.

Cis contes nous raconte et nous fet as a voir Qui de ces sis folies cuideroit nule avoir, S'il les pooit lessier il feroit grant savoir; Quar de folie fore ne puet nus miex valoir.

Nous avions l'intention de publier dans ce volume le roman d'Ami et Amila, auquel le dernier vers de la page 68 fait allusion; mais la longueur de ce poëme nous a détourné de ce projet. Toutefois on peut voir, pour ce qui le concerne , la note A , à la fin du volume.

Bc la £oit et te la £agt *

Ms. 7218 , Bibliothèque royale.

Iver li pereceus, qui toz jors frit et tramble, Qui despentlezle feu quant qu'autre lens assamble, Aus bois toit lor verdir, aus oisiax lor chant emble, Néis les bêles genz lédist-il, ce me samble.

Tant par est aniex qu'à tout le mont anuie; N'est larges fors de noif , de grésil et de pluie, Et de boe et de tai qu'il norrist et esluie : A povre muison tout autre chose .muie.

Cil qui tout le mont het avoit sa seson faite, Et ver esloit entré, qui toute chose enhaite : Aus bestes, aus oisiaus, lor nature a ratraite, Dames et chevaliers duist d'amors et afaite.

Li tens qui novel ert et tout reconfortoit, Pour moi reconforter en un lieu me portoit:

Ce fu en un vergier où l'en se déportoit; Tant com g'i demorai mon cuer grant déport oit.

Je m'estoie acoutez el vergier lez la sente, Là m'aloit confortant le vent qui soef vente;

L'odorece des flors que le leu me présente, Li délit me refet et je m'endorm soz Tente.

Tout fussé-je dolenz et fust la terre dure, Encor me poise-il que cest songe ne dure; Quar s'onques en sonjant vit nus bêle aventure, La plus bêle del mont i vi tout à droiture.

Encor m'est-il avis que je doie veoir Deus dames delez moi, desus l'erbe seoir; Esgarder les deust toz li mons et veoir, Quar Diex ne volt en eles plus beauté asseoir.

Ghascune des deus dames ert bêle créature :

D'un estre et d'un samblant les avoit fet nature, Neporquant ne sont pas d'un pris lor vestéure, N'eles ne sont d'un sens ne d'une menéure.

L'une ot robe muièreet l'autre l'ot ramage; L'une ert o tout le poil, l'autre ot de fil domage; L'une ot le cuer estable, et l'autre l'ot volage; L'une es toit de soi foie, et l'autre en estoit sage.

Gelé qui foie estoit l'autre à reprendre a prise : Primes l'a de sa robe, qui vielle estoit, reprise, Et puis de son mari, qu'el li blasme et desprise; Ele mar fu, ce dist, quant d'amors n'est esprise.

Quant la bone dame ot son seignor encuser De qui il li loisoit toute la robe user, Et por ce qu'el ne veut à foie amor muscr> Et li et son seignor voudra jà escuser.

« Dame, fet-ele, à vous qu'apenl de cest afère? Tant com je me tendrai de mon seignor meffère, Mesire à son talent me fera robe fère, Et se il ne li plest, si soit tout à réfère.

— Por ce di-je que dame ne puet avoir greignor Desroi que tenir soi del tout à son seignor;

Mes s'ele avoit soz li un cortois améor, Bien porroit consentir foible maintenéor.

— Vostresens soit tout vostre, dame, je n'en ai cure; A honir mon seignor ne metrai-je jà cure, Et vous aurez assez mésestance et laidure, Quar bien la doit avoir qui de son gré l'endure.

— Lédure doit avoir qui la veut maintenir, Mes je maintendrai ce dont honor puet venir : Dont ne me vient-il miex à mon seignor tenir Que partir moi de Dieu por foie devenir.

— - De Dieu ne se part mie qui à amer s'aprouche, Quar en conroi se tient et en délit se couche. Jà dame n'ert loée à droit par une bouche, Et qui te loera fors quant un ne te louche?

— Se plusors gens me voient, ma biauté ert loée; Mes se plusors m'atouchent, j'en serai emboée : En dame est malement la biauté aloée

Qui désert que ele est de son los descroée.

— En non Dieu, tu me mens,ains croistleloset monte Aus dames dont parolent li baron et li conte;

Bêle la dist chascuns et cortoise en son conte: A toz la fet amer ice que vous en conte.

— Bien otroi que bien soit cortoisic o biau té, Mes cortoisie n'a nul lieu sanz léauté :

S'un desléaus te loe par sa desléauté, Tu es celé c'on lient sage por foleté.

— Tiens-me-tu doneques si de folie agruière, Por ce que je ne lais le pré por la bruière?

Quant je sui chascun jor de trois robes minère* Tu t'eslrains nuit et jor en une viez suière.

— De ma robe te tais, quar ele fu nueve moie; Mes la teue est ainçois à cil qui la t'envoie. Soz une vielle robe vueil miex que nete soie Que je fusse soillie desoz une de soie.

— Dame, s' ele est soillie garra s'ele se lève, Mes ta color resamble pomme cuite sanz sève : Que vaut ta blanche char plus que s'ele fust blève Quant ne lesses sentir s'ele est aspre o souève?

— Diex vueil que on le cuit, ainz qu'il soit esprovéc Que ele soit souève puis fust aspre trovée.

Tel dame est, tele evre est à l'essai esprovée, Qui si bas en respont qu'ele en est mains rovée.

— A voir, n'ert jà loez dont chascuns di : « Nesai. » Moult vaut miex quel'en die: « Moult est bon , bien le sai . Por c' es-tu en y ver en la robe d'essai ,

Que ne lesses c'un seul toucher à ton essai.

— Moult est riche la robe qui cTonor est venue, Mes celé est povre et vil qui de honte est créue. Que te richies-lu de ta desconvenue?

A chascune perra comme el s'ert maintenue.

— En non Dieu, tu dis voir; il i pert orendroit : Je sui en riche point, tu es en povre endroit; J'ai robes et joiaus dont l'en cent mars auroit: N'auroies pas cinq sols qui pendre te devroit.

— Par foi , or as-tu bien esploitié ta besoingne,

Qui porconquerre avoir ne quiers vers honte essoingne,

Je ne pris ton gaaing le vol d'une cigoingne :

Miex vaut plain poing d'onorqueplain val devergoingne.

— Or esgarde l'onor que toz jors as eue :

Laquele de nos est miex chaucie et vestue?

Laquele de nos est miex amée et créue?

Jà n'en parolé-je, si 1' monstre la véue.

— A tort t'ameroit l'en, quant d'amour t'es partie; Dès que tu as t'amor en tantes pars partie:

L'amor qui en seroit en cent pars départie Covendroit petite estre la plus bêle partie.

— Je ne part pas m'anior, ainz l'a mon ami toute. Je n'aim pas mon mari del cuer plus que del coûte, Si me contieng vers lui que nule rien ne 1' doute; Asséur me dédui , quar le cop ne voit goûte.

— Comment te conliens-tu quant il te tient en aise, Et il fet tant de toi qu'il l'acole et te baise?

De toi fet loul son bon , comment que il te plaise, Et se il ne te plest , fains-tu que il te plaise?

— Jà ne m'entremetrai de tel faintise faindre, Ainz faz comme l'y mage que le paintor doitpaindre: S'il veut il puet sachier, s'il veut il puet empaindre; Jà de suor qu'il gete ne verrez feu destaindre.

— S'en oevre es autre tant comme en parole osée, De trop grant hardement dois donc estre chosée. L'ymage que tu dis, dont n'ist point de rousée, Covendroit à suer s'ele estoit arousée.

— Autre chose que voir t'est issue des denz ; Jà riens ne suera s'il n'eschaufe dedenz :

Torner me puet mesire ou enverse ou adenz , Jà n'en eschaufera tant ne set estre ardanz.

— De mauvèse loi es; ne te sai plus que dire, De mesfère te soi lies ausi comme de dire.

Jà dame ne se doit à deus hommes déduire, Se bordelière n'est, quar son los en empire.

— Par foi, or me veus-tu à rebors preeschier, Qui le tort mon seignor me veus aderesnier?

Dont ne soufferras-tu la vingne à vendengier Quant celui cui ele est ne la veut chalengier?

— Saches, por ton seignor ne t'en mis pas en conte, Mes le blasme de toi jusqu'à nos autres monte. Feras-tu por ce pis, se il à toz ne 1' conte :

il ne I' lest pas por toi , ainz le lest por sa honte.

— Bien soit la honte scue, jenel' vous quier maschier ; Por ce que mon mari voi de toz biens laschier, J'ai usé mon jovent tant comme homme l'a chier, Quar poi a de poissons, qui n'a dont taaschier.

— Tu uses tout ton tens et tout ton bien en perte, Tu pers ce dont tu vis, c'est véritez aperte :

Qui à Dieu de ses dons ne veut fère déserte, Diex de toz ses amis le départ et déserte.

— Diex done si ses dons, ce est véritez pure, Qu'il veut que on les ust tant comme li dons dure. El tens de mon jovent, à mon délit met cure; Mes tu atendras tant c'on n'aura de toi cure.

— Se Diex m'a doné don, bien m'en doi recorder, Qu'à Dieu dont li dons vient me doi si acorder, Que ses dons et m'onor face ensamble acorder; Por ce ne me doi pas en péchié enorder.

— Or te tien bien , quar jà de toi bon fruit n'istra : Terre s'el n'est méue, jà bon blé n'i croistra.

Par tens le pas de jai desoz l'ueîl te nestra ; Saches que ta biauté ta siute descroitra.

— Siute n'aurai-je jà fors de bien et d'onor. Jà n'orras de moi dire au grant ne au menor, Fors que léal dame est et bien sert son seignor ; Se de tant ai bon los, encor l'aurai greignor.

— Los dont preu ne me vient ne quier-je jà avoir. On ne doit pas tenir longuement un avoir;

Bon remuer le fet, quar dont puet-on savoir Qu'il valut quant on Tôt. Or t'ai-je dit savoir.

— C'est sens à marchéant, que sovent renovele Son avoir, mes n'est pas à cointe dame et bêle. Fin cuer et enterin art dame et damoisele :

Ne doit pas resambler espervier qui oisele.

— Por le mestier aprendre et por moult miex valoir Doit-on mestier changier; mes il ne puet chaloir Aus dames d'acomplir à chascun son voloir :

Quar qui plus en fera, plus s'en porra doloir.

— Ne me dueil pas de chose qu'ai eu en coustume, La mer s'en va et vient et toz jors gète escume, Bestes gèlent lor poil et ces oisiaus lor plume :

De changier mon talent lor example m'alume.

— Par foi , de ceste chose ne te tieng mie à sage, Ainz m'est avis que as dedenz le cuer la rage; Por ce, se lor poil gètent bestes, oisiaus sauvage, Géteras-tu ton cuer? Nenil sans ton domage.

— Esgarde : ne s'enfuit tens ausi com l'onde Qui toz jors cort aval, n'arriére ne soronde? La beauté s'en refuit; Dame-Diex me confonde Se je n'empli mon tens ainz que ma color fonde.

— Mètre ton tens en mal , ce n'est mie emploier, Ainçois est ton honor en honte desploier.

Un arbre tuert et fraint de trop sovent ploier : De trop sovent cheir se doit dame esmaier.

— Ne m'esmai pas de fais que bien puis soustenir : Or lai jovente aler et viellece venir,

Si verras à quel fin tu porras parvenir De ce que tu ne veus c'une sente tenir.

— Et qnant jovente aura et moi et toi lessie, Et chascune sera de viellece plessie, Vielle dame aurai non, de tant ère abessie, Mes l'en t'apelera vieil putain relessie.

— Or m'as-tu moult mesdit, si as pris de réson; Bien sai que quant vendra en icele séson ,

C'on nous reprochera ce que ore feson ; Mes je te cri merci que nous nous en téson.

—En non Dieu, non ferai, je ne m'en vueil pas tère; Quar tu seule fez tant dont autres ont contrôre; Se il te doit bien mètre devant.enz el viaire, Désormès te déusses de folie retrère.

— Dame, à voslre conseil me voudrai contenir : Jà n'amerai fors là dont honor puet venir; Foie amor guerpirai se m'en puis astenir, Quar bien sai que grant mal m'en porroit avenir.

— S'ainsi le fesiiez, vous feriiez que sage;

Mes moult dout qu'à folie ne vous ramaint l'usage. Jà ne vous en croirai , tant avez cuer volage, Se vous ne 1' me jurez sor ceste florestage. »

La dame li créante le serement à faire :

Sor la flor li jura qui moult souef li flaire, n. 6