UN DITE

Je m'en fuy jusques à Roume, Mes on ne prisa une pomme

Riens que je sache.

Ghascuns me détîre et désache :

Roys, tous cilz t'ont fait grant domache

Qui ce ont bracié.

Mon non ont de ta court chacié, Qu'il te souloit avoir lacié

Parmi les flans.

Princes nobles, bons rois des Frans, Ne me fay plus croupir sous bans

Ne dessous huches ; Quar se tu briément ne me huches, Fausetés, qu'entour toy aluches,

Te grèvera.

Hé, Diex! qui me relèvera?

Où est celui qui me fera

Tant de bonté Que mon non fust en haut monté?

Tant que t'eusse raconté

La desraison Pour coy je sui de ta meson Banie, où si longue seizon

Demourer sueil.

Aine n'i ot si hardi pour l'ueil Qui m'osast mener sus ton sueil

Devant ton huis :

Nennil voir, un tout seul n'en truis.

Nule voie trouver ne puis

Par où g'y aille, Mes se je y vois, comment qu'il aille, J'ouverray maugré qui qu'en chaille