DE L'UNICORNE

Ainz va mes tout amenuisant ; Gelé part vient abondissant, De plain eslais si s'abandone, De sa corne tel cop li done Que l'arbre fet aval chéir.

Or ne se puet plus cil tenir Que il ne soit cbéus au fons Du val, qu'est hideus et par fons; Or est chéus aval el gouffre Où il toutes les dolors souffre.

Or est-il droiz que je vous die

Que celé beste sénefie

Qui est cornue en mi le front :

Ce est la mort qui nous confbnt,

Qui nuit et jor nous est moult près.

Et si nous gaite tout adès

Qu'il n'est nus bons qui tant séust

Qui de li garder se péust.

Félonesse est et mal queranz;

Ele prent toz vilains et frant;

Si vient ausi comme li 1ère :

Ele emble la fille à la mère,

Le père au fil , le fil à Tomme :

Ele prent tout , ce est la sdmme.

Ele fet si plenief son conte

Qu'ele n'espargne roi ne conte,

Archevesque ne clerc ne prestre.

El monde ti'a plus félon mestre,

Et cil qui plus la beste fuit

Ce sont hommes et famés tuit ,

Nous, genz qui en cest siècle sommes,

Qui volentiers la mort fuiommes; Se nous la saviiens de çà Moult volentiers fui riens de là.

11 n'est nus hom qui la véist Qui volentiers ne la fuist.

Et de l'arbre et de la falise Vous dirai toute la devise Où li preudom à garaat vient :

C'est la vie qui nous sous tient ; Chascun s'i tient tant comme il puet , Et quant partir nous en estuet, Voirs est que moult envis lessons Et noz avoirs et noz mésons, Et quant ce vient au départir Que l'âme doit du cors partir, Si samble à chascun sanz délu Qu'il n'ait c'un petitet vescu.

Or vous vueil-je la réson rendre Et par example fère entendre Que les deus béates sénefient Qui l'arbre rungent et afinent.

Hé Diex! qui bien i penserait, Gom peu d'orgueil il averoit!

Ce est la nuit et s'est li jors Qui nos vies met en décors :

1er fu plus Longue nostre vie Qu'ele n'est hui, n'en doutez mie, Et hui plus longue que demain ; Ainsi traions au daarrain.

L'autr'ier désirrames Noël, Quaresmes, Pasques autretel,