DE VÉRITÉ

De mon office.

Hé, Roys ! bien te tiennent por nice Cilz qui m'ont mis hors du service;

Mes vraiement Il scevent bien certainement Se plus i fusse qu'autrement

Alast l'afaire, Et pour ce ne leur puis-je plaire

C'en est la somme.

Onques mauvais n'ama preudomme; Mais tele gent que je ne nomme,

Qui tant sont faus, Malicieus et desloiaus Et mesfesant , cruex et maus,

Ne fussent mie Monté en si grant seignorie Se je fusse de ta mesnie :

Mais ne puet estre Pour quoy que ne vueullent ti maistre.

Tu crois tel gent qui te font peistre:

C'est grant meschief.

Se g'y mainzisse, par mon chief, Tel gent ne fussent mie chief

De ton royaume Qui si se font oindre la paume.

Cil qui à l'escu et au hyaume

Et à l'espée Ont recéu mainte colée En combatant par ta contrée

En fussent maistre.

Tiex gent dussent savoir ton estre