DE LUN1CORNE

Après Pentecouste en esté, Et après c'on ait moissoné, Feste Toz-Sainz et Saint-Martin :

Ainsi tret chascuns à sa (in.

Li jors et les nuis nous acorce Nostre vie, et no fin a proche; Quant li jor et la nuit oscure Ont tant esté en lor pasture Qu'il ont nos vies pasturées Et à noient les ont menées, Lors vient la mort qui ne se faint , De sa corne si nous empaint, Si roidement vers nous s'acointe Qu'ele gete mort le plus coin te.

Or vous vueil dire sans meslée Que sénefie la valée Qui tant est laide et anieuse, Orde, puanz et périlleuse, Et li serpens à la grant geule :

Ce est Enfers où li maus queule Qui toz jors bée à nous déçoivre; Si nous devommes aperçoivre Tant corn nous avons poesté, De nous conduire à sauve té.

Doit chascuns fère son aguet , Quar se nous sommes là jus tret, James jor issir n'en porrons, Mes toz jors en vivant morrons; Ausi com cil qui gist el fu Qui desus l'arbre montez fu.

Or est-il droiz que vous sachiez Du miel dont l'arbre fu carchiez ; Or vous en vueil le sens descrire Qu'il sénefie et qu'il veut dire :

Le miel qui enz en l'arbre abonde, Ce sont li faus délit du monde, Li biau boivre, li biau mengier, Li biau vestir, li biau chaucier, Les granz robes et li or f roi, Li cheval et li palefroi , Et li tornoi et li cembel, Et li lévrier et li oisel.

Les granz dames et li borgois, Et li vilain et li cortois, Sont si à cel délit torné Que tout en ont Dieu adossé.

Nus ne quiert mes que ses solaz , Et s'aucuns tient entre ses braz S'amie, soit pucele ou dame, Por cel délit oublie s'âme.

Hélas ! com povre covoitise Qui si tost est à noient mise !

Or esgardez par tout le mont Toz les plus sages qui i sont, Gomme lor joie tost lor faut Si tost com la mort les assaut.

Vers la mort n'a mestier proece, Biautez , ne force, ne larguece, Sens de provoire ne d'abé Ne de nul sage clerc letré, Qui tout ne voist parmi la mort,